Chapter 7
按：黄翠凤的妹子金凤见留不住罗子富、汤啸庵两位，即去爬在楼窗口，高声叫：「 无？，罗老爷去哉！」那老鸨黄二姐在小房间内听了，急跑出来，恰好在楼梯下撞着，一 把抓住罗子富袖子，说：「勿许去！」子富连道：「我无拨工夫来里。」黄二姐大声道： 「耐要去末，等倪翠凤转来仔了去。」又嗔着汤啸庵道：「耐汤老爷倒也要紧？？，啥勿 搭倪罗老爷坐一歇，说说闲话嗄。」 于是，不由分说，拉了罗子富上楼；叫小阿宝拉了汤啸庵，重到房间里来。黄二姐道 ：「宽宽马褂，多坐歇。」说着，伸手替罗子富解钮扣。金凤见了，也请汤啸庵宽衣。小 阿宝摄了茶叶，随向啸庵手中接过马褂。黄二姐将子富脱下的马褂也授与小阿宝，都去挂 在衣架上。
黄二姐一回头，见珠凤站在一傍，嗔他不来应酬，瞪目直视。吓得珠凤倒退下去，慌 取了一支水烟筒，装与子富吸。子富摇手道：「耐去搭汤老爷装罢。」黄二姐问子富道： 「阿是多吃仔酒哉？榻床浪去亸亸？。」子富随意向烟榻躺下。小阿宝绞了手巾，移过一 只茶碗，放在烟盘里，又请啸庵用茶。啸庵坐在靠壁高椅上，傍边珠凤给他装水烟。黄二 姐叫金凤也取一支水烟筒来，遂在榻床前机子上坐了，自吸一口，却侧转头悄悄的笑向子 富道：「耐阿是动气哉？」子富道：「动啥气嗄？」黄二姐道：「价末为啥好几日勿请过 来？」子富道：「我无拨工夫？。」黄二姐鼻子里「哼」的一声，半晌，笑道：「说也勿 差，成日成夜来？老相好搭，阿有啥工夫到倪搭来嗄！」子富含笑不答。
黄二姐又吸了一口水烟，慢慢说道：「倪翠凤脾气是勿大好，也怪勿得耐罗老爷要动 气。其实倪翠凤脾气末有点，也看客人起，俚来里罗老爷面浪，倒勿曾发过歇一点点脾气 ？。汤老爷末也晓得点俚哉。俚做仔一户客人，要客人有长性，可以一直做下去，故末俚 搭客人要好？。俚搭客人要好仔，陆里有啥脾气嗄？俚就碰着仔无长性客人，难末要闹脾 气哉。俚闹起脾气来，覅说啥勿肯巴结，索性理也勿来理耐？。汤老爷阿是？第歇耐罗老 爷末好像倪翠凤勿巴结了动气，陆里晓得倪翠凤心里搭罗老爷倒原蛮要好，倒是耐罗老爷 勿是定归要去做俚，俚末也勿好来陪巴结耐哉？。俚也晓得蒋月琴搭罗老爷做仔四五年哉 ，俚有辰光搭我说起，说：『罗老爷倒有长性？，蒋月琴搭做四五年末，来里倪搭做起来 阿会推扳嗄？』我说：『耐晓得罗老爷有长性末，为啥勿巴结点？？』俚也说得勿差，俚 说：『罗老爷有仔老相好，祇怕倪巴结勿上，倒落仔蒋月琴？笑眼里。』俚是实概意思。
要说是俚勿肯巴结耐罗老爷，倒冤枉仔俚哉。我说罗老爷，耐故歇坎坎做起，耐也勿曾晓 得倪翠凤个脾气，耐做一节下来，耐就有数目哉。倪翠凤末也晓得耐罗老爷心里是要做俚 ，难末俚慢慢仔也巴结起来？。」 子富听了，冷笑两声。黄二姐也笑道：「阿是耐有点勿相信我闲话？耐问声汤老爷看 ，汤老爷蛮明白？。汤老爷，耐想？，倘然俚搭罗老爷覅好末，罗老爷陆里叫得到十几个 局嗄？俚心里来？要好，嘴里终勿肯说出来，连搭娘姨、大姐？才勿晓得俚心里个事体， 单有我末稍微摸着仔点。倘然我故歇放罗老爷去仔，晚歇俚转来就要埋冤我哉？。我老实 搭罗老爷说仔罢：俚做大生意下来，也有五年光景哉，通共就做仔三户客人，一户末来里 上海，还有两户，一年上海不过来两埭，清爽是清爽得野？。我再要俚自家看中仔一户客 人，搭我多做点生意，故是难杀？？。推扳点客人覅去说哉，就算客人末蛮好，俚说是无 长性，祇好拉倒，教我阿有啥法子嗄？为此我看见俚搭罗老爷蛮要好末，望罗老爷一直做 下去，我也好多做点生意。勿然是老实说，像罗老爷个客人到倪搭来也勿少？，走出走进 ，让俚？去，我阿曾去应酬歇？为啥单是耐罗老爷末要我来陪陪耐嗄？」 子富仍是默然，汤啸庵也微微含笑。黄二姐又道：「罗老爷做末做仔半个月，待倪翠 凤也总算无啥，不过倪翠凤看仔好像罗老爷有老相好来？，倪搭是垫空个意思。我倒搭俚 说：『耐也巴结点，有啥老相好、新相好，罗老爷阿会待差仔倪嗄？』俚说：『隔两日再 看末哉。』前日仔俚出局转来，倒搭我说道：『无？，耐说罗老爷搭倪好，罗老爷到仔蒋 月琴搭吃酒去哉。』我说：『多吃台把酒是也算勿得啥。』陆里晓得倪翠凤就多心哉？， 说：『罗老爷原搭老相好要好末，阿肯搭倪要好嗄？』」 子富听到这里，不等说完，接嘴道：「故是容易得势，就摆起来吃一台末哉？。」黄 二姐正色道：「罗老爷耐做倪翠凤，倒也勿在乎吃酒勿吃酒。覅为仔我一句闲话，吃仔酒 了，晚歇翠凤原不过实概，例说我骗耐。耐要做倪翠凤末，耐定归要单做倪翠凤一个？， 包耐十二分巴结，无拨一点点推扳。覅做做倪翠凤，再去做做蒋月琴，做得两头勿讨好。
耐勿相信我闲话，耐就试试看，看俚那价功架，阿巴结勿巴结。」子富笑道：「故也容易 得势，蒋月琴搭就勿去仔末是哉？。」黄二姐低头含笑，又吸了一口水烟，方说道：「罗 老爷，耐倒也会说笑话？！四五年老相好，说勿去就勿去哉，也亏耐说仔出来。倒说道容 易得势，阿是来骗骗倪？」一面说，一面放下水烟筒，往对过房间里做甚么去了。
子富回思陶云甫之言不谬，心下着实钦慕；要与汤啸庵商量，却又不便。自己忖度一 番，坐起来呷口茶。珠凤忙送过水烟筒，子富仍摇手不吸。祇见小阿宝和金凤两个爬在梳 妆台前，凑近灯光，攒头搭颈，又看又笑。子富问：「啥物事？」金凤见问，劈手从小阿 宝手中抢了，笑嘻嘻拿来与子富看，却是半个胡桃壳，内塑着五色粉捏的一出春宫。子富 呵呵一笑。金凤道：「耐看？。」拈着壳外线头抽拽起来，壳中人物都会摇动。汤啸庵也 踅过来看了看，问金凤道：「耐阿懂嗄？」金凤道：「葡萄架？，阿有啥勿懂。」小阿宝 忙笑阻道：「耐覅搭俚说？，俚要讨耐便宜呀。」说笑问，黄二姐又至这边房里来，因问 ：「耐？笑啥？」金凤又送去与黄二姐看。黄二姐道：「陆里拿得来嗄？原搭俚放好仔， 晚歇弄坏仔末再要拨俚说哉。」金凤乃付与小阿宝将去收藏了。
罗子富立起身，丢个眼色与黄二姐，同至中间客堂，不知在黑暗里说些甚么。咕唧了 好一会，祇听得黄二姐向楼窗口问：「罗老爷管家阿来里？教俚上来。」一面见子富进房 ，即叫小阿宝拿笔砚来央汤啸庵写请客票，祇就方才同席的胡乱请几位。黄二姐亲自去点 起一盏保险台灯来，看着啸庵草草写毕，给小阿宝带下，令外场去请。
黄二姐向子富道：「耐管家等来里，阿有啥说嗄？」子富说：「叫俚来。」高升在外 听唤，忙掀帘进门候示。子富去身边取出一串钥匙，吩咐高升道：「耐转去到我床背后开 第三祇官箱，看里面有祇拜盒拿得来。」高升接了钥匙，领命而去。
黄二姐问：「台面阿要摆起来？」子富擡头看壁上的挂钟，已至一点二刻了，乃说： 「摆起来罢，天勿早哉。」汤啸庵笑道：「啥要紧！等翠凤出局转来仔，正好。」黄二姐 慌道：「催去哉。俚？是牌局，要末来？替碰和，勿然陆里有实概长远嗄。」随喊：「小 阿宝，耐去催催罢，教俚快点就转来。」小阿宝答应，正要下楼。黄二姐忽又叫住道：「 耐慢点，我搭耐说？。」说着，急赶出去，到楼梯边和小阿宝咬耳朵叮嘱几句，道：「记 好仔。」 小阿宝去后，黄二姐方率领外场调桌椅、设杯署，安排停当。请客的也回来口话。惟 朱蔼人及陶氏昆仲说就来，其余有回去了的，有睡下了的，都道谢谢。罗子富祇得罢了。
忽听得楼下有轿子擡进大门，黄二姐祇道是翠凤，忙向楼窗口望下观看。原来是客轿 ，朱蔼人来了。罗子富迎见让坐。朱蔼人见黄翠凤又不在家，解不出吃酒的缘故，悄问汤 啸庵方始明白。
三人闲谈着，直等至两点钟相近，才见小阿宝喘吁吁的一径跑到房间里，说：「来哉 ，来哉！」黄二姐说：「跑啥？」小阿宝道：「我要紧呀，先生极得来。」黄二姐道：「 啥实概长远嗄？」小阿宝道：「来？替碰和。」黄二姐道：「我说是替碰和？，阿是猜着 哉。」接着一路「咭咭咯咯」的脚声上楼，黄二姐忙迎出去。先是赵家？提着琵琶和水烟 筒袋进来见了，叫声「罗老爷」，笑问：「来仔一歇哉？倪刚刚勿巧，出牌局，勿催仔再 有歇？。」随后，黄翠凤款步归房，敬过瓜子，却回头向罗子富嫣然展笑。子富从未见翠 凤如此相待，得诸意外，喜也可知。
一时陶云甫也到。罗子富道：「单有玉甫勿曾来，倪先坐罢。」汤啸庵遂写一张催客 条子，连局票一起交代赵家？道：「先到东兴里李漱芳搭，催客搭叫局一淘来海。」赵家 ？应说：「晓得哉。」 当下大家入席。黄翠凤上前筛一巡酒，靠罗子富背后坐了。珠凤、金凤还过台面规矩 ，随意散坐。黄二姐捉空自去。翠凤叫小阿宝拿胡琴来，却把琵琶给金凤，也不唱开片， 祇拣自己拿手的《荡湖船》全套和金凤合唱起来。座上众客祇要听唱，那里还顾得吃酒。
罗子富听得呆呆的，竟像发呆一般。赵家？报说：「陶二少爷来哉。」子富也没有理会， 及陶玉甫至台面前，方惊起厮见。
那时叫的局也陆续齐集了。陶玉甫是带局而来的，无须再叫。所怪者，陶玉甫带的局 并不是李漱芳，却是一个十二三岁清倌人，眉目如画，憨态可掬，紧傍着玉甫肘下，有依 依不舍之意。罗子富问：「是啥人？」玉甫道：「俚叫李浣芳，算是漱芳小妹子。为仔漱 芳有点勿适意，坎坎少微出仔点汗，团来？，我教俚覅起来哉，让俚来代仔个局罢。」 说话时，黄翠凤唱毕，张罗道：「耐？用点菜？。」随推罗子富道：「耐啥勿说说嗄 ？」子富笑道：「我先来打个通关。」乃伸拳从朱蔼人挨顺豁起，内外无甚输赢。豁至陶 玉甫，偏是玉甫输的。李浣芳见玉甫豁拳，先将两祇手盖住酒杯，不许玉甫吃酒，都授与 娘姨代了。玉甫接连输了五拳，要取一杯来自吃。李浣芳抢住，发急道：「谢谢耐，耐就 照应点倪阿好？」玉甫祇得放手。
罗子富听李浣芳说得诧异，回过头去，要问他为甚么。祇见黄二姐在帘子影里探头探 脑，子富会意，即缩住口，一径出席，走过对过房间里。黄二姐带领管家高升跟进来。高 升呈上拜匣，黄二姐集亮了桌上洋灯。子富另将一串小钥匙开了拜匣，取出一对十两重的 金钏臂来，授与黄二姐手内，仍把拜匣锁好，令黄二姐暂为安放，自收起大小两副钥匙， 说道：「我去喊翠凤来，看看花头阿中意。」说着，回至这边归座，悄向黄翠凤道：「耐 无？来？喊耐。」翠凤装做不听见，俄延半晌，欻的站起身一直去了。
罗子富见台面冷清清的，便道：「耐？阿有啥人摆个庄嗄？」陶云甫道：「倪末再豁 两拳，耐让玉甫先去罢。俚？酒是勿许俚吃哉，坐来里做啥？为俚一干仔，倒害仔几花娘 姨、大姐跑来跑去忙煞，再有人来？勿放心。晚歇吓坏仔俚，才是倪个干己。让俚去仔倒 清爽点，阿是？」说得哄堂大笑。
罗子富看时，果然有两个大姐、三个娘姨围绕在陶玉甫背后，乃道：「故倒勿好屈国 耐哉？。」陶玉甫得不的一声，讪讪的挈李浣芳告辞先行。
罗子富送客回来，说道：「李漱芳搭俚倒要好得野？！」陶云甫道：「人家相好要好 点，也多煞？，就勿曾见歇俚？个要好，说勿出描勿出？！随便到陆里，教娘姨跟好仔， 一淘去末原一淘来。倘忙一日勿看见仔，要娘姨、相帮供四面八方去寻得来，寻勿着仔吵 煞哉！我有日子到俚搭去，有心要看看俚？，陆里晓得俚？两家头对面坐好仔，呆望来？ ，也勿说啥一句闲话。问俚？阿是来里发痴？俚？自家也说勿出？。」汤啸庵道：「想来 也是俚？缘分。」云甫道：「啥缘分嗄，我说是冤牵！耐看玉甫近日来神气常有点呆致致 ，拨来俚？圈牢仔，一步也走勿开个哉。有辰光我教玉甫去看戏，漱芳说：『戏场里锣鼓 闹得势，覅去哉。』我教玉甫去坐马车，漱芳说：『马车跑起来颠得势，覅去哉。』最好 笑有一转拍小照去，说是眼睛光也拨俚？拍仔去哉；难末日朝天亮快勿曾起来，就搭俚铦 眼睛，说餂仔半个月坎坎好。」大家听说，重又大笑。
陶云甫回头把手指着自己叫的倌人覃丽娟，笑道：「像倪做个相好，要好末勿要好， 倒无啥。来仔也勿讨厌，去仔也想勿着，随耐个便，阿是要写意多花？？」覃丽娟按说道 ：「耐说说俚？，啥说起倪来哉嗄？耐要像俚？要好末，耐也去做仔俚末哉？。」云甫道 ：「我说耐好，倒说差哉。」丽娟道：「耐去调皮末哉。倪不过实概样式，要好勿会好， 要邱也勿会邱。」云甫道：「为此我说耐好？。耐自家去转仔啥念头，倒说我调皮。」朱 蔼人正色道：「耐说末说白相，倒有点意思。我看下来，越是搭相好要好，越是做勿长。
倒是不过实概末，一年一年，也做去看光景。」蔼人背后林素芬虽不来接嘴，却也在那里 做鬼脸。罗子富一眼看见，忙岔开道：「覅说哉。蔼人摆个庄，倪来豁拳哉。」