Chapter 22
按：黄翠凤因要出局，慌忙吃毕夜饭，即喊小阿宝舀面水来，对镜捕面。罗子富问 ：「叫到后马路啥场花？」翠凤道：「原是钱公馆哉？。俚？是牌局，一去仔末就要我 代碰和。我要无拨啥转局，一径碰下去勿许走。有辰光两三点钟坐来浪，厌气得来。」 子富道：「厌气末就谢谢覅去哉。」翠凤道：「叫局阿好勿去？倪无？要说个。」子富 道：「耐无？阿敢来说耐？」翠凤道：「无？末啥勿敢说，我一径勿曾做差啥事体，生 来无？勿说啥。倘然推扳仔一点点，倪个无？肯罢哉？」说时，赵家？取出出局衣裳。
翠凤一面穿换，一面叮嘱子富道：「耐坐来浪，我去一歇歇就转来个。」又叮嘱金凤「 覅走开」；又令小阿宝喊珠凤也来陪坐。
然后，赵家？提了琵琶及水烟筒袋前行，翠凤随着，下楼登轿，径至后马路钱公馆 门前停下。望见客堂里灯烛辉煌，又听得高声豁拳，翠凤祇道是酒局。及进去看时，席 上祇有杨柳堂、吕杰臣、陶云甫暨主人钱子刚四位，方知为碰和的便夜饭。
杨柳堂一见黄翠凤，嚷道：「来得正好，请耐吃两杯酒。」即取一鸡缸杯送到翠凤 嘴边。翠凤侧首让过，道：「我勿来吃。」柳堂还要纠缠。翠凤不理，径去靠壁高椅坐 下。钱子刚忙起身向柳堂道：「耐去豁拳，我来吃。」便接了那杯酒。柳堂归座与吕杰 臣豁拳。
钱子刚执杯在手，告诉黄翠凤道：「倪四家头来里捉赢家，我一连输十拳？，吃仔 八杯，剩两杯勿曾吃。耐阿吃得落，替我代一杯，阿好？」翠凤听说，接来呷干，授还 杯子，又说：「再有一杯去拿得来。」子刚道：「就剩一杯哉，让赵家？代仔罢。」赵 家？向桌上取一杯来，也吃了。
陶云甫怂恿杨柳堂道：「耐末也算得是谄头哉，一样一杯酒，钱老爷教俚代，耐看 俚吃得阿要快。」黄翠凤乃道：「耐是会说得来，吃杯酒也要说多花闲话？。一样是朋 友，耐帮仔杨老爷来说倪，赛过来里说钱老爷。让耐去说末哉，勿关倪事。」吕杰臣道 \：「故歇我输哉，耐也替我代一杯，让俚说勿出啥。」翠凤道：「吕老爷，勿然是代末 哉，故歇拨俚说仔了，定归勿代。」 杨柳堂催吕杰臣：「快点吃，吃好仔倪要碰和哉。」黄翠凤问：「阿曾碰歇？」钱 子刚说：「四圈庄碰满哉，再有四圈。」吕杰臣吃完拳酒，因指陶云甫：「挨着耐捉赢 家哉。」陶云甫遂与杨柳堂豁起拳来。
黄翠凤生恐代酒，假作随喜，避人左厢书房。祇见书房中央几案纵横，筹牌错杂， 四枝膻烛，却已吹灭，惟靠窗烟榻上烟灯甚明，随意坐在下手。随后钱子刚也到书房里 ，向上手躺着吸烟。翠凤乃问道：「倪无？阿曾向耐借洋钱？」子刚道：「借末勿曾借 ，前日夜头我搭俚讲讲闲话，俚说故歇开消末大，洋钱无拨下来，勿过去，好像要搭我 借。后来一泡仔讲别样事体，俚也就勿曾说起。」 翠凤道：「倪无？个心思重得野？，耐倒要当心点。前转耐去镶仔一对钏臂，俚搭 我说：『钱老爷一径无拨生意，倒勿晓得陆里来个多花洋钱？』我说：『客人个洋钱末 ，耐管俚陆里来个嗄。』俚说：『倪无拨洋钱用，勿晓得洋钱才到仔陆里去哉。』我是 气昏仔了，勿去说俚哉。耐想该号闲话俚是啥意思？」子刚道：「耐教我当心点，阿是 当心俚借洋钱？」翠凤道：「俚要向耐借洋钱末，耐定归覅借拨俚。随便啥物事，耐也 覅去搭我买。耐故歇就说是买拨我，隔两日终是俚？个物事。俚？一点点勿见好，倒好 像耐洋钱多煞来浪，害俚？眼热煞。耐勿买倒无啥。」 子刚道：「俚倒一径搭耐蛮要好，故歇俚转差仔啥个念头，勿相信耐哉，阿对？」 翠凤道：「一点勿差。故歇是俚有心要难为我。前月底，有个客人动身，付下来一百洋 钱局帐。俚有仔洋钱，十块廿块，才拨来姘头借得去。今朝要付裁缝帐，无拨哉，倒向 我要洋钱。我说：『我末啥场花有洋钱嗄？出局衣裳，生来要耐做个？。耐晓得今朝要 付裁缝帐，为啥拨姘头借得去？』拨我反仔一泡，俚倒吓得勿响哉。」 子刚道：「价末今朝阿曾拨点俚？」翠凤道：「我为仔第一转，绷绷俚场面，就罗 个搭借仔十块洋钱拨俚。依仔俚心里，倒勿是要借罗个洋钱，要我来请耐向耐借，再要 多借点，故末称心哉。」子刚道：「实概说，俚勿曾借着我个洋钱，陆里会称心嗄？倘 然俚向我借，我倒也勿好回头俚。」翠凤道：「耐勿借也无啥？，啥该应要借拔俚？耐 说『我一径无拨生意了，洋钱也无拨哉』，阿是说得蛮体面？到仔节浪，通共叫几个局 ，该应付几花洋钱，局帐清爽仔，俚阿好说耐啥邱话？」子刚道：「故是俚要恨煞哉。
我说，俚不过要借洋钱，就少微借点拨俚，也有限煞个。再哝两节，等耐赎仔身末，好 哉？。」翠凤道：「我覅。耐同俚阿有啥讲究，定归要借拨俚，阿是真个洋钱忒多仔了 ？就算耐洋钱多，等我赎仔身借拨我末哉？。」子刚道：「故歇耐阿想赎身？」翠凤连 忙摇手，叫他莫说。再回头向外窥觑，却正见一个人影影绰绰站在碧纱屏风前，急问： 「啥人嗄？」那人见唤，拍手大笑而出。原来是吕杰臣。
钱子刚丢下烟枪起坐，笑道：「耐来里吓人。」吕杰臣道：「我是来里捉奸！耐？
两家头阿要面孔？就是要偷局末。也好等倪客人散仔，舒舒齐齐去上末哉？，啥一歇歇 也等勿得嗄！」黄翠凤咕噜道：「狗嘴里阿会生出象牙来。」 吕杰臣再要回言，被钱子刚拉至客堂归席。杨柳堂道：「倪输仔拳，酒也无人代， 耐主人家倒寻开心去哉。」陶云甫道：「故歇让耐去开心晚歇碰和末抵桩多输点。」钱 子刚并不置辨，祇问拳酒如何。四人复哄饮一回，始用晚饭。饭后，同至书房点烛碰和 。钱子刚因吸烟过瘾，请黄翠凤代碰。
翠凤碰过两圈，赢了许多，愈党高兴，乃喊赵家？来附耳叮嘱些说话。赵家？领会 ，独自踅回家中，径上楼寻罗子富。不料子富竟不在房，祇有黄珠凤垂头伏桌打瞌铳。
赵家？拎起珠凤耳朵，问：「罗老爷呢？」珠凤醒而茫然，对答不出。连问几遍，方说 道：「罗老爷去哉呀。」赵家？问：「陆里去嗄？」珠凤道：「勿晓得口宛。」 赵家？发怒，将指头照珠凤太阳里戳了一下，又下楼至小房间问黄二姐。黄二姐告 诉道：「罗老爷末拨朋友请到吴雪香搭吃酒去哉。耐去搭大先生说，早点转来去转局。 」赵家？道：「价末等罗老爷票头来仔，我带得去罢。故歇俚也勿肯转来？。」黄二姐 应承了。等够多时，才接到罗子富局票，果然是叫到东合兴里吴雪香家的。
赵家？手执票头，重往后马路钱公馆来。一进门口，见左厢书房里黑魆魆地并无灯 光，知道碰和已毕，客人已散，即转身进右厢内室，见了钱子刚的正妻，免不得叫声「 太太」。那钱太太倒眉花眼笑说道：「阿是按先生转去？先生来？楼浪，耐就该搭等一 歇末哉。」赵家？祇得坐下，却慢慢说出要去转局。钱太太道：「先生有转局末，早点 去罢，晚仔勿局个。耐到楼梯下头去喊一声？。」 赵家？急至后半间，仰首扬声叫「大先生」，楼上不见答应；又连叫两声，说：「 要转局去呀。」仍是寂然毫无声息。钱太太又叫住道：「覅喊哉，先生听见个哉。」赵 家？没法，仍出前半间陪钱太太对坐闲话。
一会儿，听得黄翠凤脚声下楼，赵家？忙取琵琶及水烟筒袋上前相迎。翠凤盛气嗔 道：「啥要紧嗄，喤喤勿清爽。」钱太太含笑分解道：「俚末也算勿差，为仔票头来仔 歇哉，常恐忒晚仔勿局，喊耐早点去。」翠凤不好多言，和钱太太立谈两句，道谢辞行 。钱太太直送至客堂前，看着翠凤上轿方回。
赵家？跟在轿后，径往东合兴里吴雪香家，搀了翠凤到台面上，祇见客人、倌人、 娘姨、大姐早挤得密层层没些空隙。罗子富座后紧靠妆台，赵家？挤不进去。适罗子富 与王莲生并坐。王莲生叫的局乃是张蕙贞，见了黄翠凤，即挪过自己坐的凳子，招呼道 ：「翠凤阿哥，该搭来？。」又招呼赵家？，觉得着实殷勤，异常亲密。黄翠凤见张蕙 贞金珠首饰奕奕有光，知道是新办的，因携着手看了看，道：「故歇名字戒指也老样式 哉。」 张蕙贞见黄翠凤头上插着一对翡翠双莲蓬，也要索观。黄翠凤拔下一祇授与张蕙贞 ，蕙贞道：「绿头倒无啥。」不料王莲生以下即系主人葛仲英坐位，背后吴雪香听得张 蕙贞赞好，便伸过头来一看，问黄翠凤：「几花洋钱买个？」翠凤说是「八块」。吴雪 香忙向自己头上拔下一祇，将来比试。张蕙贞见是全绿的，乃道：「也无啥。」吴雪香 艴然道：「也无哟我一对四十块洋钱？呀，阿是也无啥。」 黄翠凤听说，从吴雪香手里接来估量一回，问道：「阿是耐自家买个嗄？」吴雪香 道：「买是客人去买得来个，来里城隍庙茶会浪。俚？才说勿贵，珠宝店里陆里肯嗄？ 」张蕙贞道：「倪是倒也看勿出。拿俚一对来比仔末，好像好点。」吴雪香道：「翡翠 个物事难讲究？，少做好一点就难得看见哉。我一对莲蓬，随便啥物事总比勿过俚。四 十块洋钱，是实概模样呀。」 黄翠凤微笑不言，将莲蓬授还吴雪香。张蕙贞也将莲蓬授还黄翠凤。葛仲英正在打 庄，约略听得吴雪香说话，不甚清楚。及三拳豁毕，即回头问吴雪香：「啥物事要四十 块洋钱？」吴雪香遂将莲蓬授与葛仲英，仲英道：「耐上仔当哉，陆里有四十块洋钱嗄 ？买起来不过十块光景。」吴雪香道：「耐末晓得啥嗄，自家勿识货。再要批搨，十块 光景耐去买哉？！」罗子富道：「拿得来我来看。」擘手接过莲蓬来。黄翠凤道：「耐 也是勿识货个末，看啥嗄？」罗子富大笑道：「我真个也勿识货。」遂又将莲蓬传与王 莲生。莲生向张蕙贞道：「比仔耐头浪一对好多花哉。」张蕙贞道：「故是自然。我一 对阿好比嗄！」吴雪香接嘴道：「耐也有来浪，让我看阿好。」张蕙贞道：「我一对是 一点勿好个，难再要去买一对。」说着，也拔下一只，授与吴雪香。雪香问：「几块洋 钱？」张蕙贞笑道：「耐一对末，我要买十对？。」吴雪香道：「四块洋钱，生来无拨 啥好物事买哉。耐再要买，情愿价钱大点。价钱大仔物事总好哉？。」张蕙贞笑着，随 向王莲生手里取那莲蓬和吴雪香更正。
当时临到罗子富摆庄，「五魁」、「对手」之声隆隆然如春霆震耳，才把吴雪香莲 蓬议论剪断不提。
原来这一席除罗子富、王莲生以外，都是钱庄朋友。祇为葛仲英同吴雪香恩爱缠绵 ，意不在酒，大家争要凑趣，不肯放量，勉强把罗子富的庄打完，就草草终席而散。
吴雪香等客人散尽了，重复和葛仲英不依，道：「我来里说闲话末，耐该应也帮我 说句把，故末算得耐要好。耐倒来扳我个差头，阿要诧异？我说一对莲蓬要四十块洋钱 ？，真个四十块洋钱，勿是我骗耐？。耐勿相信，去问小妹姐好哉。耐一歇极得来，常 恐倪要耐拿出四十块洋钱来，连忙说十块。就是十块末，阿是耐搭我去买得来嗄？耐就 搭我买仔一祇洋铜钏臂连一祇表，也说是三十几块？。说到我自家个物事末就勿稀奇哉 。耐心里祇道仔我是蹩脚倌人，陆里买得起四十块洋钱莲蓬，祇好拿洋铜钟臂来当仔金 钏臂带带个哉，阿是？」一顿夹七夹八的胡话，倒说得仲英好笑起来，道：「故末阿有 啥要紧嗄？就是四十块末也勿关我事。」雪香道：「价末耐说啥十块嗄？耐说是十块末 ，耐去照式照样买得来，我再要买一副头面？。洋钱我自家出末哉，耐去搭我买！」仲 英笑道：「覅说哉，我去买末哉。」雪香道：「耐是来里搭浆？，我明朝就要个？。」 仲英道：「我今朝夜头去买，阿好？」雪香道：「好个，耐去？。」 仲英真个取马褂来着，恰遇小妹姐进房，慌道：「二少爷做啥？」正是拦阻，雪香 丢个眼色，不使上前。仲英套上扳指，挂上表袋，手执折扇，笑向雪香道：「我去哉。 」雪香一把拉住，问：「耐到陆里去？」仲英道：「耐教我买物事去？？」雪香道：「 好个，我搭耐一淘去。』携了仲英的手便走。踅至帘前，仲英立定不行，雪香尽力要拉 出门外去。小妹姐在后拍手大笑道：「拨巡捕来拉得去仔末好哉。」客堂里外场不解何 事，也来查问。小妹姐乃做好做歹劝进房里，仍替仲英宽去马褂。
雪香撅着嘴，坐在一傍，嘿然不语。仲英祇是讪笑。小妹姐亦呵呵笑道：「两个小 干仵并仔一堆末，成日个哭哭笑笑，也勿晓得为啥，阿要笑话？」仲英道：「对勿住， 倒难为耐老太太讨气。」小妹姐道：「划一，我真个气煞来里。」说罢自去。
仲英踅至雪香面前，低声笑道：「耐阿听见，拨俚？当笑话。一点无拨啥事体，瞎 噪仔一泡，故末算啥？？」雪香不禁「嗤」的笑道：「耐阿要再搭我强了？」仲英道： 「好哉，耐便宜个哉。」雪香方欢好如初。
仲英听得外场关门声响，随取下表袋看时，已至一点多钟，说道：「天勿早哉，倪 困罢。」雪香问：「阿要吃稀饭？」仲英说：「覅吃。」雪香即喊小妹姐来收拾。小妹 姐舀水倾盆，铺床叠被。
正在忙乱之际，忽然一个小大姐推进大门，跑至房里，赶着小妹姐叫一声「无？」 ，便将袖子掩口要哭。小妹姐认得是外甥女，名叫阿巧，住在卫霞仙家的，急问他道： 「耐故歇跑得来做啥？」那阿巧要说，却一时说不出口。