Part 35

Et si trestost que li roys Edouwars fu venus à Londres à tel compaignie qu’il avoit, et qu’il eut estés festiiés et conjoïs de madamme la roynne d’Engleterre, sa femme, il s’en alla au plus tost qu’il peult, là où li roys Jehans de Franche gisoit, et l’amena à son pallais à Wesmoustier, à Londres, où il fu festiiés et honnourés grandement dou roy d’Engleterre et de madamme le roinne, dou prinche de Gallez, qui point ne le haioit, dou duc de Lancastre et de tous les seigneurs enssuiwant d’Engleterre. Et estoit adonc li roys Jehans de Franche logiés en l’ostel de Savoie, messires Phelippes, ses filz, avoecq lui, messires Jaquemes de Bourbon, messires Jehans d’Artois, li comtez de Dammartin, li comtes de Tamkarville, li comtes d’Auçoire et li autre seigneur de Franche qui furent pris à le besoingne de Poitiers. Là eult grans festez et grans reviaux entre le roy de France et le roy d’Engleterre, et festioient de disners et de souppers si grandement l’un l’autre c’à merveilles. Et durèrent ces festes quinze jours. Et donnoient li doy roy les plus nobles mengiers à court ouverte que on se pooit esmervillier où on prendoit chou que on y despendoit, car chacuns s’efforchoit de sourpasser son compaignon. Quant chou fu passet et on eult appareilliet le roy de Franche de si nobles atours que à tel prince appartenoit, li roys englès et si enfans, li dus de Lancastre et tout li autre grant seigneur le amenèrent jusques à Douvres sus le mer, à très grant noblèce. Et envoya li roys englès le prinche de Galles son fil, le duc de Lancastre, le comte de Warvich, monseigneur Regnart de Gobehen, monseigneur Gautier de Mauny, le seigneur de Perssi et grant fuisson de seigneurs avoecq le dit roy Jehan jusques à Callais, enssi que couvenenchiet estoit, et li fissent toutte l’onneur, l’amour et le compaignie que faire li peurent et si comme à lui appartenoit. Et attendirent à Calais les seigneurs de Franche assés longement, qui devoient aporter six fois cent mil florins et entrer en hostaige, ensi que li pais faite et acordée entr’iaux portoit. Fº 124.

P. 21, l. 13: dignes.--_Ms. A 17_: nobles. Fº 281.

P. 21, l. 13: les dignes jeuiaus.--_Ms. A 8_: les dignitez et les joyaulx. Fº 222.--_Ms. A 15_: les grans dignitez et joiaulx. Fº 242 vº.

P. 21, l. 19: traisissent.--_Ms. A 8_: retraissent.--_Mss. A 15 à 17_: se retraissent arrière.

P. 21, l. 21: le Somme.--_Ms. A 8_: la rivière de Somme.

P. 21, l. 21: aller.--_Ce mot manque dans les mss. A._

P. 22, l. 2 et 3: grande offrande.--_Ms. A 8_: grandes offrandes.

P. 22, l. 4 et 5: Si entendi... Harflues.--_Ms. A 2_: et chevauchèrent tant que le roy et ses enfans vindrent à Harfleu.

P. 22, l. 10: aconvoiiés.--_Mss. A 8, 15 à 17_: convoiez.

P. 22, l. 12: sans damage et sans peril.--_Ces mots manquent dans les mss. A._

P. 22, l. 15: auques des premiers.--_Ms. A 17_: avecques ses barons.

P. 22, l. 22: disoit.--_Ms. A 8_: diroit.

P. 22, l. 24: à quel.--_Mss. A 15 à 17_: à quelque.

P. 22, l. 25: ne l’euist jamais contredit.--_Ces mots manquent dans les mss. A._

P. 22, l. 27: Jakemes.--_Ms. A 8_: Jaques. Fº 222 vº.

P. 22, l. 28: durement.--_Ms. A 8_: grandement.

P. 23, l. 3 et 4: approcemens.--_Les mss. B 3, 4 et A ajoutent_: semblant. Fº 239.

P. 23, l. 9: estoit.--_Mss. A 8, 17_: estoient.--_Ms. A 15_: fut resjouie de leur venue et de la paix du roy son seigneur. Fº 243.

P. 23, l. 12: le.--_Ms. A 8_: se.--_Mss. A 15 à 17_: les.

P. 23, l. 20: messagiers.--_Ms. A 8_: messages.

P. 23, l. 22: Li paiemens.--_Mss. B 3, 4 et A_: Mais li paiemens.

P. 23, l. 26: dou roy leur père.--_Ms. A 8_: de leur seigneur.

P. 23, l. 27: attendre.--_Mss. A 8, 15 à 17_: entendre.

P. 23, l. 28: entrues.--_Ms. A 8_: pendant ce.

P. 23, l. 28: le dit royaume.--_Ms. A 8_: le royaume de France.

P. 23, l. 30: Melans.--_Ms. A 7_: Melan. Fº 229 vº.--_Mss. A 8, 15 à 17_: Milan.

P. 23, l. 30 et p. 24, l. 1: et de plusieurs cités en Lombardie, fist.--_Ms. A 17_: et plusieurs citez de Lombardie firent. Fº 281 vº.

P. 24, l. 3: rouva.--_Mss. A 8, 15_: fist requerir.--_Ms. A 17_: fist savoir. _Le scribe du ms. A 7, n’ayant pu lire ou ne comprenant pas le mot_ ROUVA, _l’a laissé en blanc_.

P. 24, l. 4: parmi tant.--_Ms. A 8_: parmy ce que.

P. 24, l. 6: s’i.--_Ms. A 17_: lui.

P. 24, l. 8: pourquoi.--_Ms. A 8_: pour ce que.

P. 24, l. 9: ne fu... avant.--_Mss. A 7, 8, 15 à 17_: ne vint mie si tost avant.

P. 24, l. 10: souffrir.--_Le ms. A 8 ajoute_: et endurer.

§ =478=. Quant li princes.--_Ms. d’Amiens_: Quant chil seigneur d’Engleterre eurent assés atendu et il virent que chil hostaige n’estoient point appareilliet, ne li argens deseure dis pourveus, il prissent congiet au roy de France et s’en rallèrent en Engleterre, et laissièrent le roy Jehan et monsigneur Phelippe, son fil, en le garde de quatre moult vaillans chevaliers pour yaux garder, c’est assavoir le comte de Warvich, monsigneur Regnart de Gobehen, monsigneur Gautier de Mauny et monsigneur Rogier de Biaucamp et de pluisseurs autres gens d’armes souffissans, qui leur faisoient tous les sollas que faire pooient bonnement, et laissoient parler au dit roy, et mengier, soupper et compaignier en tous solas avoecq lui les seigneurs et les chevaliers de France, enssi qu’il leur plaisoit et enssi qu’il le venoient veoir de jour en jour, les ungs apriès les autres. Et menoient chil seigneur d’Engleterre esbanoiier le dit roy, monseigneur Phelippe, son fil, et les autres seigneurs de Franche demy lieuwe loing, fuist à piet ou à cheval, si comme il leur plaisoit, en attendant que li somme de florins dessus ditte fust paiiée et que li seigneur qui devoient entrer en hostaige pour le roy, leur seigneur, fuissent venu.

Si estoit tous li dis paiemens des six cens mil florins pourveus et mis en l’abbeie de Saint Bertin, à Saint Ommer, mès on ne le volloit mies delivrer jusques à tant que li hostaiges fuissent entrés, ensi que couvenenchiet estoit, à bonne cause; car, se li somme de florins fust delivrée et apriès li hostaiges n’y volsissent tout entrer ou on ne se pewist acorder, li ditte somme fust perdue, li pès fuist brisie, et li roys Jehans de France fust remennés en Engleterre comme devant. Fº 124.

P. 25, l. 3: dou pays environ.--_Ms. A 17_: d’environ icelles.

P. 25, l. 6: en l’ombre.--_Ms. A 8_: soubz ombre.

P. 25, l. 10: Athegni.--_Ms. A 8_: Athigny. Fº 223.

P. 25, l. 11: il.--_Ms. A 8_: si.

P. 25, l. 15 et 16: si retournoient.--_Ms. A 17_: et s’en retournèrent. Fº 282.

P. 25, l. 20: florins.--_Mss. A_: frans.

P. 25, l. 21: fu.--_Le ms. A 8 ajoute_: là.

P. 26, l. 1 et 2: comment... user.--_Ces mots manquent dans les mss. A._

§ =479=. Ensi demora.--_Ms. d’Amiens_: Ensi demoura li roys de Franche à Callais tout cel estet ensuiwant. Et vinrent si troy fil à le chité d’Amiens: là eut maint parlement de l’un à l’autre. Finablement, il s’acordèrent à entrer en hostagerie pour le roy leur père, voires messires Loeys et messires Jehans. Et leur eut en couvent messires Carles, leurs ainnés frerres, qui celle pais avoit tretie, que il ne cesseroit jamais deviers le roy leur père si les en aroit delivrés. Et pour acroistre leur nom et leur seignourie, on fist monsigneur Loeys, ducq d’Ango et du Mainne, et monsigneur Jehan, duc de Berri et d’Auvergne. Si s’asamblèrent tout chil seigneur, qui ostagier devoient estre, en le bonne ville de Saint Omer. Et quant il furent tout venu, il se traissent moult couvignablement à Callais, et se remoustrèrent, chacuns par lui, au consseil dou roy d’Engleterre. Si jurèrent tout prison et hostagerie pour le roy leur signeur. Et li roys Jehans leur dist que il y entraissent ou nom de Dieu liement et vollentiers, car il les en deliveroit sans damage et sans fret. Vous devés savoir que chacuns sirez estoit si enclins à le pais pour tout le coummun prouffit de crestienneté, et si avoient si grant fianche ou roy Jehan leur signeur, qui leur disoit et proummetoit qu’il les en deliveroit, que tout y entrèrent liement. Che fu le nuit de tous les Sains qu’il passèrent le mer à Callais et arivèrent à Douvres l’an de grasce mil trois cens soissante. Fº 124 vº.

P. 26, l. 4: octembre.--_Mss. A 8, 15 à 17_: octobre. Fº 223.

P. 26, l. 7: devoient.--_Le ms. A 17 ajoute_: venir et.

P. 26, l. 11 et 12: de l’une... dou conseil.--_Ms. A 17_: d’un costé et d’autre du costé. Fº 282 vº.

P. 26, l. 15: qui s’appellent chartre.--_Ces mots manquent dans les mss. A._

P. 26, l. 28: pour tant.--_Mss. A 8, 15 à 17_: pour ce que.

P. 26, l. 30: dient.--_Ms. A 8_: disoient. Fº 223 vº.

§ =481=. P. 33, l. 7: Quant.--_Les §§ 481 et 482 manquent dans le ms. A 17_, fº 283 vº.

P. 33, l. 10: lisi.--_Ms. A 8_: lut. Fº 225.

P. 33, l. 12: çascun.--_Ms. A 8_: tous.

P. 33, l. 18: ordonné.--_Ms. A 8_: accordé.

P. 33, l. 18: Bretegni.--_Ms. A 8_: Bretigny.

P. 33, l. 28: estoit.--_Les mss. A ajoutent_: tout appareillié et. _Ms. A 7_, fº 231 vº.

P. 33, l. 31: li consauls.--_Ms. A 7_: les consaulz.--_Ms. A 8_: le conseil.

P. 34, l. 1: requisent.--_Ms. A 8_: requist.

P. 34, l. 3: grossée.--_Les mss. B 3, 4 et les mss. A ajoutent_: et seellée. Fº 241.

P. 34, l. 9: notablement.--_Ms. A 8_: noblement.

§ 483. P. 47, l. 9: estroit.--_Ce mot manque dans les mss. A._

P. 47, l. 26: grossée.--_Ms. A 17_: grossoyée. Fº 287.

P. 47, l. 28: s’ensieut.--_Mss. A 8, 15_: est telle. Fº 228 vº.--_Les mss. A 7, 17 ajoutent_: ainsi. Fº 234 vº.

§ =485=. P. 50, l. 27: de l’un.--_Le ms. A 8 ajoute_: roy. Fº 229.

P. 50, l. 28: content.--_Ms. A 8_: contens.--_Ms. A 17_: comptentes. Fº 288.

P. 50, l. 28: voirs.--_Ms. A 8_: verité.

P. 50, l. 31: avoir grant droit.--_Mss. A 7, 8_: droit à avoir très grant. Fº 235.--_Ms. A 17_: à avoir très grant droit.

P. 51, l. 2: couchier.--_Mss. A 8, 15 à 17_: touchier.

P. 51, l. 3: diffiniement.--_Ms. A 8_: diffinitivement.

P. 51, l. 5: mies.--_Ms. A 8_: point.--_Ms. A 7_: pas.

P. 51, l. 10: quel part.--_Ms. A 8_: quelque part.

P. 51, l. 14: que donc qu’il.--_Ms. A 8_: jusques à ce qu’ilz.

P. 51, l. 16: briefment passer.--_Ms. A 17_: brief partir.

P. 51, l. 19: volsissent.--_Ms. A 8_: eussent voulu.

P. 51, l. 20: là.--_Mss. A 15 à 17_: ja.

P. 51, l. 23: reus.--_Ms. A 17_: receuz.

P. 51, l. 24: plus longement.--_Ms. A 8_: plainement.

P. 51, l. 27: en devant.--_Ms. A 8_: par avant

P. 51, l. 27 et 28: dont nous parlons.--_Ms. A 8_: comme nous parlerons.

P. 51, l. 31: et.--_Ms. A 8_: ou.

P. 52, l. 7: en dedens.--_Ms. A 8_: ce pendant.

P. 52, l. 13: de [père].--_Ms. B 1_: de frère. Fº 245.

P. 52, l. 19: cose.--_Mss. A_: matière.--_Ms. A 7_, Fº 235 vº.

§ =486=. Li rois Jehans.--_Ms. d’Amiens_: Encorres avoecq tout chou, par le confirmation de le pais, li doy roy s’appelloient frère. Et dounna li roys de Franche à quatre barons d’Engleterre où il eult le plus se grasce, à chacun deus mil frans de revenue par an et bien assignés en France. Et ossi li roys d’Engleterre dounna à quatre barons de Franche otelle revenue en Engleterre, et bien assignés et bien paiiés par an. Et eult messires Jehans Cambdos toutte la terre de Saint Sauveur le Visconte, en Constentin, qui jadis avoit estet à monsigneur Godeffroi de Harcourt, et li confremma et accorda li roys Jehans de Franche à le priierre de son frère, le roy d’Engleterre. Les coses furent adonc si bien couchies et si bien ordounnées, au samblant et à l’avis de l’une part et de l’autre, que on ne quidoit mie que le guerre dewist jammès renouveller.

Si tost que chil seigneur de Franche dessus nommé furent entré en mer pour passer en Engleterre, li roys Jehans, messires Phelippes, ses filx, messires Jaquemes de Bourbon, li comtes d’Eu, li comtes de Dammartin et tout li autre comte et baron de France, qui prisonnier avoient estet en Engleterre avoecq le roy, leur seigneur, s’en partirent quitte et delivre, sans paiier nulle raenchon, non se rançonnet ne s’estoient en devant le pais. Fº 124 vº.

P. 52, l. 25: plus grant.--_Le ms. B 3 ajoute_: affirmation et. Fº 245.--_Le ms. B 4 et les mss. A ajoutent_: confirmation et. Fº 231 vº.

P. 52, l. 26: quoique.--_Mss. A_: qui.

P. 52, l. 26: s’appellassent.--_Mss. A 8, 17_: s’appelèrent. Fº 229 vº.--_Mss. A 7, 15_: s’appelloient. Fº 235 vº.

P. 52, l. 29: cescun.--_Mss. A 7, 15 à 17_: à chascun.

P. 53, l. 6: terre.--_Les mss. A ajoutent_: dessus ditte.

P. 53, l. 13: possesser.--_Ms. A 8_: possider. Fº 229 vº.

P. 53, l. 20: consaulz.--_Ms. A 8_: conseilliers.

P. 53, l. 22: alloiant.--_Ms. A 8_: aliant.

P. 53, l. 25: mieulz.--_Ms. A 17_: plus. Fº 289.

P. 53, l. 25 et 26: je euch.--_Mss. A 7, 17_: j’en ay eu.--_Ms. A 8_: j’ay eu. Fº 230.--_Ms. A 15_: j’ay depuis eu. Fº 251.

P. 53, l. 26: de le cancelerie.--_Ces mots manquent dans le ms. A 8._

§ =487=. P. 53, l. 28: si bien.--_Le ms. A 17 ajoute_: faictes.

P. 54, l. 2: se deuist brisier.--_Ms. A 7_: ne se deust briser. Fº 235 vº.--_Ms. A 8_: seroit tenue sanz briser. Fº 230.

P. 54, l. 6: paisieulement.--_Mss. A_: paisiblement.

P. 54, l. 9: en son.--_Ms. A 7_: ens ou.--_Mss. A 8, 15_: ou.--_Ms. A 17_: dedens le.

P. 54, l. 10 et 11: si enfant.--_Ms. A 15_: ses trois filz.--_Ms. A 17_: les enffans du dit roy.

P. 54, l. 15: vigile.--_Ms. A 8_: veille. Fº 230.

P. 54, l. 18: en istance que pour.--_Ms. A 8_: en entencion de.

P. 54, l. 26: deuement.--_Ms. A 8_: devotement.

P. 54, l. 27: tournèrent.--_Ms. A 8_: retournèrent.

§ =488=. Or est raisons.--_Ms. d’Amiens_: Or vous voeille noummer tous lez nobles seigneurs de Franche qui furent hostage pour le roy Jehan de Franche et qui vinrent demourer pour lui à Londres: premierement li dus d’Ango, li dus de Berri, li dus d’Orliens, li dus de Bourbon, li comtez d’Allenchon, messires Guis de Blois pour le comte Loeys de Blois son frère, li comtes de Saint Pol, le comte daufin d’Auvergne, le comte de Halcourt, le comte de Porsiien, le comte de Brainne, monsigneur Jehan d’Estampes, monsigneur Engheran signeur de Couchi, le seigneur de Montmorensi, le signeur de Prayaux, le signeur de Clères, le seigneur de Fontenielle, monsigneur Jehan de Lini, castelain de Lille, le signeur de Saint Venant, le signeur d’Englure, le signeur de Trainiel, le signeur de Malevrier, le signeur de Latour, le signeur de Roye, le seigneur de Bourbercq, le signeur d’Andresel et les autres barons dont je nay mies bonnement le memore. Ossi de le bonne cité de Paris, de Thoulouse, de Roem, de Rains, de Lions sus le Rosne, de Bourges en Berri, d’Orliiens, d’Amiens, de Tournay, de Chaalons en Campaingne, de Troies, d’Arras, de Saint Omer, de Lille et de Douai, de chacune de ces cités et de ces villes, deux bourgois. Si passèrent tout le mer ensi que je vous di, et s’en vinrent amaser et amanagier en le chité de Londres, chacuns sires par lui avoecquez ses gens et sen ordounnanche et tinrent bon estat et grant et noble. Et ossi li roys les tenoit liement; et quant il venoient deviers lui, il les festioit et veoit vollentiers et leur demandoit des nouvelles et les laissoit, sus le recreance de leurs fois, aller et venir, chevauchier et esbatre, voller et cachier parmy le royaumme d’Engleterre. Fº 124 vº.

P. 55, l. 14: Lini.--_Mss. A 8, 15 à 17_: Ligny.

P. 55, l. 14: Brainne.--_Mss. A 8, 15_: Brianne.

P. 55, l. 18 à 21: d’Auvergne... d’Andresel.--_Ces trois lignes manquent dans le ms. A 17_, fº 290.

P. 55, l. 22: Ossi.--_Ms. B 6_: et de dix neuf chités et bonnes villes, de chascune deus bourgois, et de Paris quatre. Sy jurèrent tout chil signeur et bourgois solempnellement de aller tenir prison à Londres, en Engleterre, et là où au roy plairoit, jusques adonc que on les aroit racheté de vingt quatre cens mille francs. Fº 616.

P. 55, l. 27: Kem.--_Mss. A 8, 15 à 17_: Caen. Fº 230 vº.

P. 55, l. 28: çascune.--_Les mss. A 7, 15 à 17 ajoutent_: cité.

P. 55, l. 30: amanagier.--_Mss. A 15 à 17_: amenasgier.

P. 55, l. 31: recarga.--_Mss. A 7, 8, 15_: recharga.--_Ms. A 17_: charcha.

P. 56, l. 1: enjoindi.--_Mss. A_: enjoingni.

P. 56, l. 7: rihote.--_Mss. A_: riote.

P. 56, l. 8 et 9: cachier.--_Mss. A_: chacier.

P. 56, l. 11: ne furent.--_Mss. A_: n’y furent.

P. 56, l. 14: Boulongne.--_Les mss. A 1, 17 ajoutent_: et estoit party de la ditte ville de Calays.

§ =489=. Li rois.--_Ms. d’Amiens_: Si vint li rois Jehans à grant compaignie en le bonne ville de Saint Omer, où il fu grandement festiiés et conjoïs, et li dounna on et presenta des biaux presens, puis s’en parti et vint à Teruane et puis à Arras. Là vint li dus de Normendie, ses filx, contre lui, qui le conjoï et requeilli liement, si comme il estoit tenus dou faire. De touttes les gistes, les visitations que li roys fist par son royaumme, me voeil je briefment passer; mès il alla tant de chité en cité, de bonne ville en bonne ville, qu’il fu li Noëlx ainsçois qu’il revenist à Paris; et quant il y rentra, on ne vous poroit mies deviser com noblement et puissanment il y fu rechups, car moult y estoit desirés. Et li donna on des biaux dons et des grans presens, et le vinrent veoir et viseter li prelat et li seigneur de son royaumme. Si les recevoit li rois bellement et sagement, ensi que bien le savoit faire. Fºs 124 vº et 125.

P. 56, l. 21: vint.--_Ms. A 17_: revint. Fº 290 vº.

P. 56, l. 26: le roy.--_Ms. A 17_: lui.

P. 56, l. 27: devisé.--_Ms. A 8_: raconté. Fº 230 vº.

P. 56, l. 27: com.--_Ms. A 8_: comment.

P. 56, l. 28: recueilliés.--_Mss. A_: recueillis, recueilli.

P. 56, l. 28: ce.--_Ms. A 8_: son.

P. 56, l. 30 et 31: biaus... presens.--_Ms. A 17_: beaulx jouaulx et de grans dons, et fist on de rechief presens.

P. 57, l. 3: recevoit.--_Ms. A 17_: receut moult.

P. 57, l. 3 et 4: et bellement... faire.--_Ces mots manquent dans les mss. A._

§ =490=. Assés tost.--_Ms. d’Amiens_: Si envoya li dis roys monsigneur Jakemon de Bourbon, son cousin, en le Langhe d’Ock, pour viseter le pays et mettre en saisinne et en possession des villes et des castiaux et des pays les gens le roy d’Engleterre, qui y devoient venir, enssi que couvens se portoit...

En ce tamps fu advisé et regardé de par le consseil d’Engleterre, que chils bons chevaliers messires Jehans Cambdos venroit en Acquittaine prendre le possession des cités, des villes et des pays que li roys englès y devoit tenir, car il avoit mis grant painne au concquerir, tant à le bataille de Poitiers comme ailleurs; et si estoit frans et gentilz de corraige et bien acordables à touttez gens d’onneur, sages et advisés durement: pour chou y fu il envoiiés. Si passa le mer messires Jehans Cambdos et vint en Acquittainne en grant arroy, et prist le possession de toutes les terrez devisées et dittez en le cartre de le pès. Et quitta li dis rois de France à tous seigneurs, barons, chevaliers et escuiers, fois, hommaiges et services, et remist tout en le main dou roy d’Engleterre qui y entra, voirs messires Jehans Cambdos procureres pour lui, ossi purement, ossi quittement que li roys Jehans les tenoit: dont moult despleut à chiaux de le Rocelle, de Saint Jehan, de Poito, de Saintonge, que il les couvenoit y estre englès. Ossi fist il à chiaux de Pontieu, ouquel pays li roys englès envoya monsigneur Gerar de Baudresen, qui fu senescaux de Pontieu et le gouvrenna ung grant tamps. Fº 125.

P. 57, l. 7: prendre.--_Les mss. A 15 à 17 ajoutent_: la possession et.

P. 57, l. 13: obeir ne yaus rendre.--_Ms. A 17_: obeyr à eulx ne rendre.

P. 57, l. 14: quoique.--_Ms. A 8_: combien que. Fº 231.

P. 57, l. 15: venoit.--_Mss. A 7, 17_: sembloit. Fº 236 vº.

P. 57, l. 15: grant.--_Le ms. A 8 ajoute_: dommage et.

P. 57, l. 17: le conte.--_Ms. A 8_: de la conté.

P. 57, l. 19 et 20: le signeur de Taride.--_Ces mots manquent dans les mss. A._

P. 58, l. 1: Jakemon.--_Mss. A 8, 15 à 17_: Jaques.

P. 58, l. 21 et 22: que donc que il fuissent.--_Mss. A 8, 15 à 17_: que ce qu’ilz feussent.

P. 58, l. 24: escusances.--_Ms. A 8_: excusacions.

P. 58, l. 27 et 28: enfrainte et brisie.--_Ms. A 17_: en France brisée.

P. 58, l. 28: par lequel coupe.--_Ms. A 17_: laquelle chose.

P. 58, l. 30 et 31: moustrances.--_Ms. B 3_: remoustrances. Fº 246 vº.--_Mss. A 8, 15 à 17_: paroles.--_Le ms. A 7 ajoute_: ne paroles.

P. 58, l. 32: à trop grant dur.--_Ms. B 3_: bien enviz.

P. 58, l. 32: dur.--_Mss. A_: dureté.

P. 58, l. 32: disent.--_Ms. A 8_: disoient.

P. 59, l. 1: aourrons.--_Mss. A 7, 8, 15_: aourerons.--_Ms. A 17_: adourerons.

P. 59, l. 2: lèvres.--_Ms. A 17_: mains.

P. 59, l. 2 et 3: li coers ne s’en mouvera.--_Mss. A_: les cuers ne s’en mouveront.

P. 59, l. 23 et 24: onques... de li.--_Ms. B 3_: et mieulx que chevalier qu’on sceust trouver de son temps.

P. 59, l. 24: mieus de li.--_Ms. A 8_: ne y sceut mieulx estre de lui. Fº 231 vº.--_Mss. A 15 à 17_: ne fist mieulx de lui. Fº 253.

§ =491=. Entrues.--_Ms. d’Amiens_: Assés tost apriès le revenue dou roy Jehan, envoyea li roys englès souffissans hommes de par lui ou royaumme de Franche pour faire wuidier et partir des garnisons touttes mannierres d’Englès qui les tenoient. Et leur commandèrent li dit coummis, de par le roy englès, que, sus à perdre le royaumme d’Engleterre et lez vies, s’on les y tenoit, il se partesissent des fors et des castiaux et remesissent en le main dou roy de Franche et de ses gens. Ceste ordonnanche fu moult griefs pour les pluisseurs qui avoient apris à pillier et à rober, et qui estoient tout amonté et fet de le guerre, et qui, en devant çou, estoient povre garchon et varlet. Si leur ressambla que, s’il retournoient, il ne saroient vivre seloncq l’usaige dont il estoient parti, dont li pluisseur ne veurent mies si tost obeir, et fissent moult de maux ens ou royaumme de Franche, si comme vous orés chy apriès. Et chil qui obeissoient, vendoient les fors qu’il tenoient, as gens dou pays d’environ. Bien est voirs que li chevalier et bon escuier, gentil homme d’Engleterre, obeirent et partirent des villes et des fors qu’il tenoient; mais il avoit Alemans, Flammens, Braibenchons, Haynuiers, Bretons, Bourghignons, mauvais Franchois, Normans, Pickars et Englès de basse venue, qui s’estoient amonté de le gherre et qui n’avoient riens à perdre, fors chou qu’il tenoient. Chil parseverèrent en leur mauvaistié et dissent qu’il les couvenoit vivre. Si se queillièrent et assamblèrent de diviers lieux, et gueriièrent le royaumme ossi fort que devant: dont meismement moult desplaisi au roy d’Engleterre...

En ce tamps estoit li grande Compaigne en Bourgoingne et en Campagne, que on clammoit les Tart Venus, et avoient gaegniet de force le fort castel de Genville et si grant tresor que on avoit dedens assamblés et mis en garde sus le fianche dou fort castiel, que on ne le pooit numbrer, et fu environ le Noël, l’an mil trois cens soissante. De quoy li compaignon qui avoient tout celui pays gastet et exilliet, ars et desrobet, departirent entre eux leur gaaing et leur pillage en grant reviel, et dissent entr’iaux qu’il ne cesseroient jammès de guerriier, car, sans ce, il ne saroient vivre. Si entrèrent en Bourgoingne et y fissent moult de maux, car il avoient de leur acord aucuns chevaliers et escuiers dou pays qui les menoient et conduisoient. Si se tinrent ung grant temps environ Digon et Biaune, et robèrent tout celui pays, car nuls n’alloit au devant; et prirent le bonne ville de Givri en Biaunois et le robèrent et essillièrent toutte, et se tinrent là ung grant temps et entours Vregy, pour le cause dou cras pays. Et toudis acroissoit leurs nombres; car cil qui se partoient des fortrèches et qui leur mestre donnoient congiet, se traioient tout de ceste part. Si furent bien dedens le quaresme quinze mil combatans. Si fissent et eslisirent entr’iaux pluisseurs cappitainnes à qui il obeissoient et se tenoient dou tout.