第二十三回 外甥女听来背后言 家主婆出尽当场丑

按：吴雪香家娘姨小妹姐见外甥女阿巧要哭，骇异问道：「啥嗄？」阿巧哭道：「 我勿去哉！」小妹姐不解，怔怔的看定阿巧。看了一会，问道：「阿是搭啥人相骂哉？ 」阿巧摇头道：「勿是。早晨揩祇烟灯，跌碎仔玻璃罩，俚？无？说，要我赔个。我到 洋货店里买仔一祇末，嫌道勿好，再要去买，换一家洋货店，说要买好个。等到买得来 ，原勿好，要我去调，拿跌碎个玻璃罩一淘带得去，照样子买一只。洋货店里说要两角 洋钱？，调来也勿肯调。我做俚？大姐，一块洋钱一月，正月里做下来勿满三块洋钱， 早就寄到仔乡下去哉，陆里再有两角洋钱？」 小妹姐听说，倒笑起来，道：「故末阿有啥要紧嗄？耐个小干仵末也少有出见个。

耐拿玻璃罩放来浪，明朝我搭耐去买。」阿巧忙道：「无？，勿呀！俚？个生活，我做 勿转呀！早晨一起来末，三祇烟灯，八祇水烟筒，才要我来收捉。再有三间房间，扫地 、揩台子、倒痰盂罐头，陆里一样勿做？吓半日汰衣裳，几几花花衣裳，就交拨我一干 仔，一日到夜总归无拨空。有辰光客人碰和，一夜天勿困。到天亮碰好仔，俚？末去困 哉，我末收捉房间。」小妹姐道：「俚？再有两个大姐？，来浪做啥？」阿巧道：「俚 ？两家头阿肯做生活嗄？十二点钟喊俚？起来吃中饭，就搭先生梳一个头。梳好仔头末 ，无事体哉，横来？榻床浪，搁起仔脚吃鸦片烟。有客人来，搭客人讲讲笑话，蛮写意 。我末绞手巾、装水烟忙煞。大月底，看俚？拆下脚洋钱，三四块、五六块，阿要开心 。我是一个小铜钱也勿曾看见。」说到这里，又哇的哭出声来。

小妹姐正色道：「耐末总归自家做生活，覅去学俚？个样。俚？来浪拆下脚洋钱， 耐也覅去眼热。故歇生来要吃点亏，耐要会梳仔个头末好哉。勿然我搭耐说仔罢，刚刚 乡下上来，头一家做生意就勿高兴出来，出来仔耐想做啥？再有啥人家要耐？」阿巧呜 咽道：「无？，耐勿晓得呀，单是做生活倒罢哉。我来里做生活，俚？再要搭我噪。我 勿噪末，俚？就勿快活。告诉无？，说我做生活勿高兴。碰着会噪点个客人，俚？同客 人串通仔，拿我来寻开心。一个客人拉住仔个手，一个客人扳牢仔个脚，俚？两家头来 剥我裤子。」说着，复呜呜咽咽哭个不住。却引得葛仲英、吴雪香都好笑起来。小妹姐 也笑了，急问：「阿曾剥嗄？」阿巧哭道：「啥勿曾剥，倒是先生看勿过，拉我起来。

无？晓得仔，例说我小干仵哭哭笑笑，讨人厌。」吴雪香按说道：「客人也忒啥无淘成 。人家一个大姐，耐剥脱俚裤子，阿是勿作兴个？」葛仲英道：「一块洋钱一月，阿怕 无拨人家要？覅到俚？去做哉！」小妹姐独无言。

迨房间内收拾已毕，葛仲英、吴雪香将要安置，小妹姐乃向阿巧道：「耐就勿做， 也等我寻着仔人家末好出来，故歇耐转去，哝两日再说。」阿巧道：「价末无？要搭我 寻个？。」小妹姐道：「晓得哉，耐去罢。」阿巧又问：「烟灯罩阿要赔嗄？」小妹姐 叫把跌碎的留下：「明朝我去买。」又叮嘱：「难末做生活当心点。」 阿巧答应，辞了小妹姐，仍归至尚仁里卫霞仙家。那时客堂里宣卷道流正演说《洛 阳桥》故事，许多闲人簇拥观听。阿巧概不理会，径去后面小房间见老鸨卫姐，回说： 「烟灯罩洋货店里勿肯调，明朝无？去买得来。」卫姐道：「耐到无？搭去个？」阿巧 说：「去个。」卫姐嗔道：「一点点事体，再要去告诉无？。阿是告诉仔耐无？末覅赔 哉？」 阿巧不敢顶嘴，踅上楼来，祇见卫霞仙房里第二台吃酒客人尚未尽散。那客人乃北 信典舖中翟掌柜暨几个朝奉，正是会噪的。阿巧自思生意将歇，何必再去巴结，遂不进 房，竟去亭子间烟榻上暗中摸索睡下。听得前面一阵阵嘻笑之声不绝于耳，那里睡得着 。随后拖台掇凳，又夹着忽刺刺牙牌散落声音，知道是碰和了。阿巧正要起身，却听得 那两个大姐出房喊外场起手巾，复下楼寻阿巧。卫姐说：「阿巧来里楼浪？，常恐去困 哉。」一个大姐道：「俚倒开心？？，耐去喊？。」一个大姐道：「我勿去喊，俚勿高 兴做生活末，倪来做末哉。啥稀奇！」阿巧听了，赌气复睡，祇因心灰意懒，遂不觉沉 沉一觉。

直到日上三竿，阿巧醒来，坐在榻上，揉揉眼睛，侧耳听时，楼下寂然，宣卷已毕 ，惟卫霞仙房中碰和之后，外场搬点心进去，客人和两个大姐兀自噪做一团。阿巧依然 回避，径往灶下揩一把面，先将空房间收拾起来。

须臾，小妹姐来了。阿巧且不收拾，留心窃听。听得小妹姐到小房间见了卫姐，把 买的烟灯罩交付，问卫姐：「阿对？」卫姐呵呵笑道：「耐末去上小干仵个当，倒真真 去买得来哉。我为仔俚做生活勿当心，说要俚赔末，让俚当心点，阿是真个教俚赔嗄？ 」说着，取两角小洋钱给还小妹姐。小妹姐坚却不收。卫姐祇得道谢，随拉小妹姐并坐 闲谈。卫姐又道：「该个小干仵生活倒无啥，就不过独幅点。来里堂子里，有个把客人 要搭俚噪噪，也无啥要紧？，俚乃噪仔覅快活个。」 阿巧听到这里，越发生气，不欲再听，仍回空房间来收拾。等得小妹姐辞别卫姐出 门，阿巧忙赶上去，叫声「无？」，直跟至弄堂转弯处，方问：「无？阿去搭我寻人家 ？」小妹姐道：「耐啥要紧得来！就有人家末，也要过仔该节？，故歇陆里去寻？」阿 巧复再三叮咛而归。

小妹姐去后，接连数日，不得消息。阿巧因没工夫，亦不曾去吴雪香家探望。到了 三月十四这一日，阿巧早起，正在客堂里揩擦水烟筒，忽见一肩轿子停在门首，一个娘 姨打起轿帘，搀出一个半老佳人，举止大方，妆饰入古。阿巧揣度当是谁家奶奶。那奶 奶满面怒气，挺直胸脯踅进大门，即高声问：「该搭阿是卫霞仙？」阿巧应说：「是个 。」那奶奶并不再问，带领娘姨径上楼梯。阿巧诧异得紧，且向门首私问轿班，方知为 姚季莼正室。阿巧急跑至小房间告诉卫姐。卫姐不解甚事，便和阿巧飞奔上楼，跟随姚 奶奶都到卫霞仙房里来。

其时卫霞仙面窗端坐，梳洗未完。姚奶奶一见，即复高声问道：「耐阿是卫霞仙？ 」霞仙擡头看了，猛吃一惊，将姚奶奶上下打量一回，才冷冷的答道：「我末就是卫霞 仙哉？。耐是啥人嗄？」姚奶奶俨然向高椅坐下，嚷道：「勿搭耐说闲话，二少爷？？

喊俚出来。」霞仙早猜着几分来意，仍冷冷的答道：「耐问陆里一个二少爷嗄？二少爷 是耐啥人嗄？」姚奶奶大吼，举手指定霞仙面上道：「耐覅来浪假痴假呆！二少爷末是 我家主公，耐拿二少爷来迷得好。耐阿认得我是啥人？」说着，恶狠狠瞪出眼睛，像要 奋身直扑上去。霞仙见如此情形，倒不禁哑然失笑。尚未回言，阿巧胆小怕事，忙去取 茶碗，撮茶叶，喊外场冲了开水，说：「姚奶奶请用茶。」再拿一支水烟筒，问：「姚 奶奶阿用烟？我来装。」卫姐也按住姚奶奶，没口子分说道：「二少爷该搭勿大来个呀 ，故歇长远勿来哉。真真难得有转把叫个局，酒也勿曾吃歇。姚奶奶覅去听别人个闲话 。」 大家七张八嘴劝解之际，被卫霞仙一声喝住道：「覅响，瞎说个多花啥！」于是霞 仙正色向姚奶奶朗朗说道：「耐个家主公末，该应到耐府浪去寻？。耐啥辰光交代拨倪 ，故歇到该搭来寻耐家主公？倪堂子里倒勿曾到耐府浪来请客人，耐倒先到倪堂子里来 寻耐家主公，阿要笑话？倪开仔堂子做生意，走得进来，总是客人，阿管俚是啥人个家 主公。耐个家主公末，阿是勿许倪做嗄？老实搭耐说仔罢：二少爷来里耐府浪，故末是 耐家主公；到仔该搭来，就是倪个客人哉。耐有本事，耐拿家主公看牢仔，为啥放俚到 堂子里来白相，来里该搭堂子里，耐再要想拉得去，耐去问声看，上海夷场浪阿有该号 规矩？故歇覅说二少爷勿曾来，就来仔，耐阿敢骂俚一声，打俚一记？耐欺瞒耐家主公 ，勿关倪事。要欺瞒仔倪个客人，耐当心点！二少爷末怕耐，倪是勿认得耐个奶奶？！ 」 一席话说得姚奶奶顿口无言，回答不出，登时涨得彻耳通红，几乎迸出急泪来。正 待想一句来扳驳，祇见霞仙复道：「耐是奶奶呀，阿是奶奶做得勿耐烦仔了，也到倪该 搭堂子里来寻寻开心？可惜故歇无啥人来打茶会。倘然有个把客人来里，我教客人捉牢 仔耐强奸一泡，耐转去阿有面孔？耐就告到新衙门里，堂子里奸情事体也无啥希奇？。 」 不料这里说得闹热，楼下外场蓦喊一声「客人上来」。霞仙便道：「来得正好，清 房里来。」卫姐掀起帘子，迎进一个四十余岁的客人，三绺髭须，身材肥胖，原来即系 北信典舖翟掌柜。早吓得姚奶奶心头小鹿儿横冲直撞，坐也不是，走也不是，又羞又恼 ，那里还说得出半「个」字。

翟掌柜进房，且不入座，也将姚奶奶上下打量一回，终猜不出是甚么人。霞仙笑问 翟掌柜道：「耐阿认得俚？俚末是姚季莼姚二少爷个家主婆，今朝到倪该搭堂子里来， 有心要坍坍二少爷个台。」翟掌柜听罢茫然，卫姐过去附耳说些大概，方始明白。翟掌 柜攒眉道：「故是姚奶奶失斟酌哉。倪搭季莼兄也同过几转台面，总算是朋友。姚奶奶 到该搭来，季莼兄面浪好像勿好看相。」霞仙道：「啥勿好看相？出色得野？。二少爷 一径生意勿好，该着仔实概一个家主婆，难末要发财哉。」 翟掌柜摇手止住，转劝姚奶奶道：「姚奶奶故歇请回府，有啥闲话末，教季莼兄来 说好哉。」姚奶奶无可如何，一口气奔上喉咙，「哇」的一声要哭，慌忙立起身来，带 领娘姨出房下楼。霞仙还冷笑道：「姚奶奶再坐歇？。倘忙二少爷来仔末，我教娘姨来 请耐。」 姚奶奶踅至楼下，忍不住呜呜咽咽，大放悲声，似乎连说带骂，却听不清楚，仍就 门首上轿而回。

姚奶奶既去，霞仙新妆亦罢，越想越觉好笑，道：「蛮体面个二少爷，难看俚阿好 出来做人。一个奶奶跑到堂子里拉客人，赛过是野鸡哉？。」卫姐也叹口口气道：「做 仔个奶奶，再有啥勿开心？咱家走上门来，讨倪骂两声，阿要倒运？」霞仙道：「耐末 也覅说哉，勿曾拨俚丁倒骂两声，总算耐运气！」卫姐微笑自去。

翟掌柜问：「为啥要丁倒拨俚骂两声？」霞他笑而告诉道：「倪无？末真真是好人 。二少爷就日日到倪搭来，倪也无啥说勿出？；倪无？定归要说是二少爷长远勿来哉， 倒好像是倪怕俚。再有个阿巧，加二讨气。前日仔宣卷，楼浪下头几花客人来浪，喊俚 冲茶，勿晓得到仔陆里去哉，客人个茶碗也勿曾加。今朝二少爷家主婆来仔，耐勿曾看 见俚巴结得来。倪勿曾喊俚，俚倒先去泡仔一碗茶，再要搭俚装水烟，姚奶奶长，姚奶 奶短。自家生活豁脱仔勿做，单去巴结个姚奶奶，陆里晓得姚奶奶觉也勿曾觉着？拍马 屁拍到仔马脚浪去哉！」 阿巧适舀一盆面水上来给霞仙洗手，听说，即回嘴道：「姚奶奶末也是客人，为啥 勿该应泡茶拨俚吃？」霞仙笑向翟掌柜道：「耐听听俚闲话，阿要气煞人？姚奶奶说是 客人，阿是倪做个嗄？」阿巧道：「做勿做勿关我事，耐？同姚奶奶来里相骂，例说我 拍马屁。」霞仙沉下脸道：「耐个人啥粳得来，耐该搭勿高兴做，去末哉？，姚奶奶喜 欢耐拍马屁。」 阿巧撅起嘴踅下楼来，草草收拾完毕，吃过中饭，挨至日色平西，捉个空复往东合 兴里吴雪香家。寻见小妹姐，诉说适间情事，哭道：「生活勿做，生来要说；做仔生活 ，再要说！随便啥事体，总是我勿好！无？说哝两日，哝勿落哉？。」小妹姐道：「哝 勿落末，出来到啥场花去？」阿巧道：「随便啥场花，就无拨工钱也无啥。」小妹姐沉 吟不语。吴雪香道：「价末到该搭来帮帮耐无？，再去寻人家，阿好？」阿巧说：「蛮 好。」小妹姐也就依了。当晚，小妹姐便向卫霞仙家算清工钱，取出铺盖。

阿巧在吴雪香家仅宿一宵，次日饭后，吴雪香取出一对翡翠双莲蓬，令阿巧赍至对 门大脚姚家交还张蕙贞，并说：「绿头蛮好，比我一对倒差仿勿多，十六块洋钱，一点 勿贵。」阿巧见张蕙贞传说明白，张蕙贞因问阿巧：「阿是新来个？」阿巧据实说了。

蕙贞道：「倪故歇再要添个大姐，先生勿用末，该搭来罢。」阿巧不胜之喜，道：「故 是再好也勿有。」连忙归来说与小妹姐，即日小妹姐亲自送去。阿巧因住在张蕙贞家。

适遇王莲生偕洪善卿两个在张蕙贞家便夜饭，蕙贞将翡翠双莲蓬与王莲生看，问： 「十六块洋钱阿贵？」洪善卿祇估十块。莲生道：「还俚十块，多到十二块覅添哉。」 蕙贞又诉说添用大姐一节。莲生见阿巧好生面善，问起来，方知在卫霞仙家见过数次。

迨夜饭吃毕，张蕙贞已烧成七八枚烟炮放在烟盘里。王莲生揩把手巾，向榻床躺下 。蕙贞授过烟枪，「飕飕」的直吸到底。蕙贞接枪，通过斗门，再取烟泡来装。

莲生向蕙贞道：「耐要买翡翠物事，教洪老爷到城隍庙茶会浪去买，便宜点。」蕙 贞因要买一副翡翠头面，拜托洪善卿。善卿应诺，辞别先行，自回南市永昌参店去了。