Chapter 10
按：周双玉踅进对过自己房里，巧囡跟过来问双玉道：「出局衣裳，无？阿曾拨来耐 ？」双玉摇摇头。巧囡道：「我去搭耐问声看。耐拿鬓脚来刷刷？。」说了，忙下楼去问 老鸨周兰。双玉自把保险台灯移置梳妆台上，且不去刷鬓脚，就在床沿坐下，悄悄的侧耳 而听。
原来周双玉房间底下乃是老鸨周兰自已卧室，那周双宝搬下去铺的房间却在周双珠的 房间底下。当时听得老鸨周兰叫巧囡掌起灯来，开橱启箱，翻腾一会，又咕咕唧唧说了许 多闲话，然后出房。却又往双宝房背后去，不知做甚么，一些也听不见。
双玉方才丢开，起身对镜，照见两边鬓脚稍微松了些，随取抿子轻轻刷了几刷，已自 熨贴。祇见巧囡怀里抱着衣裳，同周兰上楼来了。双玉收过抿子，便要取衣裳来穿。周兰 道：「慢点嗄，耐个头勿好？，啥毛得来。」乃将手中揣着的豆蔻盒子放下，亲自动手替 双玉弄头。捏了又捏，揿了又揿，浓浓的蘸透了一抿子刨花浸的水，顺着螺丝旋刷进去， 又刷过周围刘海头。刷的那水从头颈里直流下去，连前面额角上也亮晶晶都是水渍。双玉 伸手去拭，周兰忙阻止道：「耐覅动？。」遂用手巾在头颈里略掩一掩，叫双玉转过脸来 ，仔细端详一回，说：「好哉。」 巧囡在傍提着衣裳领口，伏侍双玉穿将起来，是一件织金撇兰盆景一色镶滚湖色宁绸 棉袄。巧囡看了道：「实概件衣裳，我好像勿曾看见歇。」周兰道：「耐末陆里看得见？
说起来还是大先生个哉。俚？姊妹三家头，才有点怪脾气。随便啥衣裳哉，头面哉，才要 自家撑得起来；别人个物事，就拨来俚，俚也覅。双珠个头面末，也勿算少。单说衣裳， 是陆里及得来阿大搭阿二嗄？比仔双珠要多几花？！俚？嫁出去辰光，拣中意点末拿仔去 ，剩下来也有几箱子。我收捉仔起来，一直用勿着，还有啥人来着？？就拨来双宝着过欧 ，也勿多几件。还有几几花花，连搭双宝也勿曾看见歇，覅说啥耐哉。」 双玉穿上棉袄，向大洋镜前走了几步，托起臂膊，比比出手。周兰过去把衣襟绉纹拉 直些，又唠叨说道：「耐要自家有志气，做生意末巴结点，阿晓得？我眼睛里望出来，无 啥亲生勿亲生，才是我囡仵。耐倘然学得到双珠阿姐末，大先生、二先生几花衣裳头面， 随便耐中意陆里一样，祇管拿得去末哉。要像仔双宝样子，就算是我亲生囡仵，我也勿高 兴拨俚？。」双玉祇听着不言语。周兰问他：「阿听见？」双玉说：「听见哉。」周兰道 ：「价末耐也答应声？，啥一声也勿响嗄？」 巧囡听台面上叫的局先已到了，急取豆蔻盒子，连声催促，方剪住周兰的话头，搀了 双玉，往前便走，却忽然想起银水烟筒来。巧囡道：「就三先生搭拿仔根罢。」周兰道： 「覅！耐到双宝搭去拿得来。双宝一根末让俚用仔，我再拿一根出来拨来双宝。」 巧囡赶着跑去。周兰又教导些台面规矩与双玉听，并说：「耐勿晓得末，问阿姐好哉 。阿姐搭耐说啥闲话，耐听好仔，覅忘记。耐要是勿肯听人闲话，我先搭耐说一声，耐自 家吃苦，到底无啥好处。」周兰说一句，双玉应一声。须臾，巧囡取银水烟筒回来，周兰 自下楼去。
巧囡忙挈双玉至这边台面上。祇见先到的祇有一个局，乃是陈小云的相好金巧珍，住 在同安里口，祇隔一条三马路，走过来就是，所以早些。当时金巧珍拉开嗓子唱京调，引 得罗子富兴高采烈，摆庄豁拳。更有赵朴斋、张小村刻意奉承，极力鼓舞，此外诸位也就 随和着。独有王莲生设精打采，坐也坐不住。周双珠知道是厌烦，问他：「阿到对过去坐 歇？」莲生正中胸怀，即时离席。巧囡领着踅过周双玉房间，点了烟灯，冲了茶碗。向莲 生道：「我去喊双玉来。」莲生阻挡不及，祇好听他喊去。
祇见周双玉冉冉归房，脱换衣裳，远远的端坐相陪，嘿然无语。莲生自然不去兜搭。
一会儿，巧囡又跑来张罗，叮嘱双玉陪着，也就去了。
莲生吸了两口烟，听那边台面上豁拳唱曲，热闹得不耐烦，倒是双玉还静静的坐在那 里低头敛足弄手帕子。莲生心有所感，不觉暗暗赞叹了一番。忽听得娘姨阿金走出当中间 ，高声喊「绞手巾」。一时，履声、舄声、帘钩声、客辞主人声、主人送客声，杂沓并作 。却不知去的是谁，祇觉得台面上冷静了许多。随后汤啸庵也踱过这边房里来，吃得绯红 的脸，一手拿着柳条剔牙杖剔牙，随意向榻床下首歪着，看莲生烧烟。莲生问：「子富去 哉？」啸庵道：「俚？还有啥局头，搭仲英、小云一淘去哉。」 莲生遂约啸庵同洪善卿到沈小红家去。啸庵会意应诺。及巧囡来请用饭，两人方过那 边归席入座。汤啸庵向洪善卿耳边说了几句，善卿听了微笑。周双珠也点头笑道：「耐？
说啥，我也懂来里哉。」啸庵道：「耐说说看。」双珠把嘴望莲生一努。大家笑着，都吃 过饭。张小村知道他们有事，和赵朴斋告辞先行。王莲生道：「倪也去罢。」汤啸庵、洪 善卿说「好」。周双珠忙喊双玉过来，送至楼门而回。
三人缓步同行。来安叫轿夫擡空轿子跟随在后，出了公阳里，就对门进同安里，穿至 西荟芳里口，适被娘姨阿珠的儿子暗中瞧见，跑去报信。阿珠迎出门首，笑嘻嘻说道：「 我说王老爷要来快哉，倒刚刚来哉。」 当下王莲生在前，与汤啸庵、洪善卿进门；后面跟着阿珠，接踵上楼。早听得房间里 小脚高底一阵怪响。王莲生方跨进当中间房门，祇见沈小红越发蓬头垢面，如鬼怪一般， 飞也似赶出当中间，望莲生纵身直扑上去。莲生错愕倒退。大姐阿金大随后追到，两手合 抱拢来，扳住小红胸脯，祇喊说：「先生覅？！」慌的阿珠抢上去叉住小红臂膊，也喊说 ：「先生耐慢点看！」小红咬牙切齿，恨道：「耐？走开点？！我要死末关耐？啥事嗄？ 」阿珠连连劝道：「耐就要死末，也勿实概个？。故歇王老爷来仔，也好等王老爷说起来 ；说勿好，耐再去死末哉？。」小红一心和莲生拚命，那里肯依。
汤啸庵、洪善卿见如此撒泼，不好说甚，祇是冷笑。莲生又羞又恼，又怕又急，四下 里一逼，倒逼出些火性来，也冷笑说道：「让俚去死末哉！」说了一句，回身便走。汤啸 庵、洪善卿祇得跟着走了。
阿珠见光景不好，也顾不得小红，赶紧来拉莲生。被莲生一豁，洒脱袖子，竟下楼梯 。忽听得当中间板壁「蓬咚蓬咚」震天价响起来，阿金大在内极声喊道：「勿好哉，先生 撞煞哉呀！」就这一声喊里，唤起楼下三四个外场，祇道有甚祸事，急急跑上楼来，适与 莲生等挤住在楼梯上。阿珠把莲生死拖活拽，往里挣去。汤啸庵、洪善卿料道走不脱，也 撺掇莲生回至当中间。祇见小红还把头狠命往板壁上磕，阿金大扳住胸脯，那里扳得开。
阿珠着了忙，也狠命的拦腰一抱抱起来。汤啸庵、洪善卿齐说道：「小红耐算啥？？有闲 话说末哉，实概样子，耐小红也犯勿着？。」阿珠摸摸小红的头，没甚伤损，祇有额角边 被板壁上钉的钉头碰破些油皮，也不至流血。阿金大上前把手心摩挲着，道：「耐看阿险 嗄！撞来？太阳里末，那价呢？」 莲生正站在一傍发呆。阿珠一眼？见，说道：「王老爷，闯出穷祸来，耐也脱勿了个 ？！覅看仔像无要紧。」外场见没事，都笑道：「倒吓得倪来要死！快点搀先生房间里去 罢。」阿珠仍抱起小红来。阿金大拉了莲生、汤啸庵、洪善卿一同簇拥至房里。阿珠放小 红向榻床躺下。阿金大端整茶碗，叫外场冲了茶。外场嘱付阿珠说：「耐？小心点末哉。 」都讪笑着下楼去了。
王莲生、汤啸庵、洪善卿一溜儿坐在靠壁高椅上。小红背灯向壁，掩面而哭。阿珠靠 小红身傍坐着，慢慢与王莲生说道：「王老爷，耐自家勿好，转差仔念头。耐起初要搭倪 先生说明白仔，耐就去做仔十个张蕙贞，倪先生也无啥？。为仔耐瞒仔倪先生末倒勿好哉 。倪先生晓得耐去做仔张蕙贞，说难是王老爷倪搭勿来个哉，拨来张蕙贞？拉仔去哉。」 洪善卿不待说完，即拦说道：「王老爷不过昨日夜头来？张蕙贞搭吃仔台酒，故歇原到该 搭来哉？。」阿珠立起身来，走过洪善卿身傍，轻声说道：「洪老爷，耐是蛮明白来里。
倪先生倒覅怪俚，俚是发极仔了呀。王 老爷先起头做倪先生辰光，还有好几户老客人？。后来搭王老爷要好仔末，有个把客人阿 要动气勿来哉了？倪末去请哉？。王老爷就搭倪先生说：『俚？勿来，让俚？勿来末哉， 我一干仔来搭耐撑场面。』王老爷，阿是耐说来？个闲话？先生有仔王老爷，倒蛮放心请 也勿去请哉。难末一户一户客人才勿来哉，到故歇是无拨哉，就剩仔王老爷一干仔哉。洪 老爷，耐说王老爷去做仔张蕙贞，倪先生阿要发极？」汤啸庵接说道：「难也覅去说哉。
张蕙贞？末坍仔台哉，王老爷原到该搭来，耐沈小红场面也可以过得去哉。大家覅说哉， 阿是？」 小红正哭得涕泪交颐，听啸庵说，便分说道：「杨老爷，耐问声俚看，俚自家搭我说 ，教我生意覅做哉，条子末脱仔。我听仔俚，客人叫局也勿去。俚还搭我说，俚说：『耐 少来？几花债末，我来搭耐还末哉。』我听仔快活煞，张开仔两祇眼睛单望俚一干仔，望 俚搭我还清仔债末，我也有仔好日脚哉。陆里晓得俚一直来里骗我！骗到我今日之下，索 性豁脱仔，去包仔个张蕙贞？！」说到这里，两脚一跺，身子一掀，俯仰号啕，放声大哭 。哭了又道：「俚就要去做张蕙贞，也无啥！我自家想想，衣裳末着完哉，头面末当脱哉 ，客人末一个也无拨哉，倒欠仔一身债。弄得我上勿上，落勿落，难末教我那价？？」汤 啸庵微笑道：「故也无啥那价。王老爷原来里，衣裳头面原教王老爷办得来，债末教王老 爷去还清仔，阿是才舒齐哉？？」 小红道：「汤老爷，勿瞒耐说，王老爷来里该搭做仔两年半，买来？几花物事才来里 眼睛前头。张蕙贞搭勿到十日天，从头浪起到脚浪，陆里一样勿搭俚办起来？还有朋友叹 拍马屁，鬼讨好，连忙搭俚买好仔家生送得去铺房间。耐汤老爷陆里晓得？。」洪善卿插 说道：「王老爷也叫瞎说。堂子里做个把倌人，祇要局帐清爽仔末是哉。倌人欠来？债， 关客人啥事，要客人来搭俚还。老实说，倌人末勿是靠一个客人，客人也勿是做一个倌人 。高兴多走走，勿高兴就少走走，无啥多花枝枝节节？！」 小红正要回嘴，阿珠赶着戗说道：「洪老爷说得勿差，『倌人末勿是靠一个客人』。
倪先生也有好几户客人？，为啥要耐王老爷一干仔来撑场面？，耐就一干仔撑仔场面，勿 来搭倪先生还债，倪先生就欠仔一万债，阿好搭耐王老爷说，要耐王老爷来还嗄？耐王老 爷自家搭倪先生说，要搭倪先生还债。祇要王老爷真真还清仔，倪先生阿有啥枝枝节节？
耐就去做仔张蕙贞，『客人也勿是做一个倌人』，倪先生阿好说耐啥？故歇耐王老爷原勿 曾搭倪先生还歇一点点债，倒先去做仔张蕙贞哉。耐王老爷想想看，阿是倪先生来里枝枝 节节呢？阿是耐王老爷自家来？枝枝节节？」说罢，眱了王莲生半日。
莲生仰着脸，祇不做声。洪善卿笑道：「俚？啥枝枝节节也勿关倪事，倪要去哉。」 遂与汤啸庵立起身来。莲生意思要一同去，小红祇做不看见，倒是阿金大捺住莲生道：「 咦！王老爷，耐阿好去嗄？」阿珠喝阿金大放手，却向莲生道：「王老爷耐要去，去末哉 ；倪是勿好来屈留耐，就搭耐说一声是哉。
昨日夜头我搭阿金大两家头陪倪先生坐来？床 浪，坐仔一夜天勿曾困，今夜头倪要困去哉。倪娘姨？到底无啥干己，就闯仔点穷祸，也 勿关倪事。倪先说仔末，王老爷也怪勿着倪。」几句说得莲生左右为难，不得主意。汤啸 庵向莲生道：「倪先去，耐坐歇罢。」莲生乃附耳嘱他去张蕙贞家给个信。啸庵应诺，始 与洪善卿偕行。小红却也擡身送了两步，说道：「倒难为仔耐？，明朝倪也摆个双台谢谢 耐？末哉。」说着，倒自己笑了。莲生也忍不住要笑。
小红转身，伸一个指头向莲生脸上连点几点，道：「耐末……」祇说得两字，便缩住 了，却「哼」的一声，像是叹气。半晌又道：「耐一干仔来末，阿伯倪欺瞒仔耐嗄？耐算 教两个朋友来做帮手，帮仔耐说闲话，阿要气煞人！」莲生自觉羞惭，佯作不睬。阿珠冷 笑两声，道：「王老爷倒蛮好，才是朋友？搭俚出个主意。王老爷末去听仔俚。就张蕙贞 搭，勿是朋友同得去，陆里认得嗄？」小红道：「张蕙贞搭倒勿是朋友，俚乃自家去打个 野鸡。」阿珠道：「故歇是勿是野鸡哉，也算仔长三哉！叫仔一班小堂名，显焕得来！王 老爷做仔几日天，用脱仔几花？阿有千把嗄？」莲生道：「耐？覅瞎说！」阿珠道：「倒 勿是瞎说？！」随将烟盘收拾干净，道：「王老爷吃烟罢，覅去转啥念头哉！」莲生乃去 榻床躺下吸烟。阿珠、阿金大陆续下去。