第八回 蓄深心动留红线盒 逞利口谢却七香车

按：罗子富正要朱蔼人摆庄，忽听得黄二姐低声叫「罗老爷」。子富不及豁拳，丢下 便走。黄二姐在外间迎着，道：「阿要金凤来替耐豁两拳？」子富点点头，黄二姐遂进房 到台面上去。子富自过对过房间里，祇见黄翠凤独自一个坐在桌子傍边高椅上，面前放着 那一对金钏臂。翠凤见子富近前，笑说：「来？。」揣住子富的手捺到榻床坐下，说道： 「倪无？上耐当水，听仔耐闲话，快活得来！我就晓得耐是不过说说罢哉。耐有蒋月琴来 ？，陆里肯来照应倪？倪无？还拿仔钏臂来拨我看。我说：『钏臂末啥稀奇，蒋月琴？勿 晓得送仔几花哉！就是倪也有两副来里，才放来？用勿着，要得来做啥？』耐原拿仔转去 罢。隔两日，耐真个蒋月琴搭勿去仔，想着要来照应倪，再送拨我正好。」 子富听了，如一瓢冷水兜头浇下，随即分辨道：「我说过蒋月琴搭定规勿去哉。耐勿 相信末，我明朝就教朋友去搭我开消局帐，阿好？」翠凤道：「耐开消仔，原好去个？。

耐搭蒋月琴是老相好，做仔四五年哉，俚？也蛮要好。耐故歇末说勿去哉，耐要去起来， 我阿好勿许耐去？」子富道：「说仔勿去，阿好再去嗄？说闲话勿是放屁。」翠凤道：「 随便耐去说啥，我勿相信晚耐自家去想？，耐末就说是勿去，俚？阿要到耐公馆里来请耐 嗄？俚要问耐，阿有啥得罪仔耐了动气，耐搭俚说啥？阿好意思说倪教耐覅去嗄？」子富 道：「俚请我，我勿去，俚阿有啥法子？」翠凤道：「耐倒说得写意？。耐勿去，俚？就 罢哉。俚定归要拉耐去，耐阿有啥法子？」 子富自己筹度一回，乃问道：「价末耐说要我那价？？」翠凤道：「我说，耐要好末 ，要耐到倪搭来住两个月，耐勿许一干仔出门口。耐要到陆里，我搭耐一淘去。蒋月琴？

也勿好到倪搭来请耐。耐说阿好？」子富道：「我有几花公事？，陆里能够勿出门口？」 翠凤道：「勿然末，耐去拿个凭据来拨我。我拿仔耐凭据，也勿怕耐到蒋月琴搭去哉。」 子富道：「故阿好写啥凭据嗄？」翠凤道：「写来？凭据，阿有啥用场！耐要拿几样要紧 物事来放来里，故末好算凭据。」子富道：「要紧物事，不过是洋钱？。」翠凤冷笑道： 「耐看出倪来啥邱得来！阿是倪要想头耐洋钱嗄？耐末拿洋钱算好物事，倪倒无啥要紧。 」子富道：「价末啥物事？？」翠凤道：「耐覅猜仔倪要耐啥物事。倪也为耐算计，不过 拿耐物事来放来里，倘忙耐要到蒋月琴搭去末，想着有物事来？我手里，耐也勿敢去哉， 也好死仔耐一条心。耐想阿是？」 子富忽然想起，道：「有来里哉，坎坎拿得来个拜匣，倒是要紧物事。」翠凤道：「 就是拜匣蛮好，耐放来里仔阿放心？我先搭耐说一声，耐到蒋月琴搭去仔一埭，我要拿出 耐拜匣里物事来，一把火烧光个？。」子富吐舌摇头道：「阿唷，利害？！」翠凤笑道： 「耐说我利害，耐也识差仔人哉！我做末做仔个倌人，要拿洋钱来买我倒买勿动？。覅说 啥耐一对钏臂哉，就摆好仔十对钏臂，也勿来里我眼睛里。耐个钏臂，耐原拿得去。耐要 送拨我，随便陆里一日送末哉。今夜头倒覅拨来耐看轻仔，好像是倪看中仔耐钏臂。」一 面说，一面向桌上取那一对金钏臂，亲自替子富套在手上。子富不好再强，祇得依他，道 ：「价末原放来？拜匣里，隔两日再送拨耐也无啥。不过拜匣里有几张栈单庄票，有辰光 要用着末，那价？」翠凤道：「耐用着末，拿得去末哉。就勿是栈单庄票，倘忙有用着个 辰光，耐也好来拿个？。到底原是耐个物事，阿伯倪吃没仔了？」子富复沉吟一回，道： 「我要问耐，耐为啥钏臂是覅？？」翠凤笑道：「耐陆里猜得着我意思。耐要晓得做仔我 ，耐覅看重来？洋钱浪。我要用着洋钱个辰光，就要仔耐一千八百，也算勿得啥多；我用 勿着，就一厘一毫也勿来搭耐要。耐要送物事，送仔我钏臂，我不过见个情；耐就去拿仔 一块砖头来送拨我，我倒也见耐个情。耐摸着仔我脾气末好哉。」 子富听到这里，不禁大惊失色，站起身来道：「耐个人倒稀奇？！」遂向翠凤深深作 揖下去，道：「我今朝真真佩服仔耐哉。」翠凤忙低声喝住，笑道：「耐阿怕难为情嗄？

拨俚？来看见仔，算啥？」说着，仍揣住子富的手，说：「倪对过去罢。」挈至房门口， 即推子富先行，翠凤随后，同向台面上来。

那时出局已散。黄二姐正帮着金凤等张罗，望见子富，报说：「罗老爷来哉。」朱蔼 人道：「倪要吃稀饭哉，耐坎坎来。」子富道：「再豁两拳。」陶云甫道：「耐末倒有趣 去，倪搭蔼人吃仔几花酒？。」子富带笑而告失陪之罪，随叫拿稀饭来。席间如何吃得下 ，不过意思而已。

当时席散，各自兴辞。子富送至楼梯边，见杨啸庵在后，因想着说道：「我有点小事 体，托耐去办办。明朝碰头仔再搭耐说。」啸庵应诺。等到陶云甫、朱蔼人轿子出门，然 后汤啸庵步行而归。

罗子富回到房间里，外场已撤去台面，赵家？把笤帚略扫几帚，和小阿宝收拾了茶碗 出去。子富随意闲坐，看翠凤卸头面。

须臾，黄二姐复进房与子富闲谈。翠凤便令取出那祇拜匣来，交与子富。子富乃褪下 钏臂，放在拜匣里。黄二姐不解何故，两祇眼汨油油的，看看子富，看看翠凤。翠凤也不 理他，子富照旧锁好。

翠凤又令黄二姐将拜匣去放在后面官箱里。黄二姐才自明白，捧了 拜匣要走，却回头问子富道：「耐轿子阿教俚？打转去？」子富道：「耐去喊高升来。」 黄二姐乃去喊了高升上楼。子富吩咐些说话，叫高升随轿子回公馆去了。随后小阿宝来请 翠凤对过房间里去。

翠凤将行，见房里祇剩子富一个，即问：「珠凤呢？」小阿宝道：「无？教俚？困去 哉。」翠凤看挂钟，已敲过四点，方不言语，便向楼窗口高声喊道：「耐？人才到仔陆里 去哉！」赵家？在楼下，连忙接应，一径来见子富，问道：「罗老爷，安置罢？」子富点 点头。于是赵家？铺床吹灯，掩门退出。子富直等到翠凤归房安睡。一宿无话。

子富醒来，见红日满窗，天色尚早。小阿宝正拿抹布揩拭橱箱桌椅，也不知翠凤那里 去了。听得当中间声响，大约在窗下早妆。再要睡时，却睡不着。

一会儿，翠凤梳好头，进房开橱脱换衣裳。子富遂坐起来，着衣下床。翠凤道：「再 困歇？，十点钟还勿曾到？。」子富道：「耐起来仔啥辰光哉？」翠凤笑道：「我困勿着 哉呀，七点多钟就起来哉。耐正来？？头里。」 赵家？听见子富起身，伺候洗脸、刷牙、漱口。随问点心。子富说：「勿想吃。」翠 凤道：「停歇吃饭罢。」赵家？道：『中饭还有歇哩？。」子富道：「等歇正好。」翠凤 道：「教俚？赶紧点。」赵家？承命去说。子富复叫住，问：「高升阿曾来？」赵家？道 ：「来仔歇哉。我去喊得来。」高升闻唤，见了子富，呈上字条一张，洋钱一卷，问：「 阿要打轿子？」子富道：「今朝礼拜，无啥事体，轿子覅哉。」因转问翠凤：「倪去坐马 车阿好？」翠凤道：「好个。倪要坐两把车？。」子富也不则声，再看那张条子，乃是当 晚洪善卿请至周双珠家吃酒的，即随手撩下。高升见没甚吩咐，亦遂退去。

子富忽然记起一件事来，向翠凤道：「我记得旧年夏天，看见耐搭个长条子客人夜头 来？明园。我勿晓得耐名字叫啥；晓得仔名字，旧年就要来叫耐局哉。」翠凤脸上一呆， 答道：「倪勿然搭客人一淘坐马车也无啥要紧，就为仔正月里有个广东客人要去坐马车， 我勿高兴搭俚坐，我说：『倪要坐两把车？。』就说仔一句，也勿曾说啥。耐晓得俚那价 ？俚说：『耐勿搭客人坐也罢哉；祇要我看见耐搭客人一淘坐仔马车末，我来问声耐看。

故末叫勿人味？。』」子富道：「耐搭俚说啥？」翠凤道：「我啊？我说：『倪马车一个 月难得坐转把，今朝为是耐第一埭教得去，我答应仔耐，耐倒说起闲话来哉。我勿去哉， 耐请罢。』」子富道：「俚下勿落台哉？？」翠凤道：「俚末祇好搭我看看哉？。」子富 道：「怪勿得耐无？也说耐有点脾气？。」翠凤道：「广东客人野头野脑。老实说，勿高 兴做俚，巴结俚做啥？」 说话之间，不觉到了十二点钟。祇见赵家？端着大盘、小阿宝提着酒壶进房，放在靠 窗大理石方桌上，安排两副杯箸，请子富用酒。翠凤亲自筛了一鸡缸杯，奉与子富，自己 男取小银杯，对坐相陪。黄二姐也来见子富，帮着让菜，说道：「耐吃倪自家烧来？菜水 ，阿好？」子富道：「自家烧，倒比厨子好。」黄二姐道：「倪有厨子。」随指一碗小火 方、一碗清蒸鸭掌，说：「是昨日台面浪个菜。」翠凤向黄二姐道：「耐也来吃仔口罢。 」黄二姐道：「覅，我下头去吃。我去喊金凤来陪陪耐？。」子富道：「慢点去。」遂取 那一卷洋钱交与黄二姐，开消下脚等项。黄二姐接了道：「谢谢耐。」子富问他：「谢啥 ？」黄二姐笑道：「我先替俚？谢谢，倒谢差哉。」一路说笑，自去分派。

子富因没人在房里，装做三分酒意，走过翠凤这边，兜兜搭搭。翠凤推开道：「快点 ，赵家？来哉。」子富回头，不见一人，索性爬到翠凤身上去不依，道：「耐倒骗我！赵 家？搭俚家主公也来？有趣，阿有啥工夫来看倪？」翠凤恨得咬牙切齿。幸而金凤进来， 子富略一松手，翠凤趁势狠命一推，几乎把子富打跌。金凤拍手笑道：「姐夫做啥搭我磕 个头？」子富转身，抱住金凤要亲嘴。金凤极声的喊说：「覅噪？！」翠凤两脚一跺，道 ：「耐啥噪勿清爽！」子富连忙放手，说：「勿噪哉，勿噪哉！先生覅动气。」当向翠凤 作了个半揖，引得翠凤也嗤的笑了。

金凤推子富坐下，道：「请用酒？。」即取酒壶，要给子富筛酒，再也筛不出来；揭 盖看时，笑道：「无拨哉。」乃喊小阿宝拿壶酒来。翠凤道：「覅拨俚吃哉，吃醉仔末再 搭倪瞎噪。」子富拱手央告道：「再吃三杯，勿噪末哉。」及至小阿宝提了一壶酒来，子 富伸手要接，却被翠凤先抢过去，道：「勿许耐吃哉。」子富祇是苦苦央告。小阿宝在傍 笑道：「无拨吃哉，快点哭？。」子富真个哀哀的装出哭声。金凤道：「拨俚吃仔点末哉 ，我来筛。」从翠凤手里接过酒壶来，约七分满筛了一杯。子富合掌拜道：「谢谢耐，搭 我筛满仔阿好？」翠凤不禁笑道：「耐啥实概厚皮嗄！」子富道：「我说吃三杯，再要吃 末勿是人，耐阿相信？」翠凤别转脸不理。小阿宝、金凤都笑得打跌。

子富吃到第三杯，正值黄二姐端了饭盂上楼，叫小阿宝：「下头吃饭去，我来替耐。 」子富心知黄二姐已是吃过饭了，便说：「倪也吃饭哉。」黄二姐道：「再用一杯？。」 子富听了，直跳起来，指定翠凤嚷道：「耐阿听见无？教我吃？耐阿敢勿拨我吃？」翠凤 着实瞅了一眼，道：「越说耐倒越高兴哉！」竟将酒壶授与小阿宝带下楼去，便叫盛饭。

黄二姐盛上三碗饭来，金凤自取一双象牙箸同坐陪吃。

一时，赵家？、小阿宝齐来伺候。吃毕收拾，大家散坐吃茶。珠凤也扭扭捏捏的走来 ，要给子富装水烟。子富取来自吃。

将近三点钟时分，子富方叫小阿宝令外场去喊两把马车。赵家？舀上面水，请翠凤捕 面。翠凤教金凤去打扮了一淘去。金凤应诺，同小阿宝到对过房里，也去捕起面来。翠凤 祇淡淡施了些脂粉，越觉得天然风致，顾盼非凡。妆毕，自往床背后去。赵家？收过妆具 ，向橱内取一套衣裳放在床上，随手带出银水烟筒，又自己忙着去脱换衣裳。

金凤先已停当，过来等候。子富见他穿着银红小袖袄，蜜绿散脚裤，外面罩一件宝蓝 缎心天青缎滚满身洒绣的马甲，并梳着两角丫髻，垂着两股流苏，宛然是《四郎探母》这 一出戏内的耶律公主。因向他笑道：「耐脚也覅去缠哉，索性扮个满洲人，倒无啥。」金 凤道：「故是好煞哉，祇好拨来人家做大姐哉。」子富道：「拨来人家末，做奶奶，做太 太，阿有啥做大姐个嗄？」金凤道：「搭耐说说末，就无清头哉。」 翠凤听得，一面系裤带出来洗手，一面笑问子富道：「拨耐做姨太太阿好？」子富道 ：「覅说是姨太太，就做大太太末，也蛮好？。」复笑问金凤道：「耐阿情愿？」羞得金 凤掩着脸伏在桌上，问了几声不答应。子富弯下身子悄悄去问，偏要问出一句话来才罢。

金凤连连摇手，说：「勿晓得，勿晓得！」子富道：「情愿哉！」 翠凤把手削脸羞金凤。珠凤坐在靠壁高椅上冷看，也格声要笑。子富指道：「哪，还 有一位大太太，快活得来，自家来？笑。」翠凤一见，嗔道：「耐看俚阿要讨人厌！」珠 凤慌的敛容端坐。翠凤越发大怒道：「阿是说仔耐了动气哉？」走过去拉住他耳朵，往下 一摔。珠凤从高椅上扑地一交，急爬起来，站过一傍，祇按嘴咽气，却不敢哭。

幸值赵家？来催，说：「马车来哉。」翠凤才丢开手，拿起床上衣裳来看了看，皱眉 道：「我覅着俚。」叫赵家？开橱，自拣一件织金牡丹盆景竹根青杭宁绸棉袄穿了，再添 上一条膏荷绉面品月缎脚松江花边夹裤，又鲜艳又雅净。子富呆着脸祇管看。赵家？收起 那一套衣裳，问子富：「阿要着马褂？」子富自觉不好意思，即取马褂披在身上，说道： 「我先去哉。」一径踅下楼来，令高升随去。

出至尚仁里口，见是两把皮篷车，自向前面一把坐了、随后赵家？提银水烟筒前行， 翠凤挈着金凤缓缓而来，去后面坐了那一把。高升也踹上车后踏镫。四轮一发，电掣飙驰 的去了。