第十八回 添夹袄厚谊即深情 补双台阜财能解愠

按：陶玉甫听得李漱芳咳嗽，慌忙至大床前揭起帐子，要看漱芳面色。漱芳回过头来 眱了玉甫半日，叹一口气。玉甫连问：「阿有啥勿适意？」漱芳也不答，却说道：「耐个 人也好个哉！我说仔几转，教耐昨日转来仔末就来，耐定归勿依我。随便啥闲话，搭耐说 仔，耐祇当耳边风。」玉甫急分辨道：「勿是呀，昨日转来末晚哉，屋里有亲眷来浪，难 末阿哥说：『阿有啥要紧事体，要连夜赶出城去？』我阿好说啥？？」 漱芳鼻子里「哼」的一声，说道：「耐覅来搭我瞎说！我也晓得点耐脾气。要说耐外 头再有啥人来浪，故也冤枉仔耐哉。耐总不过一去仔末就想勿着，等耐去死也罢、活也罢 ，总勿关耐事，阿对？」玉甫陪笑道：「就算我想勿着，不过昨日一夜天，今朝阿是想着 仔来哉？」漱芳道：「耐是勿差，一？困下去，困到仔天亮末，一夜天就过哉。耐阿晓得 困勿着了，坐来浪，一夜天比仔一年还要长点？！」玉甫道：「总是我勿好，害仔耐。耐 覅动气。」 漱芳又嗽了几声，慢慢的说道：「昨日夜头，天末也讨气得来，落勿停个雨。浣芳？ ，出局去哉。阿招末，搭无装烟。单剩仔大阿金，坐来浪打磕铳。我教俚收擡好仔去困罢 。大阿金去仔，我一干仔就榻床浪坐歇，落得个雨来加二大哉！一阵一阵风吹来？玻璃窗 浪，乒乒乓乓，像有人来？，连窗帘才卷起来，直卷到面孔浪。故一吓末，吓得我来要死 ，难末祇好去因。到仔床浪？，陆里困得着嗄？间壁人家刚刚来？摆酒、豁拳、唱曲子， 闹得来头脑子也痛哉。等俚？散仔台面末，台子浪一祇自鸣钟，跌笃跌笃。我覅去听俚， 俚定归钻来里耳朵管里。再起来听听雨末，落得价高兴。望望天末，永远勿肯亮个哉。一 径到两点半钟，眼睛算闭一闭。坎坎闭仔眼睛，倒说道耐来哉呀，一肩轿子擡到仔客堂里 。看见耐轿子里出来，倒理也勿理我，一径望外头跑，我连忙喊末，自家倒喊醒哉。醒转 来听听，客堂里真个有轿子钉鞋脚地板浪声音，有好几个人来浪。我连忙爬起来，衣裳也 勿着，开出门去，问俚？：『二少爷啥？』相帮？说：『陆里有啥二少爷嗄』我说：『价 末轿子陆里来个嗄？』俚哄说：『是浣芳出局转来个轿子。』倒拨俚？好笑，说我困昏哉 。我再要困歇，也无拨我困哉，一径到天亮，咳嗽勿曾停歇。」 玉甫攒眉道：「耐啥实概嗄。耐自家也保重点个？。昨日夜头风末来得价大。半夜三 更勿着衣裳起来，再要开出门去，阿冷嗄？耐自家勿晓得保重，我就日日来里看牢仔耐， 也无么用？。」 漱芳笑道：「耐肯日日来里看牢仔我，耐也祇好说说罢哉。我自家晓得命里无福气。

我也勿想啥别样，再要耐陪我三年。耐依仔我，到仔三年我就死末，我也蛮快活哉。倘忙 我勿死，耐就再去讨别人，我也勿来管耐哉。就不过三年，耐也勿肯依我，倒说道，『日 日来里看牢仔我』！」玉甫道：「耐说说末就说出勿好来哉。耐单有一个无？离勿开。再 三四年，等耐兄弟做仔亲，让俚？去当家，耐搭无？到我屋里向去，故末真个日日看牢仔 耐，耐末也称心哉。」 漱芳又笑道：「耐是生来一径蛮称心，我陆里有故号福气？我不过来里想：耐今年廿 四岁，再欧三年，也不过廿七岁。耐廿七岁讨一个转去，成双到老，要几十年？。该个三 年里向，就算我冤屈仔耐也该应？。」玉甫也笑道：「耐瞎说个多花啥，讨转去成双到老 末就是耐？。」 漱芳乃不言语了。祇见李浣芳蓬着头，从后门进房，一面将手揉眼睛，一面见玉甫， 说道：「姐夫，耐昨日啥勿来嗄？」玉甫笑嘻嘻拉了浣芳的手过来，斜靠着梳妆台而立。

漱芳见浣芳祇穿一件银红湖绉捆身子，遂说道：「耐啥衣裳也勿着嗄？」浣芳道：「今朝 \天热呀。」漱芳道：「陆里热嗄，快点去着仔？！」浣芳道：「我覅着，热煞来里。」 正说着，阿招已提了一件玫瑰紫夹袄来，向浣芳道：「无？也来供说哉，快点着罢。 」浣芳还不肯穿。玉甫一手接那夹袄替浣芳披在身上，道：「耐故歇就着仔，晚歇热末再 脱末哉，阿好？」浣芳不得已依了。阿招又去舀进脸水请浣芳捕面、梳头，漱芳也要起身 。玉甫忙道：「耐再困歇？，天早来里。」漱芳说：「我覅困哉。」玉甫祇得去扶起来， 坐在床上，复劝道：「耐就床浪坐歇，倪说说闲话倒无啥。」漱芳仍说：「覅。」 及至漱芳下床，终觉得鼻塞声重，头眩脚软，惟咳嗽倒好些。漱芳一路扶着桌椅，步 至榻床坐下，玉甫跟过来放下一面窗帘。大阿金送上燕窝汤，漱芳祇呷两口，即叫浣芳吃 了。浣芳新妆既罢，漱芳方去捕起面来。阿招道：「头还蛮好来里，覅梳哉。」漱芳也觉 坐不住，就点点头。大阿金用棍子蘸刨花水略刷几刷，漱芳又自去刷出两边鬓脚，已是吃 力极了，遂去歪在榻床上喘气。

玉甫见漱芳如此，心中虽甚焦急，却故作笑嘻嘻面孔。单有浣芳立在玉甫膝前，呆呆 的祇向漱芳呆看。漱芳问他：「看啥？」浣芳说不出，也自笑了。大阿金正在收拾镜台， 笑道：「俚末看见阿姐勿适意仔，也勿起劲哉，阿晓得？」浣芳接说道：「昨日蛮好来里 ，才是姐夫勿好？，倪勿来个。」说着便一头撞在玉甫怀里不依。玉甫忙笑道：「俚哄骗 耐呀。无啥勿适意，晚歇就好哉。」浣芳道：「晚歇再勿好末，要耐赔还个好阿姐拨倪。 」玉甫道：「晓得哉，晚歇我定归拨耐个好阿姐末哉。」浣芳听说方罢。

漱芳歪在榻床上，渐渐沉下眼睛，像要睡去。玉甫道：「原到床浪去困罢？」漱芳摇 摇手。玉甫向藤椅子上揭条绒毯，替漱芳盖在身上，漱芳憎道：「重。」仍即揭去。玉甫 没法，祇去放下那一面窗帘。还恐漱芳睡熟着寒，要想些闲话来说，于是将乡下上坟许多 景致，略加装点，演说起来。浣芳听得津津有味，漱芳却憎道：「拨耐说得烦煞哉，我覅 听。」玉甫道：「价末耐覅困？。」漱芳道：「我勿困着末哉，耐放心。」玉甫乃在榻床 一边盘膝危坐，静静的留心看守。但害得个浣芳坐不定、立不定，没处着落。漱芳叫他外 头去自相歇，浣芳又不肯去。

一会儿，大阿金搬中饭进房。玉甫问漱芳：「阿吃得落？吃得落末吃仔口罢。」漱芳 说：「覅吃。」浣芳见漱芳饭都不吃，祇道有甚大病，登时发极，涨得满面绯红，几乎吊 下眼泪。倒引得漱芳一笑，说浣芳道：「耐啥实概嗄，我还勿曾死？。故歇吃勿落末，晚 歇吃。」浣芳自知性急了些，连忙极力忍住。

玉甫因浣芳着急，也苦苦的劝漱芳多少吃点。漱芳祇得令大阿金买些稀饭，吃了半碗 。浣芳也吃不下，祇吃一碗。玉甫本自有限。大家吃毕中饭，收擡洗脸。玉甫思将浣芳支 使开去，恰好阿招来报说：「无？起来哉。」浣芳犹自俄延。玉甫催道：「快点去罢，无 ？要说哉。」浣芳始讪讪的趔趄而去。

浣芳去后，祇有玉甫、漱芳两人在房里，并无一点声息。不料至四点多钟，玉甫的亲 兄陶云甫乘轿来寻。玉甫请进房里，相见就坐。云甫问漱芳：「阿是勿适意？」漱芳说： 「是呀。」大阿金忙着预备茶碗，云甫阻止道：「我说句闲话就去，覅泡茶哉。」乃向玉 甫道：「三月初三是黎篆鸿生日，朱蔼人分个传单，包仔大观园一日戏酒。篆鸿末常恐惊 动官场，勿肯来，难末蔼人另合一个公局，来？屠明珠搭。勿多几个人，倪两家头也来海 。我为此先搭耐说一声，到仔初三日脚浪，大观园里也勿必去哉，屠明珠搭定归要到个。 」 玉甫虽诺诺连声，却偷眼去看漱芳。偏被云甫觉得，笑问漱芳道：「耐阿肯放俚去应 酬歇？」漱芳不好意思，笑答道：「大少爷倒说得诧异。故是正经事体，总要去个，倪阿 有啥勿放俚去嗄？」云甫点头道：「故末勿差。我说漱芳也是懂道理个人，要是正经事体 也拉牢仔勿许去，阿算得啥要好嗄？」漱芳不好接说，含笑而已。云甫随说：「我去哉。 」玉甫慌忙直站起来，漱芳送至帘下。

云甫踅出门外上轿，吩咐轿班：「朱公馆去。」轿班俱系稔熟，擡出东兴里，往东进 中和里。相近朱公馆，朱蔼人管家张寿早已望见，忙跑至轿前禀说：「倪老爷来？尚仁里 林家。」 云甫便令转轿，仍由四马路径至尚仁里林素芬家。认得朱蔼人的轿子还停在门首，陶 云甫遂下轿进门。到了楼上房里，朱蔼人迎着，即道：「正要来请耐。我一干仔来勿及哉 ，屠明珠搭耐去办仔罢。」陶云甫问如何办法。朱蔼人向身边取出一篇草帐，道：「倪末 两家弟兄搭李实夫叔侄，六个人作东，请于老德来陪客。中饭吃大菜，夜饭满汉全席。三 班毛儿戏末，日里十一点钟一班，夜头两班，五点钟做起。耐说阿好？」陶云甫道：「蛮 好。」 林素芬等计议已定，方上前敬瓜子。陶云甫收了草帐，也就起身，说：「我还有点事 体，再见罢。」朱蔼人并不挽留，与林素芬送至楼梯边而别。

素芬回房，问蔼人：「啥事体？」蔼人细细说明缘故。素芬遂说道：「耐请客末勿到 该搭来，也去拍屠明珠个马尼，阿要讨气？」葛人道：「勿是我请客，倪六个人公局。」 素芬道：「前日仔倒勿是耐请客？」 蔼人没得说，笑了。素芬复道：「倪该搭是小场花，请大人到该搭来，生来勿配。耐 也一径冤屈煞哉。难末拣着个大场花，要适意点？。」蔼人笑道：「难末真真倒诧异哉。

我阿曾去做屠明珠，耐啥就吃醋嗄？」素芬道：「耐要做屠明珠去做末哉？，我也勿曾拉 牢仔耐。」蔼人笑道：「我就勿说哉，随便耐去说啥罢。」 素芬鼻子里哼了一声，咕噜 道：「耐末去拍屠明珠个马屁，屠明珠阿来搭耐要好嗄？」蔼人笑道：「啥人要俚来要好 ？」素芬仍咕噜道：「耐就摆仔十个双台，屠明珠也无啥希奇。搭耐要好末倒勿见好，情 愿去做铲头客人。上海滩浪也单有耐一个。」蔼人笑道：「耐覅动气，明朝夜头我也来摆 个双台末哉。」 素芬呆着脸，也不答言。蔼人过去搀了素芬的手，至榻床前，央及道：「搭我装筒烟 ？。」素芬道：「倪是毛手毛脚，勿比得屠明珠会装？。」口中虽如此说，却已横躺着拿 签子烧起烟来。

蔼人挨在膝前坐了，又伏下身子向素芬耳朵边低声说道：「耐一径搭我蛮要好，故歇 为仔个屠明珠，啥气得来？耐看我阿要去做屠明珠？」素芬道：「耐是倒也说勿定。」蔼 人道：「我再去做别人，故末说勿定。要说是屠明珠，就算俚搭我要好末，我也勿高兴去 做俚。」素芬道：「耐去做勿做关倪啥事体，耐也覅来搭我说。」蔼人乃一笑而罢。

素芬装好一口烟，放下烟枪，起身走开。蔼人自去吸了，知道素芬还有些芥蒂，遂又 自去开了抽屉，寻着笔砚票头随意点几色菜水。素芬看见，装做不理。等蔼人写毕，方道 ：「耐点菜末，阿要先点两样来吃夜饭？」蔼人忙应说：「好。」另开两个小碗，素芬叫 娘姨拿下楼去令外场叫菜。

正是上灯时候，菜已送来，自己又添上四祇荤碟，于是蔼人与素芬对酌闲谈。一时复 说起屠明珠来，素芬道：「做倌人也祇做得个时髦。来？时髦个辰光，自有多花客人去烘 起来。客人末真真叫讨气，一样一千洋钱，用拨来生意清点个倌人，阿要好？用拨仔时髦 倌人，俚？觉也勿觉着。价末客人？定归要去做时髦倌人，情愿豁脱仔洋钱去拍俚马屁。 」蔼人道：「耐覅说客人讨气，倌人也讨气。生意清仔末，随便啥客人巴结得非凡？。稍 微生意好仔点，难末姘戏子、做恩客才上个哉，到后来弄得一场无结果。」 素芬道：「姘戏子多花到底少个，故也覅去说俚哉。我看几个时髦倌人，也无啥好结 果。耐来里时髦辰光，拣个靠得住点客人，嫁仔末好哉？，俚？才勿想嫁人。等到年纪大 仔点，生意一清仔末，也好哉。」蔼人道：「倌人嫁人也难。要嫁人，陆里一个勿想嫁个 好客人？碰着仔好客人，俚屋里大小老婆倒有好几个来浪，就嫁得去，总也勿称心个哉。

要是无拨啥大小老婆末，客人靠勿住，拿耐衣裳、头面才当光仔，再出来做倌人。夷场浪 常有该号事体。」 素芬道：「我说要搭客人脾气对末好。脾气对仔，就穷点，祇要有口饭吃吃好哉。要 是差仿勿多客人，故末宁可拣个有铜钱点总好点。」蔼人笑道：「耐要拣个有铜钱点，像 倪是挨勿着个哉。」素芬也笑道：「噢唷，客气得来！耐算无铜钱，耐来里骗啥人嗄？」 蔼人笑道：「我就有仔铜钱，脾气勿对，耐也看勿中？。」素芬道：「耐说说末就说勿连 牵哉。」随取酒壶给蔼人筛酒。蔼人道：「酒有哉，倪吃饭罢。」 素芬遂喊娘姨拿饭来，并令叫妹子翠芬来同吃。娘姨回说：「翠芬吃过哉。」 蔼人、素芬两人刚吃毕饭，即有一帮打茶会客人上楼，坐在对过空房间里，随后复有 叫素芬的局票。蔼人趁势要走。素芬知留不住，送至房门。蔼人下楼登轿，径回公馆。

次日晚间，免不得请一班好友在林素芬家摆个双台，不必细说。

至三月初三，十点钟时，朱蔼人起来，即乘轿往大观园。祇见门前挂灯结彩，张寿 带着纬帽迎见，禀说：「陈老爷、洪老爷、汤老爷才来里哉。」蔼人进去厮见，动问诸 事，皆已齐备。蔼人大喜，乃说道：「价末我到该首去哉，此地奉托三位。」陈小云、 洪善卿、汤啸庵都说：「应得效劳。」当时蔼人复乘轿往鼎车里屠明珠家。