Part 3

Dos, wos in Sommer war dei Fräd, Wu is dos hie? 's is nirgends net. Wos saling war su schie un rut, Is itze kahl un starr un tut. Bal is de Walt noch ganz gefruhrn -- 's is Harbest wurn!

Die garschting neue Tänz.

»Nä, ich gieh net meh garn ofn Tanzsool! Früher, do tanzet mer sen Walzer oder sen Dreher un war racht garn huppet, dar werget aah emol e Polka runner. Wie hoot mer do die alten Mäd rümgeschlenkert. Ich weß noch ganz gewieß: Wenn en emol net schie war, do machet mer sei zah, zwölf Tourn wag, un do brauchet mer sich net in Bett neizeleng un ze schwitzen. Oder itze? -- -- Saht när hie!! Erscht laafen se e vertel Stund in Saal rüm, hächstens, daß se emol rüber und nüber tschutschiern; un dobei hobn sie sich aagesackt -- -- nä, dos macheten mir früher net ofn Tanzsool, do taten mer owarten, bis mer sei Gumfer hamführet. Dann knicken sie wieder emol zesamme, dann schleichen se wieder emol an Buden hie -- mer denkt, weß Gott, se wolln Schwamme suchen! Un die Händ dobei! Wie äfällig se de Pfuten spraatzen -- mer möcht sprachen: »Wie gesaht --.«

Un die Näme! Hiawatha, Tschimmi, Foxtrutt, Tanko, Boston -- nu, zun Dunnerwatter, sei mir dä bei de Schwarzen oder sinst wu! Un dos Gewerg machen net epper bluß de gunge Leit, nä de alten erscht racht! Mer sieht aah an die Tänz ganz genau, wie's heitzetog is: 's macht niemand garn mehr viel!

Der Büttner-Wilhelm war e Maa, dar garn Alles e Bissel garn machet, dan ließ natirlich kaa Ruh, bis 'r aah e Weibsen ahgesackt hatt un miet ofn Sool rümwerget. Mer muß soong: er war dorchaus käner, dar de Hus mit dr Beißzang aazieht, oder esu lecht war dos doch net, wie 'r sichs gedacht hatt. Er tat sich bal de Bä versitzen, un endlich blieb 'r bei ener Säul traten, esu fix fitzet mer sich do net nei! Wie 'r nu e Weil getraaten war, machet dr Schmied-Fritz zu ne hie un freget ne racht scheiheilig: »Nu, Helm, of wos lauerst de dä?«

»Du,« saht dr Halm, »ich wart bluß bis dr Takt kimmt!«

Dr salige Goldfisch.

Sitz ich emol in Annabarg ben alten Hensel un paß auf, wie se an Nabntisch Doppelkopp spieln. Of amol saht dr Röhlig-Fritz zon Reitstiefel-Edeward: Warüm warst de dä gestern Ohmd net miet in Bellevue zon Fidelio? Dei Fraa hoo ich gesah, oder dich hoo ich net weißkriegt!« »Ja«, saht dr Edeward, »alle bäde kenne mer net zesamme fortgiehe. Dos machen mer nu epper schie e Gahrer zwanzig esu!« »Nu, sah mer när worüm net, eich zwei eschichtige Leit hält doch nischt?!« »'s is när wang unern Viechzeich!« »Viechzeich!!???«

»Haa! 's möng nu zwanzig Gahr sei, do warn mer emol an en Sonnohmd alle bäde in Sparverein. Un wie mer ehamkame, war drweile dr Goldfisch aus'n Gelos rausgehupt un log ofn Buden un war gestorbn. Seithar blebt immer äs drham!«

E Entschädiging.

Zon Schulfast in Fichtenwalde warn aah en Haufen Fastweeng drbei; ener mit Klöppelmadeln, ener mit Gunge, die wie de Waldarbeiter agezungn warn, e kläner Erntewong un esu föder. Ja sugar an Weihnachten konnt mer denken, dä de Marie un dr Joseph mitn Christkindel un e Esel loffen aah miet. Dan Esel drzu hat dr Beck-Paul hargeborgt, dar brauchet ne zu sen Millichwoong.

Wie nu die Sach vrbei war, ging de Abrachning lus. Do freget dr Virstand aah ne Beck-Paul: »Nu, Paul, wos kriegst dä du?«

Dar gob ne zor Antwort: »Ich krieg nischt, oder mei Esel kriegt zwä Mark!«

Von Fichtendorfer Tutengraber.

Dr Tutengraber von Fichtendorf war e Maa, dar racht gut zu sen Amt passet. Wenns sei mußt, konnt'r e Gesicht machen, als wär 'r salber gestorbn un 's täten läd, daß'r hätt fort gemußt. 'r kannt doch aah alle Menschen in Dorf, un dodrüm tat'r aah en jeden e letztes Bett harrichten, wos racht für ne passen tat. Daß'n de Rühring net ze sehr von Groben abhalten sollt, hatt'r sich immer e Flaschel mietgenomme, aus dan 'r sich immer wieder frische Kräft saung tat. Ich gelaab, 'r war ener von dan Wening in ganzen Dorf, die werklich Ateel nahme, wenn emol jemand starben tat, net bluß ne Verdienst waang. Ja, 'r hiel en jeden schie bein Grobausschachten sei Leichenpredigt, oft schenner, wie's hinnerhar dr Pfarr machet. Wie 'r ne Richterschmied sei letzte Ruhstätt zeracht machet, do konnt mer hörn, wie 'r bei jeden Spatenstich reden tat. »Ja, mei Karl, nu is aah alle mit dir! Na, de hasts lang genung getriebn. Die zwölf Neigrosch, die de mer vir e Gahrer zahne in Doppelkopp ogenomme hast, hobn dr aah ken Segn gebracht. Oder stark warscht de, un gearbt hast de aah. Dauern tust de mich när, daß de ken Pfafferminz mehr trinken kaast.« Un dobei traten 's Wasser in de Aang un 'r mußt sich geleich en Schluck ausn Flaschel nahme.

Wie er mitn Straußvugellieb seiner Schwiegermutter sei Arbet krieget, do hiel er aah sen Spruch. »Na, Male, do drunten kast de niemand mehr schlacht machen. Do hörscht de aah net mehr, wenn dr Lieb emol ze spät eham kimmt. Ich war oder doch en halben Meter mehr ausschachten; sicher is sicher!«

Bei en Kinnergrob war 'r immer ganz wehmütig. »Sette klene Gräber sollts gar net gabn. Du guts, klens Blümele du! Bist noch gar net racht aufgeblüht un schie schmeißen mer dich wag!« Oder immer mußt'r sei Flaschel nahme, daß'n net ze weech wur.

Nu hatt'r emol e Grob gegrobn; 's war an en warme Nochmittig in Juni; un mei Tutengraber hot Appetit noch en klen Nickerts. 'r wollts oder aah niemand esu sahe lossen un leget sich korzerhand in dos frische Grob nei un machet sei Schlafel wag. Zon Ugelick werd doch kaum e halbe Stund drnooch dr Paster übern Gottsacker waggiehe. Dar blieb of emol traten und machet e Gesicht, als hätt'r an halln Tog Gespenster gesahe. Aus en Grobluch raus höret er e Raunzen un Stöhne, daß'n ganz angst wur, 'r machet sich oder hie, un do soog 'r de Beschering. 'r langet mitn Bä nonner un schrier: »Stehen Sie doch auf, dos gehört sich doch nicht!«

Do machet mei Tutengraber de Aang auf. Erscht gucket'r sich üm, wu 'r engtlich war; wie 'r oder ne Paster soog, do zug 'r e racht argerliche Flunsch: »Nu, wos soll dä sei?! 's hört sich doch alles auf, net emol in Grob hoot mer mehr Ruh!« Un dodermiet machet er sich aus'n Grob raus.

Dr Trinkspruch.

's war zu darer Zeit, wu's noch Schützenfast un Königschießen gob. 's war, wies bei allen is: 's muß allemol Assen un Trinken drbei sei. Un desderwaang gobs aah allemol e richtigs Königsassen. Bei jeden Assen gibt 'rsch welche, die die Gelaanghät net verpassen wolln, emol ellä reden ze könne, weil die anern Leut -- mit Respekt ze soong -- 's Maul voller hobn un nutgedrunge zuhörn müssen. Esu sei die Trinksprüch aufkomme, die när dan en Nachteil hobn, daß manning Leiten bei dan Gemahr 's Assen drweile kalt werd. Korz un gut -- in M. wur nochn Königschießen racht gut gegassen un aah feine Reden wurn drzu gehalten. In darer Sach warn se konservativ: jeds Gahr un jeds Gahr gings noch ener ganz bestimmten Reihefolg. Erscht fing dr Bergemäster aa un hiel ene Red ofn richting König in Drasen. Dann kam dr Virstand vu de Stadtverordneten. Dar hiel sei Red ofn Antritt an neue Schützenkönig. Wenn dar fertig war, stand dr Schul-Bräuer, dr alte Schulgaldkassierer, auf un hiel Gahr für Gahr immer diesalbe Red:

»Meine Herren! Nachdem wir nu ne Antritt von neue König gebührend gefeiert hobn, könne mir aah an Abtritt von alten König net uhne Sang un Klang verbeigiehe; un ich beatroog, daß mer ne e kräftigs Huch ausbränge, daß'r auch in der Verborgenheit wachse, blühe und gedeihe!«

's Pfandgungel.

's gob emol e Zeit -- un se is noch gar net esu ewig lang har, wu's of dr deitschen Walt noch Zah-, sugar Zwanzigmarkstückeln gob. Do konnts ab un zu passiern, daß amol ener an Luhtoog su e Goldfüchsel miet drwischet. Bein Rümmler-Dav warsch esu gewesen, dar hatt äs miet ehamgebracht un 's hatten gerod mitn Gald gereicht, daß an Montig bei seiner Selma in dar blachern Cigarettenschachtel, die in dar Familie ne Galdschrank vrtraten tat, dos Goldfüchsel ganz ellä un verlassen log. Se hatten von Sonnohmd har mit Aufwärme gereicht, oder nu mußt doch dr Fläscher wieder har. Der Dav war net drham, dar kam erscht spät an Ohmd vu dr Arbet, do kam zon Ugelick äs ausn Nachberdorf geloffen, wu de Selma harstamme tat, un saht, de Selma söllt geleich nüber zu ihrer Schwaster komme, dä do wollt dr Storch eiziehe. De Selma machet sich zeracht, of ihre Kinner konnt se sich verlossen, die warn aah schie e annermol ellä gewasen. Se saht när noch: »Wenn de kläne Maad aufwacht, do legt'r se treich un fahrt mitr ewing draußen rüm. Dan gieht'r zon Fläscher un kaaft ½ Pfund Rindfläsch un e Pfund Knochen un e Vertel Blutworscht, do lange mer die Woch. Ne Paul (dar war gerod 3 Gahr alt) setzt'r miet in Wong nei. Dann gieht'r zon Weigelbäck un hult e Sechspfünderbrut. Do, ich leg Eich dos Zahmarkstückel har.« Dodermiet machet se fort. De bäden Grußen, dr Willi war elfe un de Cilla zwölf Gahr alt, hobn nu alles genau gemacht, wos de Mutter gesaht hatt. Alles ging schie, när dr Paul machet sei Ding für siech. Dar bläket un war garschtig wie sinst salten. Alles hobn se ne hingabn, daß'r sich beruhiget, oder 's half alles nischt. Do soog'r dos goldne Zahmarkstückel lieng un geleich gings lus: »Dos hoobn iech, dos hoobn iech!« 'r hiel net ehrer Ruh, bis'r endlich sen Kopp dorchgesetzt hatt. De Grußen hobn erscht aufgewaschen un zammegereimt, do krieget of emol mei Paul de Hust esu. Un wie se nachsoong, do wursch net annersch: dr Paul hatt dos Zahmarkstückel verschluckt. O du Ugelück du grußmachtigs!!

Der Willi war dr erschte, dar de Sachlog überschaute. »Esu e Zahmarkstückel is net gruß, dos gieht aah esu miet fort!« Oder de Cilla fing aa ze gammern: »Wos nützt uns dä dos, mir solln doch Fläsch un Brut kaafen!« Bei dan Gebläk war aah de Kläne aufgeweckt un se wur richtig beschickt, dann wur aah dr Paul miet nei in Woong gericht, un dr Willi saht: »Itze machen mer zon Richterfläscher nunner.« De Cilla ging miet un heilet hie un do emol; wie sollt die Sach när zu en guten End komme? -- Wie se bein Richterfläscher warn, hub dr Willi ne klen Karl aus'n Woong raus, tat dr Cilla noch bedeuten, se sollt haußen bleibn, un machet mitn Paul zor Lodentür nei. De Richterfläschern freget ne aah, wos'r hobn wollt; do saht dr Willi: »E halb Pfund Rindfläsch net ze fett un e Pfund Knochen; un e Vertel Blutworscht. -- -- Wos macht dä dos zesamme?« De Fläscherschfraa saht: »Fümfesiebzig Pfeng.« Do nahm dr Willi en grußen Aalaaf un saht: »Frau Richtern, dr Paul hoot unner ganzes Kapital verschluckt. Dos worn zah Mark. Do sei se doch gedeckt, dä dos kimmt wieder raus. Wissen se, mer lossen dan Gung als Pfand do, do hoobn Se doch e Sicherhät.« De Richterfläschern krieget en Lachkrampf, dann saht se: »Gut, do blebt dar klene Gung drweile do!« Dos Geschäft war oder noch net alle, dä dr Willi fing nu aa: »Fraa Richtern, dar Gung is oder doch zah Mark wart, do müssen Se mer schie noch neun Mark fünfezwanzig Pfeng auszohln, mir müssen aah noch Brut huln!«

De Fläschern lachet esu, doß se dos aah machet un die Geschicht hoot sich nocher in lauter Wuhlgefalln aufgelöst.

Verschiedens Mooß.

Wie mei Freind Felix in Pobershau Hilfslehrer war, is'n emol e nerrsch Ding passiert. Tat'r gerod vu Rindern reden, un 'r wollt nu aah wissen, öb die klene Gunge drhem in Stall de Aang aufgehatt hatten. »Wer hat denn einen recht großen Ochsen zu Haus?« freget'r. Geleich flung'r e Stücker zah Händ in dr Höh. Sugar dr kläne Zienglobfritz zeiget sei Fingerle har. Un weil dos bei dan ene Seltenhät war, freget dr Lehrer gerod dos Gungel. »Ihr habt also einen?! So! Wie groß ist denn der?« Wenn dr Zienglobfritz gewußt hätt, wos do vürigs Gemahr draus wur, hätt'r sei Hand sicherlich net gehubn. 'r krieget aah kee Ruh. »Na, wie groß ist er denn?« Käne Antwort. »Ist er so groß wie eine Ziege?« -- Käne Antwort. -- »Ist er so groß wie du?« -- -- -- Lange Paus'. -- -- Dann saht dr Gung: »Nä, ugefahr wie Sie.«

Dr änzige Gung.

Weihnachten war komme un de viele Arbet der ganzen Zeit vornewag hatt sich doch geluhnt. Mer kannt die alten Stöbeln bal gar net wieder. Alle finstern Ecken warn verschwunden. Do blinket e Barg mit sen Reisighinergrund aus en Winkel raus, dort stand stolz un brätspurig e gruße Peremett of dr Kommod, un von Eckbrattel, wu sinst när e alte Petroleumlamp mit en Perlnscherm ronnergucket, do lacheten e paar Terkenmanneln, als wollten se soong: »Uhne uns gieht 's heilige Christfast gar net!« Wos sonst noch für e Pracht an Lechtern un Spindeln vu de Decken ronerhing, dos is gar net ze beschreibn -- korz gesaht: 's ganze Dorf hatt sen schensten Festazug agezung. Un wie dos überall roch! De lange butterstollnluse Zeit war vrbei, 's wur zwar net mehr esu viel un esu schwer gebacken -- oder gebacken wur doch. Un daß ja an nischt fahlen sollt, mengeten sich aah noch e paar Rächerkerzeln von Ufen wag in dan Duft mit nei. När äs war annersch bei de mesten: de Feiertogsgans fahlet, dofür log oder schie e fetter Kuhhos' in dr Pfann.

De Kinner liefen mit aufgesperrten Aang drinerüm. 's war doch esu ganz anersch drhem wie sinsten. Un nu noch dar Gedank, wos alles noch komme sollt, -- nä, Weihnachten war doch werklich schie!

An heiling Ohmd zon nochmittig kam nu aah überall de Mutter e fünkel zor Ruh. Da un dort gucket aah schie e Bekannts zor Tür rei, dos zon Weihnachtsfast ne Wag wieder emol ehamgefunden hatt. 's wur dischkeriert un Pfeif geraacht un vu dan un gen gestrieten. Un wie üm viere 's Zügle noch emol komme war un de Leut von Bahnhuf kame, drücket sich e Gesicht nochn anern an de Fansterscheibn naa, daß de Fremdenlist net verpaßt wür.

's wur langsam finster draußen, hie un do wur e Fanster hall, ja, e mannichs prubieret de Peremett noch emol un hatt de Lichter agezündt.

Bein Beckendav in dr Stub war aah de ganze Weihnachtsherrlichkät ausgebrät. Oder die Ruh in dr Stub wollt zu den ganzen Fastkram net racht passen. Dr Sager ticket esu hart un knarrig, als wollt'r kä enzige gute Stund mehr azeing. In Ufen knistret manichsmol e Scheitel e fünkel. Ne Dav of dr Ufenbank war de Pfeif lang ausgange, 'r schiens oder gar net ze marken; dann un wann höret mer ne racht schwer Oden huln, als wenn ne e wos racht bedrücket. De Minel knieet of en Stuhl an Fanster un starret naus in dr Dämmering. Abn kame de ersten von Bahnhuf. »Dr Richter-Arnst kimmt aah, scheints mit seiner Fraa. -- Dr Höfer-Louis is aah do! -- Dort kimmt aah ne Saligbäck seiner; -- när uner Paul kimmt net!« Un dobei schluchzet se laut auf un ließ ihrn alten weißen Kopp ofs Fansterbrattel falln. Dr David wischet sich de Aang. Un e ganze Weil soß dr Gammer un 's Harzeläd ellä in dr Stub, sudaß sich dos ganze Weihnachszeig net trauet, sich mausig ze machen. Do stand dr Dav leise auf, hulet sich mit en Holzspan e Flammel ausn Ufen un brannt sen alten Bargmaa sei Lichtel aa. Do kam de Minel von Fanster har; 's alte gute Gesicht war'r ganz verstört un se machet zon Dav hie: »Ach, Dav, loß när alles finster heit! Dos brennt mer in de Aang wie Feier! Ach, du guter Herrgott du, worüm host du bluß men Paul net wieder komme lossen!« Un immer un immer tat se's schütteln vor lauter Nut. Dr Dav bracht aah sei Schnuptüchel net vu de Aang wag, oder 'r nahm sei Minel un führet se ganz sachte an Kanepee hie. Mit dr Hand fuhr 'r sen Minel über'n weißen Scheitel un wischet 'r de Träne vu de Backen wag, un obwuhl 'r salber dacht, 's Harz müßten verzieh, fing'r doch aa leise of'r neizereden. 'r hulet weit aus: wie se erscht de vielen Gahr ellä gewasen wärn, un wie nu endlich doch noch e Sonnenstrahl in ihr Häusel gefalln war, wie dos Gungel kam. »Minel, wie'r dort in sen Körbel log un mer hatten dan Bargmaa zon ersten Mol agezünd; -- weßt de noch, wie hoot'r do de klen Aermeln ausgestreckt un egal »Mannel!« geruft!« Oebs de Minel noch wüßt! Vu ihrn nassen Aang fiel e bissel e freundlicher Blick of dan alten Bargmaa hie. »Un wie mern hobn de Peremett gebaut! Dos Gelück! 'r hoot sich bal de Aang ausgeguckt. Jeds Mannel kanntr. Un wie 'r dan Gahr für Gahr allemol wieder e Stück drzugekaaft hatt. Ich sahne heut noch, wie 'r dos Herschel, mit dan Fall drauf, in seine blaagefrurne Händle ehambracht un bei jeden Menschen mußt'r emol Heidee machen.« Doderbei hat'r dos Herschel von Garten waggenomme un sträfet sen Minel leise dermiet an de Backen. Un 'r nahm e Lichtel wag, brannts an Bargmaa aa un tat noch de Peremettenlichter abrenne. Leise fing sich de Peremett ze drehe aa. Un dr Dav machet weter: »Un unre alte Kreuzspinn. Weßt de noch, wie'r of dr Lehr war, un 'r kam emol zon heiling Ohmd ehäm un dar alte Lächter war net aufgemacht? Do sei mer an Nochmittig noch ofn Oeberbuden un hobn ne runnergehult. Minel, wenn 'r heit do wär, 's müßt alles brenne.« Un dobei hatt'r aah dan alten Lächter agezünd. Bei dar Halligkät in dr Stub soog mer nu aah an dr Wand e Bild hänge, wu en Soldat drauf war. Un an Rahme warn Fichtenzweigele naagesteckt. »Ach du guter Paul!« Dos stöhnet de Minel un ging of dos Bild zu. Ich weß net, wenn ich esu e Soldatenbild vu en sah, dar draußen sei gunges Labn hoot lossen müssen, do is mir immer, als könnt mer aus dan Gesichtern en Haufen rauslasen. Als hätten die alle ewos gewußt, wos mir alle net wissen. Der Dav zug sei Minel wieder ofn Kanapee hie un setzet sich drnaben. »Un, mei Minel, war weß wär 'r heit do. Dan hätts net in unnern Dorf gelossen. Dar wär draußen in dr Welt, in dr grußen Stadt. Du schiener Gott, öbs 'n bei dan itzing Zeiten wür gut giehe? Vielleicht hätt'r aah e Fraa, die nett racht zu uns passen tät. Un heit wär 'r bei sen Schwiegerleuten un mir könnten aah bluß an ne denken. War weß, wos'r alles verschläft, dar gute, gute Gung. Esu könne mer uhne en schlachten Gedanken an ne denken! Is net wahr, mei Minel? Un wenn mer ne sollten emol wiedersahe, Minel, ewig werds net dauern, do könne mer när gute Gedanken hobn. 'r war uner Weihnachtslichtel, dar gute Gung in unern Labn, un die brenne net lang!« Un do lehnet de Minel ihrn Kopp an ihrn Dav nan un de Träne vu dan alten Leiten liefen zesamme. Draußen finge de Glocken aa ze läuten un de Minel drücket ihrn Dav noch emol, dann stand se auf un saht leise zu ihrn Maa: »Komm, mer wolln in de Metten giehe!«

Johanniszauber im Erzgebirge.

Ein Beitrag zur sächsischen Volkskunde.

Es wallt das Korn weit in der Runde Und wie ein Meer dehnt es sich aus; Doch liegt auf seinem stillen Grunde Nicht Seegewürm, noch andrer Graus.

Nicht solch grauses Seegetier bevölkert das stattliche Kornfeld, nein, ein nicht minder unheimlicher Spuk treibt zu den Sommernächten sein Unwesen. Der Bilmetschnitter oder Binsenschneider, in manchen Gegenden auch Getreideschneider genannt, droht den reifenden Halmen Gefahr. Er ist der schädigende Dämon der Felder. Mit einer Sichel am Fuße geht er im Dunkel der Nacht durch die Felder, und abgeschnittene Halme bezeichnen den Weg, den er genommen und der meist 10 Zentimeter breit diagonal über das Feld läuft. Wehe dem Bauer, der nächtigerweile sein Kornfeld besucht und von dem fürchterlichen Gaste zuerst gegrüßt wird, er fällt sofort tot zu Boden. Dagegen muß der Zauberer sogleich sterben, wenn es dem Feldeigentümer gelingt, dem Unhold zuerst einen Gruß zuzurufen. Wer ist dieses unheimliche Gespenst? Vermutlich ein Bauer aus dem Dorf, dessen Neid dem Nachbar den reichen Erntesegen nicht gönnt und der sich aus Gewinnsucht dem Satan verschwor. In Mauersberg herrscht die Ansicht, daß er Vogelgestalt habe, auch will man ihn in Gestalt eines harmlosen Häsleins gesehen haben. Der Glaube an dieses Getreidegespenst ist heute noch vorhanden. Berichten doch die »Leipziger Neuesten Nachrichten« vom 4. Oktober 1901 aus Mittweida folgende merkwürdige Geschichte:

»Eine bisher noch nicht genügend erklärte eigentümliche Erscheinung -- der Billen- oder Binsenschnitt -- war in diesem Jahre in den Getreidefeldern der benachbarten Gemeinden Tanneberg und Erlau zu beobachten. Mit »Bilsenschnitt« bezeichnet man etwa handbreite Gänge in den Feldern, welche durch Abschneiden der Halme in Stoppelhöhe hergestellt worden sind. In neuerer Zeit ist man geneigt, den Hasen als den Hersteller dieser sonderbaren Gänge zu betrachten. In unserer Nachbarschaft ließ die Erscheinung alten Aberglauben wieder aufleben. Man schrieb den Bilsenschnitt dem Walten böser Mächte zu und verdächtigte einen Gutsbesitzer, dessen Aecker keinen Bilsenschnitt aufwiesen, der Urheberschaft des »Hexenmachwerkes«. Der so in bösen Ruf Gekommene konnte sich nicht anders retten, als daß er sechs seiner Verdächtiger vor den Friedensrichter zitierte.«

Der Bilmetschnitter treibt besonders in der Johannisnacht sein Wesen und im Bunde mit den Hexen, die ebenfalls in dieser Nacht eine ähnliche Tätigkeit entwickeln, deren Spuren man den Hexenschnitt nennt, wird er der mühsam gepflegten Feldfrucht furchtbar. Wie schützt sich aber der bedrohte Landmann vor solchen Unholden? Er nimmt von allen Samen, den er ausstreuen will, einige Körnchen am heiligen Karfreitag mit in die Kirche und läßt sie des Segens der Gemeinde teilhaftig werden. Diesen Samen sät er in die Ecken seiner Felder. Sein Besitzstand bleibt dann verschont.

Kann man es ihm darum verdenken, wenn er vor dem herrlichsten Halmenmeere seine Stirn kraus in Falten zieht, wenn er bedenkt, was alles diesen Wohlstand bedroht? Das Getreide, der Lohn seiner Arbeit und die Hoffnung auf Gewinn, geht der Reife entgegen, seine Herden weiden in der freien Natur, bangen Herzens schaut er täglich nach dem Himmel, der in wenigen Stunden alle seine Hoffnungen vernichten kann. Hagel und Gewitter treten häufig auf, verheerende Krankheiten unter dem Vieh stellen sich ein. Sollten hinter allen diesen schädigenden Naturereignissen sich nicht schlimme Dämonen verbergen? Alle diese Gefühle mußten aber in unseren Voreltern viel lebendiger sein, zu einer Zeit, wo noch jeder freie Mann Besitzer von Feld und Weide war, von deren Erträgnis sein ganzes materielles Wohl abhing. Nun hat nach altgermanischem Glauben das Feuer eine reinigende und Dämonen abwehrende Kraft. Man kann diese abwehrenden Feuer zu verschiedenen Zeiten und bei den verschiedensten Gelegenheiten beobachten. Aber nie spielen sie eine so hervorragende Rolle in der Volkssitte, wie zur Zeit der Sommersonnenwende, zu der die Not-, Hagel- oder Johannisfeuer in fast allen Gegenden Deutschlands zu finden sind. Das Feuer des Holzstoßes hat gezeigt, wie die Luft von schädlichen Stoffen, nach volkstümlicher Auffassung von feindlichen Dämonen gereinigt werden könne, und so entstand bei Seuchen oder ansteckenden Krankheiten das Notfeuer, gegen das schon die Synoden des 8. Jahrhunderts als einen heidnischen Brauch ankämpften. Da es sich aber als unausrottbar erwies, legte man auf den Tag der Sommersonnenwende den Geburtstag Johannis des Täufers und ließ die Feuer als Volksbelustigung zu Ehren dieses Heiligen weitergelten. Trieb man früher alles Vieh durch die reinigende Flamme, so sprangen nun Burschen und Mädchen, später sogar nur Knaben durch das Feuer. In unserem Erzgebirge haben sich in einzelnen Strichen die Kinder des alten Brauches bemächtigt. Freudig zieht am Vorabend des Johannistages die männliche Jugend hinaus nach der Feuerstätte, bewaffnet mit alten Besen, die man schon seit Wochen sammelte, um damit die Glut zu schüren und sie Fackeln gleich zu schwingen. Auch hier wird das Kinderspiel zum Spiegel vergangener Volkssitte, glaubt man doch noch heute im geheimen, daß der Schein der Fackel Unholde und Hexen verscheuche.