第十四回 单拆单单嫖明受侮 合上合合赌暗通谋
按：张小村、赵朴斋同行，至宝善街悦来客栈门首。朴斋道：「我去一埭就来，耐等 一歇。」小村笑而诺之，独自回栈。栈使开房点灯冲茶，小村自去铺设烟盘过瘾，吸不到 两口烟，赵朴斋竟回来了。小村诧异得很，问其如何。朴斋叹口气道：「覅说起！」便将 陆秀宝要打戒指一切情节仔细告诉小村，并说：「我故歇去，就来里棋盘街浪望仔一望， 望到俚房间里来？摆酒、豁拳、唱曲子，闹热得势。想来就是姓施个客人。」小村笑道： 「我看起来还有道理。耐想，今朝一日天就有客人，阿是客人等好来？？无拨实概凑巧？ ！耐去上仔俚？当水哉！姓施个客人末总也是上当水。耐想阿对？」 朴斋恍然大悟，从头想起，越想越像，悔恨不迭。小村道：「难也覅去说俚哉。以后 耐覅去仔末才是哉。我也正要搭耐说：我有一头生意来？，就是十六铺朝南大生米行里， 我明朝就要搬得去。我去仔，耐一干子住来里栈房里，终究勿是道理。最好末耐原转去， 托朋友寻起生意来再说。勿然就搬到耐？娘舅店里去，倒也省仔点房饭钱。耐说阿是？」 朴斋寻思半晌，复叹口气道：「耐生意倒有哉，我用脱仔多花洋钱，一点点勿曾做啥。」 小村道：「耐要来里上海寻生意，倒是难？。就等到一年半载，也说勿定寻得着寻勿着。
耐先要自家有主意，覅隔两日用完仔洋钱，勿过去，拨来耐？娘舅说，阿是无啥意思？」 朴斋寻思这话却也不差，乃问道：「耐？碰和，一场输赢要几花嗄？」小村道：「要 是牌勿好，输起来，就二三百洋钱也无啥希奇？。」朴斋道：「耐输仔阿拨俚？？」小村 道：「输仔阿好勿拨嗄。」朴斋道：「陆里来几花洋钱去拨俚？」小村道：「耐勿晓得。
来里上海场花，祇要名气做得响末就好。耐看仔场面浪几个人，好像阔天阔地，其实搭倪 也差勿多，不过名气响仔点。要是无拨仔名气，阿好做啥生意？？就算耐屋里向该好几花 家当来里，也无用？！耐看吴松桥，阿是个光身体？俚稍微有点名气末，二三千洋钱手里 豁出豁进，无啥要紧。我是比勿得俚，价末要有啥用场，汇划庄浪去，四五百洋钱也拿仔 就是。耐陆里晓得嗄！」朴斋道：「庄浪会拿仔末，原要还个？。」小村道：「故末也要 自家算计哉？。生意里借转点，碰着法有啥进益，补凑补凑末还脱哉。」朴斋听他说来有 理，仍是寻思不语。须臾各睡。
次早十九日，朴斋醒来，见小村打叠起行李，叫栈使喊小车。朴斋忙起身相送，送至 大门外，再三嘱托：「有啥生意，搭我吹嘘吹嘘。」小村满口应承。
朴斋看小村押着小车去远，方回栈内。吃过中饭，正要去闲游散问，祇见聚秀堂的外 场手持陆秀宝名片来请。朴斋赌气，把昨夜头一个局钱给他带回，外场那里敢接。朴斋随 手撩下，望外便走。外场祇得收起，赶上朴斋，说些好话。朴斋祇做不听见，自去四马路 花雨楼顶上泡一碗茶，吃过四五开，也觉没甚意思，心想陆秀宝如此无情，倒不如原和王 阿二混混，未始不妙。当下出花雨楼，朝南过打狗桥，径往法界新街尽头，从明王阿二门 口，直上楼去，房间里不见一人。
正在踌躇想要退下，不料一回身，王阿二捏手捏脚跟在后面，已到楼门口了。喜的朴 斋故意弯腰一瞧，道：「咦！耐阿是要来吓我？」王阿二站定，拍掌大笑道：「我来？间 壁郭孝婆搭，看见耐低倒仔头祇管走，我就晓得耐到倪搭来，跟来耐背后。看耐到仔房间 里，东张张，西张张，我末来里好笑，要突出来哉呀！」朴斋也笑道：「我想勿到耐就来 里我背后，倒一吓。」王阿二道：「阿是耐勿看见？眼睛大得来！」 说话时，那老娘姨送上烟茶二事，见了朴斋笑道：「赵先生，恭喜耐哉？！」朴斋愕 然道：「我有啥喜嗄？」王阿二接嘴道：「耐算瞒倪阿是？勿可帐倪倒才晓得个哉。」朴 斋道：「耐晓得啥？？」王阿二不答，却转脸向老娘姨道：「耐听俚，阿要惹人气！倒好 像是倪要吃醋，瞒仔倪。」老娘姨呵呵笑道：「赵先生，耐说末哉。倪搭勿比得堂子里， 耐就去开仔十个宝也勿关倪啥事，阿怕倪二小姐搭俚？去吃醋？倪倒有几几花花醋？，也 吃勿得陆里搭好？！」 朴斋听说，方解其意，笑道：「耐？说陆秀宝，我祇道仔耐？说我有仔啥生意了恭喜 我。」王阿二道：「耐有生意无生意，倪陆里晓得嗄。」朴斋道：「价末陆秀宝搭开宝， 耐倒晓得哉。故是张先生来搭耐？说个？。」老娘姨道：「张先生就搭耐来仔一埭，以后 勿曾来歇。」王阿二道：「张先生是勿来哉。我搭耐说仔罢，倪搭用好包打听来里，阿有 啥勿晓得？」朴斋道：「价末昨日夜头是啥人住来？陆秀宝搭，耐阿晓得？」王阿二努起 嘴来道：「哪，是祇狗哉？。」被朴斋一口啐道：「我要是住来？末，也勿来问耐哉？！ 」王阿二冷笑道：「覅塔我瞎说哉！开宝客人住仔一夜天，就勿去哉，耐骗啥人嗄！」朴 斋叹口气，也冷笑道：「耐？包打听阿是个聋甏？教俚去喊个剃头司务拿耳朵来作作清爽 ，再去做包打听末哉。」王阿二听说，知道是真情了，忙即问道：「阿是耐昨日夜头勿来 ？陆秀宝搭？」朴斋遂将陆秀宝如何倡议，如何受欺，如何变卦，如何绝交，前后大概略 述一遍。
那老娘姨插口说道：「赵先生，也要算耐有主意？，倒拨来耐看穿哉。耐阿晓得，倌 人开宝是俚？堂子里口谈？，陆里有真个嗄，差勿多要三四转五六转？。耐末豁脱仔洋钱 ，再去上俚？当水，啥犯着嗄？」王阿二道：「早晓得耐要去上俚？当水末，倪倒勿如也 说是清倌人，祇怕比仔陆秀宝要像点？。」朴斋嘻嘻的笑道：「耐前门是勿像哉，我来搭 耐开扇后门走走，便当点阿好？」王阿二也不禁笑道：「耐个人啊，拨两记耳光耐吃吃末 好！」老娘姨随后说道：「赵先生，耐也自家勿好。耐要听仔张先生闲话，就来里倪搭走 走，勿到别场花去末，倒也勿去上俚？当水哉。像倪搭阿有啥当水来拨耐上嗄？」朴斋道 ：「别场花是我也无拨，陆秀宝搭勿去仔，就不过该搭来走走。前几日我心里要想来，为 仔张先生，倘忙碰着仔，好像有点难为情。难是张先生搬得去哉，也覅紧哉。」 王阿二忙即问道：「阿是张先生寻着仔生意哉？」朴斋遂又将张小村现住十六铺朝南 大生米行里的话，备述一遍。那老娘姨又插口说道：「赵先生，耐忒啥胆小哉。覅说啥张 先生倪搭勿来，就算俚来仔碰着耐来里，也无啥要紧？。有辰光倪搭客人合好仔三四个朋 友一淘来，才是朋友，才是客人，俚？也算闹热点好白相；耐看见仔要难为情杀哉！」王 阿二道：「耐末真真是个铲头！张先生 就是要打耐末，耐也打得过俚？，怕俚啥嗄？要说是难为情，倪生意祇好覅做哉。」 朴斋自觉惭愧，向榻床躺下，把王阿二装好的一口烟，拿过枪来，凑上灯去要吸，吸 的不得法，焰腾腾烧起来了。王阿二在傍看着好笑。忽听得间壁郭孝婆高声叫：「二小姐 。」王阿二慌的令老娘姨去看：「阿有啥人来？？」老娘姨赶紧下楼。朴斋倒不在意，王 阿二却擡头侧耳细细的去听。祇听得老娘姨即在自己门前和人说话，说了半晌，不中用， 复叫道：「二小姐，耐下来？。」恨得王阿二咬咬牙，悄地咒骂两句，祇得丢了朴斋，往 下飞奔。
朴斋那口烟原没有吸到底，也就坐起来听是甚么事。祇听得王阿二走至半楼梯，先笑 叫道：「长大爷，我道是啥人！」接着咕咕唧唧更不知说些甚话，听不清楚。祇听得老娘 姨随后发急叫道：「徐大爷，我搭耐说唱」这一句还没有说完，不料楼梯上一阵脚声。早 闯进两个长大汉子。一个尚是冷笑面孔，一个竟揎拳攘臂，雄纠纠的据坐榻床，搭起烟枪 ，把烟盘乱搠，祇嚷道：「拿烟来！」王阿二忙上前陪笑道：「娘姨来？拿来哉。徐大爷 覅动气。」 朴斋见来意不善，虽是气不伏，却是惹不得，便打闹里一溜烟走了，王阿二连送也不 敢送。可巧老娘姨拿烟回来，在街相遇，一把拉住嘱咐道：「日里向人多，耐夜头一点钟 再来，倪等来里。」朴斋点头会意。
那时太阳渐渐下山。朴斋并不到栈，胡乱在饭馆里吃了一顿饭，又去书场里听了一回 书，挨过十二点钟，仍往王阿二家，果然畅情快意，一度春宵。
明日午前回归栈房，栈使迎诉道：「昨夜有个娘姨来寻仔耐好几埭？。」朴斋知道是 聚秀堂的杨家？，立意不睬。惟恐今日再来纠缠，索性躲避为妙。一至饭后，连忙出门， 惘惘然不知所往。初从石路向北出大马路，既而进抛球场，兜了一个圈子，心下打算：毕 竟到那里去消遣消遣？忽想起吴松桥等碰和一局，且去孙素兰家问问何妨。因转弯过四马 路，径往兆贵里孙素兰家，祇向客堂里问：「吴大少爷阿来里？」外场回说：「勿曾来。 」朴斋转身要走，适为娘姨金姐所见。因是前日一淘碰和的，乃明白告道：「阿是问吴大 少爷？俚？来里尚仁里杨媛媛搭碰和，耐去寻末哉。」 朴斋听了出来，遂由兆贵里对过同庆里进去，便自直通尚仁里。当并寻着了杨媛媛的 条子，欣然抠衣踵门，望见左边厢房里一桌碰和，迎面坐的正是张小村。朴斋隔窗招呼， 踅进房里。张小村及吴松桥免不得寒暄两句，李鹤汀祇说声「请坐」，周少和竟不理。赵 朴斋站在吴松桥背后，静看一回，自觉没趣，讪讪告辞而去。
李鹤汀乃问吴松桥道：「俚阿做啥生意？」松桥道：「俚也出来白相相，无啥生意。 」张小村道：「俚要寻点生意，耐阿有啥路道？」吴松桥嗤的笑道：「俚要做生意！耐看 陆里一样生意末俚会做嗄？」大家一笑丢开。
比及碰完八圈，核算筹码，李鹤汀仍输百元之数。杨媛媛道：「耐倒会输？，我勿曾 听见耐赢歇？。」吴松桥道：「碰和就输煞也覅紧，祇要牌九庄浪四五条统吃下来末，好 哉？。」周少和道：「吃花酒无啥趣势，倒勿如尤如意搭去翻翻本看。」李鹤汀微笑道： 「尤如意搭，明朝去末哉。」张小村问道：「啥人请耐吃酒？」李鹤汀道：「就是黎篆鸿 ，勿然啥人高兴去吃花酒。俚也勿请哈人，单是我搭四家叔两家头。要拆仔俚冷台，故是 跳得来好白相煞哉。」吴松桥道：「老老头倒高兴？。」李鹤汀正色道：「我说倒也是俚 本事。耐想？，俚屋里末几花姨太太，外头末堂子里倌人，还有人家人，一榻括仔算起来 ，差勿多几百？！」周少和道：「到底阿有几花现银子？」李鹤汀道：「啥人去搭俚算嗄 ，连搭俚自家也有点模糊哉。要做起生意来，故末叫热昏搭仔邪，几千万做去看，阿有啥 陶成！」大家听了，摇头吐舌，赞叹一番，也就陆续散去。
李鹤汀随意躺在榻床上，伸了个懒腰，打了个呵欠。杨媛媛问：「阿要吃筒鸦片烟？ 」鹤汀说：「覅吃。昨日闹仔一夜天，今朝勿曾困醒，懒朴得势。」媛媛道：「昨日去输 仔几花嗄？」鹤汀道：「昨日还算好，连配仔两条就停哉，价末也输千把？。」媛媛道： 「我劝耐少赌赌末哉。难为仔洋钱，还要糟塌身体。耐要想翻本，我想俚？人赢末倒拿仔 进去哉，输仔勿见得再拿出来拨来耐哉？。」鹤汀笑道：「故是耐瞎说。先拿洋钱去买得 来筹码，有筹码末总有洋钱来？，阿有啥拿勿出？就怕翻本翻勿转，庄浪风头转仔点，俚 ？倒勿打哉，赢勿动俚，无法仔。」媛媛道：「原是？。我说耐明朝要到尤如意搭去，算 好仔几花输赢，索性再赌一场，翻得转末翻仔，翻勿转就气输仔罢哉。」鹤汀道：「故末 勿差。倘然翻勿转，我定规要戒赌哉。」媛媛道：「耐能够戒脱仔勿赌，故是再好也勿有 。就是要赌末，耐自家也留心点，像实概几万输下去，耐末倒也无啥要紧，别人听见仔阿 要发极嗄？耐？四老爷要问起倪来为啥勿劝劝？，倪倒吃仔俚闲话，也祇好勿响？。」鹤 汀道：「故是无价事个，四老爷勿说我倒来说勿？」媛媛道：「故歇说闲话个人多，例说 勿定？。其实倪搭是耐自家高兴赌仔两场，闲人说起来，倒好像倪挑仔几花头钱哉。倪堂 子里勿是开啥赌场，也覅挑啥头钱？。」鹤汀道：「啥人来说耐嗄，耐自家来？多心。」 媛媛道：「难耐到尤如意搭去赌末哉，故末有啥闲话，也勿关倪事。」 说话时，鹤汀已自目饧吻沥，微笑不言，媛媛也就剪住了。当下鹤汀朦胧上来，竟自 睡去。媛媛知他欠困，并不声唤，亲自取一条绒毯替他悄地盖上。鹤汀直睡至上灯以后， 娘姨盛姐搬夜饭进房，鹤汀听得碗响即又惊醒。杨媛媛问鹤汀道：「耐阿要先吃仔口，再 去吃酒？」鹤汀一想，说道：「吃是倒吃勿落，点点也无啥。」盛姐道：「无拨啥小菜？ ，我去教俚？添两样。」鹤汀摇手道：「覅去添，耐搭我盛一口口干饭好哉。」媛媛道： 「俚乃喜欢糟蛋，耐去开仔个糟蛋罢。」盛姐答应，立刻齐备。
鹤汀和媛媛同桌吃毕，恰值管家匡二从客栈里来，见鹤汀禀说：「四老爷吃酒去哉， 教大少爷也早点去。」媛媛道：「等俚？请客票头来仔了去，正好？。」鹤汀道：「早点 去吃仔，早点转去困觉哉。」媛媛道：「耐身向里有点勿舒齐末，原到倪搭来，比仔栈房 里也适意点？。」鹤汀道：「两日勿曾转去，四老爷好像有点勿放心，转去个好。」媛媛 也无别语。李鹤汀乃叫匡二跟着，从杨媛媛家出门赴席。