Species Plantarum, Sections I-III
Part 1
[Transcriber’s Note:
In the original text, species and subspecies names were printed as sidenotes next to the first line of body text. In this e-text they are shown in brackets on a separate line: [_Species._] (italicized) [Subspecies.] (usually not italicized) The body text begins with a numeral (for species) or Greek letter (for subspecies).
The most commonly used symbols are explained in the author’s introduction: ♄ Fruiting ♃ Perennial ♂ Biannual ☉ Annual † plants known only from imperfect specimens
All asterisks and question marks-- except triple rows of asterisks-- are in the original text.
A number of typographical errors were corrected. Details are listed at the end of the text.]
* * * * * * * * * * * * * *
CAROLI LINNÆI
S:æ R:giæ M:tis Sveciæ Archiatri; Medic. & Botan. Profess. Upsal; Equitis Aur. de Stella Polari; nec non Acad. Imper. Monspel. Berol. Tolos. Upsal. Stockh. Soc. & Paris. Coresp.
SPECIES PLANTARUM,
Exhibentes Plantas Rite Cognitas, ad _Genera Relatas_,
cum Differentiis Specificis, Nominibus Trivialibus, Synonymis Selectis, Locis Natalibus,
Secundum _SYSTEMA SEXUALE_ Digestas.
Tomus I.
_Cum Privilegio S. R. M:tis Sueciæ & S. R. M:tis Polonicæ ac Electoris Saxon._
_HOLMIÆ_, Impensis LAURENTII SALVII. 1753.
Ignoto Genere proprio nulla descriptio, _quis accurata tradita_, certam demonstrat, _sed plerumque fallit_. CÆSALP. _præfat_:
STORMÄGTIGSTE ALLERNÅDIGSTE KONUNG och DROTTNING
ADOLPH FRIDERIC, LOVISA ULRICA,
Sveriges Göthes och Vendes KONUNG och DROTTNING!
_EDRA MAJESTETER är jag allerunderdånigst skyldig detta verk, frukten af min mästa och bästa lefnad, det jag nu under EDRA MAJESTETERS milda regering fått med nögdt och roligt sinne fullborda._
_EDRE MAJESTETER hafva, ifrån första lyckeliga ankomsten til riket, städse ansett mig med blida strålar, kallat mig som oftast til Sit Hof, och betygat emot mig all Kongelig nåd.
EDRE MAJESTETER hafva ock gifvit den Vetenskapen, som jag idkat ljus och anseende i Sit Rike, då EDRE MAJESTETER ej allenast allernådigst låtit Skaparens underverk för sig beskrifvas, utan ock hopkallat allehanda jordenes inbyggare af alla tre Naturens riken, samt befalt dem inlogeras uti sina präktiga lust-slott Ulriksdahl och Drottningholm, der desse, liksom deputerade från hela vida verlden, få dageligt företräde för MAJESTETENS ögon.
Tror mig altså ej säga för mycket, då jag rent ut bekänner, at ifrån den visa Konung Salomons tid och Drotningens af rika Arabien, inga Potentater gjordt på den Alsmägtiga Skaparens underverk större aktning.
Ty bör och skal denna Vetenskapen täfla med alla andra minnesmärken, at göra EDRA MAJESTETERS namn odödeliga, då den inpræglar dem i Naturens egen bok, som årligen å nyo uplägges, at blifva med Jordklotet lika beständig.
Himmelen göre EDRA MAJESTETERS dagar och regering lång och lyckelig, så vist jag lefver och dör_
EDRA KONG. MAJESTETERS
allerunderdånigste och tropliktigste tjänare och undersåte
CARL LINNÆUS.
_LECTORI ÆQUO._
_Homo_ sui conscius observat MUNDUM esse omnipotentis theatrum, undique adornatum summis Omnisciæ sapientiæ miraculis, se vero in hunc, tamquam Hospitem introductum, ut hisce deliciis sese delectando magnificentiam Domini agnoscat. Indignus profecto is censendus hospes, qui, pecoris instar, tantum gulæ inservit, nec magnalia possessoris intueri atque æstimare novit.
HOSPITES ut digni evadamus orbis, opera hæc Creatoris scrutari nobis necesse est, quæ ita cum nostris commodis combinavit summum Ens, ut eis, unde omnia nostra bona desumimus, carere nulla ratione quæamus; & quo magis hæc intelligimus, eo etjam plura in usum generis humani cedunt.
COGNITIONEM horum ut rite acquiramus, singula distincta _Idea_ & distincto _Nomine_ complecti oportet, quibus sepositis copia rerum nos obruat necesse est, & commercium omne, deficiente communi lingua, cessabit.
SCIENTIA NATURÆ inde inter Homines nata est, quæ comprehendit sub _Physica_ & _Chemia_ Elementa, sub _Zoologia_, _Botanica_, _Lithologia_ tria Naturæ regna.
REM HERBARIAM heic libare lubet, quæ quondam paucarum plantarum erat Scientia; hodie vero copia delectorum evasit omnium amplissima.
INVENTORUM recentioris ævi indefessis laboribus notitiam debemus plurium Plantarum, quam omnibus priscorum temporum eruditis, inter quos imprimis nominandi _Clusius_, _Columna_, _Bauhini_, _Hermannus_, _Rheede_, _Sherardus_, _Rajus_,_ Plukenetius_, _Tournefortius_, _Plumierus_, _Vaillantius_, _Dillenius_, _Gmelinus_. _&c_.
NOTITIA plantarum constabat quondam Nominibus arbitrariis, _memoriæ_ tabulæ infixis, quam vacillantem _Icones_ sublevabant.
SYSTEMATICORUM sapientia indagavit ordinem qui memoriæ succurreret, & scientiam solidis fundamentis inædificaret, quem debemus Principibus Viris _Gesnero_, _Cæsalpino_, _Bauhino_, _Morisono_, _Hermanno_, _Tournefortio_, _Vaillantio_, _Dillenio_, aliisque.
ARIADNEUM hoc filum Systematicorum terminabatur _Generibus_, quod tentavi ad _Species_ usque extendere, confectis legitimis harum differentiis, ut etjam in hisce sua sibi constaret certitudo, quum _omnis vera cognitio cognitione specierum innitatur_; hac enim dificiente vacillat & historia, ut in plerisque _Peregrinatorum_ diariis.
SPECIES plantarum ut mihi familiares redderem, peragravi Alpes _Lapponicas_: totam _Sueciam_: partem _Norvegiæ_, _Daniæ_, _Germaniæ_, _Belgii_, _Angliæ_, _Galliæ_: perquisivi deinde HORTOS Botanicos: _Parisinum_, _Oxoniensem_, _Chelsejanum_, _Hartecampensem_, _Leidensem_, _Ultrajectinum_, _Amstelædamensem_, _Upsaliensem_ aliosque: evolvi etjam HERBARIA _Burseri_, _Hermanni_, _Cliffortii_, _Burmanni_, _Gronovii_, _Royeni_, _Sloanei_, _Sherardi_, _Bobarti_, _Milleri_, _Suriani_, _Tournefortii_, _Vaillantii_, _Jussiæi_, _Bæckii_ &c. Meo suasu DISCIPULI quondam dilectissimi: _P. Kalmius_ Canadam, _F. Hasselquist_ Ægyptum, _P. Osbeck_ Chinam, _P. Lœfling_ Hispaniam, _Montin_ Lapponiam adire, plantasque lectas mecum communicarunt. E variis terris demum misere Amici BOTANICI semina plantasque siccas non paucas, uti _B. Jussieu_, _Royenus_, _J. Gesnerus_, _Wachendorfius_, _Sibtorpius_, _Montius_, _Gleditschius_, _Krascheninnikoffius_, _Minuartius_, _Velezius_, nec non _O. Munchhausen_ L. B, _S. C. Bielke_ L. B, _J. Rathgeb_ Equ. _Demidoff_ Nob. _Collinson_, _Torèn_, Braad, aliisque. _Clifford_ omnes quas in duplo habuit: _Lagerström_ indiæ orientalis plurimas: _Gronovius_ plerasque Virginicas & _Gmelinus_ Sibericas facile omnes, at _Sauvagesius_ integrum suum thesaurum plantarum dedit, exemplo raro & inaudito, unde factum, ut copiam plantarum obtinuerim non mediocrem.
DIFFERENTIAS Specificas antehac Plantis non paucis imposui in Flora _Lapponica_, _Suecica_, _Zeylanica_, in Horto _Cliffortiano_, _Upsaliensi_. Iisdem principiis institere præstantissimi Botanici _Gronovius_, _Royenus_, _Wachendorff_, _Gorter_, _B. Jussiæus_, _Le Monier_, _Gvettard_, _Dalibard_, _Sauvages_, _Colden_, _Hill_, inque non paucis _Hallerus_, _Gmelinus_ aliique, quorum opera plurimæ Species evasere ratæ & evidentes.
NOMINA hæc passim dispersa in gratiam studiosorum consultum duxi colligere, acquisitas dein plantas addere, inque unum Systema reducere; at vero pluribus _Speciebus_ observatis, præstantioribus _notis_ detectis, aptioribus _Terminis_ cusis, debui interdum differentias emendare, antea quamvis optimas.
Characteres essentiales pro NOMINE SPECIFICO constituere non levidense opus est; requirit enim _Specierum_ plurium accuratam cognitionem, harum attentissimam _partium_ indagationem, _differentium_ selectionem, _Terminorum_ denique artis propriam applicationem, ut evadant compendiosissimi tutissimique.
NON VISAS plantas heic omisi, toties elusus ab auctoribus, ne dubia certissimis miscerem; si vero aliquando contigerit non sufficienter inspexisse plantam, vel specimen imperfectum obtinuisse, signo † hoc notavi, ut alii eandem accuratius examinent.
Non nominatas in hoc Libello plantas, si quis ad me mittere velit, eas in proxima editione V. D. recensebo cum honorifica recensione datoris.
NUMERUM plantarum totius orbis longe parciorem esse, quam vulgo creditur, satis certo calculo intellexi, utpote qui vix ac ne vix 10000 attingat.
TRIVIALIA nomina in margine apposui, ut missis ambagibus, uno quamlibet Herbam nomine complecti queamus; hæc vero absque selectu potui, quippe quem alius dies poscit. Caveant autem quam sanctissime omnes sani Botanici, umquam proponere nomen triviale sine sufficienti differentia specifica, ne ruat in pristinam barbariem scientia.
SYNONYNA paucissima in EUROPÆIS plantis adhibui, contentus C. _Bauhino_ & _Iconographo_ præstantiore; in EXOTICIS vero plura, quum difficiliora minusque trita sint.
DESCRIPTIONES tantum in obscuris adhibere necessum fuit, easque sine ambagibus, ut obtinerem compendium tironibus gratum.
LOCA natalia more meo adjeci, inque notissimis _Fruticantes_ ♄, _Perennes_ ♃, _Biennes_ ♂, _Annuas_ ☉ notavi.
GENERA nonnulla _nova_, nonnulla _immutata_ adhibui, quæ in nova editione Generum plantarum propediem sistere animus est.
ADVERSARIORUM tela nunquam retorsi: acerrima convitia, insimulationes, cavillationes, buccinationes, (præstantiorum longe Virorum, omni ævo, laboris præmia) tranquillo animo sustinui, nec suis auctoribus hæc invideo, si inde ipsis apud vulgus gloria major. Fero hæc, quæ in me ne capillum quidem mutant, & cur non ferrem iniquos, qui a veris Botanicis & quidem consummatissimis, quibus assurgere debent illi, summis cumulatus sum encomiis. Parem deinde adversariis referre gratiam, nec anni ingravescentes, nec munus, quo fungor, nec mei mores patiuntur. Quod mihi superest brevioris ævi, tranquillus utilioribus observationibus impendam. Res naturales enim proprio privilegio munitæ persistunt, ut quemadmodum errores in his commissi a nullo defendi, ita nec veritates observationibus innixæ a toto eruditorum orbe conculcari possint; judices itaque provoco seros Nepotes:
_Pascitur in vivis livor, post fata quiescit,_ _Tum suus ex merito quemque tuetur honos._
Dabam 1753 d. 2. Maji. Upsaliæ.
AUCTORES
REFORMATORES.
[Transcriber’s Note: Those sources that could be identified are listed at the end of the text, before the Addenda and Corrigenda.]
PROPRIA Genera plantarum. _Lugdb._ 1752. _oct._ Philosophia Botanica. _Holmiæ_ 1751. _oct._ Hortus Cliffortianus. _Amstel._ 1737. _fol._ Hortus Upsaliensis. _Holmiæ_ 1748. _oct._ Flora Suecica. _Holmiæ_ 1745. _oct._ Flora Lapponica. _Amstel._ 1737. _oct._ Flora Zeylanica. _Holmiæ_ 1747. _oct._ Viridarium Cliffortian. _Amstel._ 1737. _oct._ Materia Medica. _Holmiæ_ 1749. _oct._ Amœnitat. Academ. 1. _Lipsiæ._ 1749. _oct._ Amœnitat. Academ. 2. _Holmiæ_ 1751. _oct._ Iter Oelandicum. _Holmiæ_ 1745. _oct. suec._ Iter Gotlandicum. _Holmiæ_ 1745. _oct. suec._ Iter Westrogothicum. _Holmiæ_ 1747. _oct. suec._ Iter Scanicum. _Holmiæ_ 1751. _oct. suec._ Acta Upsaliens. R. soc. _Holmiæ_ 1740. &c. _quart._ Acta Stockh. R. soc. _Holmiæ_ 1739. &c. _oct. suec._
* *
KALM PETR. Plantæ canadenses _propediem edendæ._ HASSELQUIST FR. Pl. ægypti _in act. ups. & epistolis._ OSBECK PETR. Pl. chinenses _in literis, Msc._ LOEFLING PETR. Pl. hispanicæ _in epistolis, Msc._
* * *
GRONOVIUS J. F. Flora virginica 1. 2. _Leidæ_ 1739. _oct._ ROYEN ADR. Flora leidensis. _Leidæ_ 1740. _oct._ GORTER DAV. Floræ gelro-zulphan. _Harderv._ 1745. _oct._ JUSSIEU B. Pl. rariores variæ _in lit. & act. paris._ GUETTARD M. Observations sur les plantes. _Paris._ 1747. _oct._ DALIBARD M. Flora parisiensis. _Paris._ 1749. _duod._ SAUVAGES FR. Flora monspeliensis. _Hagæ_ 1751. _oct._ COLDEN CONR. Plantæ coldinghamiæ. _act. ups._ 1743. _quart._ WACHENDORFF E. J. Hortus Ultrajectinus. _Traject._ 1747. _oct._ HALLER ALB. Stirpes helveticæ. _Götting._ 1742. _fol._ LUDVIG C. G. Genera Aphorismi. _Lips._ 1738 _oct._ GMELIN J. G. Flora Sibirica 1. 2. _Petrop._ 1750. &c. _quart._ MONIER LUD. GUIL. cat. des pl. en Auvergne &c. _Par._ 1745. _q._ BÜTTNER D. G. Plantæ cunonis. _Amstel._ 1750. _oct._ HILL JOH. Historis of plants. _Lond._ 1751. _fol._ MITCHEL JOH. Genera pl. virginic. _E. N. C._ MONTI CAJET. Genus Aldrovandæ &c. _Inst. Bonon. Vol. 2._ SESLERUS LEONH. Epistola de vitaliana. _Venet._ 1750. _fol._
USITATIORES.
* Bauhini _pinax._ Bauhini _Historia pl._ Camerarii _epitome._ Columnæ _ecphrasis._ Clusii _historia._ Dodonæi _pemptades._ Fuchsii _historia._ Dalechampii _historia._ Marcgravii _brasilia._ Alpinus _exotica._ Lœselii _prussica. _ Lobelii _Icones._ Brunsfelsii _Historia._ Tabernæmontani _Historia._ Cornuti _Canadenses,_ Renealmi _Specimen._
* *
Morisoni _historia. 2. 3._ Raji _historia. 1. 2._ _Supplementum 3._ _Synopsis_ 3:tia Plukenetii _Almagestum_, _Phytographia._ Petiveri _gazaphylacium._ Sloani _Jamaica._ Hermanni _Hort. lugdbat._ _Paradisus._ Rheede _Hort. malab._ Commelini _Hort. amstel. 1. 2._ _Præludia._ Breynii _Centuria._ _Prodromus_ a filio. Dodarti _memoires._ Tournefortii _institutiones._ Plumierii. _Genera_, _Species_, _Americana_, _Filices._ Fewillæi _peruviana._ Isnard _acta parisina._ Bocconis _Museum_, _Siculæ plantæ._ Barrelieri _Icones._ Rivini _Ordines._
* * *
Boerhavii _Hortus lugd-batavus._ Kæmpferi _Amœnitates_ exoticæ. Scheuchzeri _Gramina_, _Itinera alpina._ Michelii _Genera_ nova. Vaillantii _Acta parisina._ _Flora parisina._ Monti _Gramina._ Buxbaum _Centuriæ._ Catesby _Carolina 1. 2. 3._ Burmanni _Zeylanica_, _africanarum decades._ Amanni _Ruthenica_, _Herbarium._ Dillenii _Elthamenses_, _Musci._ Seguieri _Verona._ Tilli _Hortus pisanus._ Martyni _Centuria._
* * * * * * * * *
_Classis I._
MONANDRIA
_MONOGYNIA._
CANNA.
[_Indica._]
1. Canna foliis ovatis utrinque acuminatis nervosis. _Roy. lugdb. 11._ _Fl. zeyl. 1._ _Hort. ups. 1._
Canna spatulis bifloris. _Hort. cliff. 1._
Arundo indica latifolia. _Bauh. pin. 19._
Habitat inter tropicos _Asiæ_, _Africæ_, _Americæ_. ♃
[_angustifol._]
2. Canna foliis lanceolatis petiolatis nervosis.
Canna foliis lanceolatis petiolatis. _Hort. cliff. 1._
Arundo indica florida angustifolia. _Moris. hist. 3. p. 250. s. 8. t. 14. f. 6._
Habitat inter tropicos _Americæ_: Umbrosis spongiosis. ♃
[_glauca._]
3. Canna foliis lanceolatis petiolatis enervibus. _Roy. lugdb. 11._
Canna foliis enervibus. _Virid. cliff. 104._
Cannoides. _Hort. cliff. 488._
Canna Acorus glaucophyllus, ampliore flore, iridis palustris facie. _Dill. elth. 69. t. 59. f. 69._
Habitat in _Carolina_ ? ♃
AMOMUM.
[_Zingiber._]
1. Amomum scapo nudo, spica ovata. _Hort. cliff. 3._ _Hort. ups. 1._ _Flor. zeyl. 3._ _Mat. med. 1._ _Roy. lugdb. 12._
Zingiber. _Bauh. pin. 35._
Habitat in _Indiis_ inter tropicos. ♃
[_Zerumbet._]
2. Amomum scapo nudo, spica oblonga obtusa. _Hort. cliff. 3._ _Hort. ups. 1._ _Fl. zeyl. 2._ _Roy. lugdb. 12._
Zingiber latifolium sylvestre. _Herm. lugdb. 636. t. 637._
Habitat in _India_. ♃
[_Cardamom._]
3. Amomum scapo bracteis alternis laxis caule breviore. _Fl. zey. 4._ _Mat. med. 2._
Elettari 2. _Rheed. mal. 11. p. 9. t. 6._
Habitat in _India_. ♃
[_Gran. parad._]
4. Amomum scapo vestito racemoso. ✠
Amomum caule racemoso. _Mat. med. 3._
Grana paradisi officinarum. _Bauh. pin. 413._
Habitat in _Madagascar_, _Guinea_.
COSTUS.
[_arabicus._]
1. Costus. _Hort. cliff. 2._ _Hort. ups. 2._ _Fl. zeyl. 5._ _Mat. med. 4._ _Roy. lugdb. 11._
Costus arabicus. _Bauh. pin. 36._ _Mer. surin. 36. t. 36._
Habitat in _India_ utraque. ♃
ALPINIA.
[_racemosa._]
1. Alpinia _Roy. lugdb. 12._
Alpina racemosa alba, cannacori foliis. _Plum. Gen. 26._
Paco seroca. _Marcgr. bras. 48._
Habitat in _America_ calidiore. ♃
MARANTA.
[_arundinacea._]
1. Maranta. _Hort. cliff. 2_ * _Roy. lugdb. 11._
Maranta arundinacea, cannacori folio. _Plum. gen. 16._ _Mart. cent. 39._ ☉
Habitat in _America_ calidiore. ♃
CURCUMA.
[_rotunda._]
1. Curcuma foliis lanceolato-ovatis; nervis lateralibus rarissimis.
Curcuma foliis ovatis utrinque acuminatis: nervis lateralibus paucissimis. _Roy. lugdb. 12._ _Fl. zeyl. 6._
Manja-kua. _Rheed. mal. 11. p. 19. t. 10._ *
Habitat in _India_. ♃
[_longa._]
2. Curcuma foliis lanceolatis: nervis lateralibus numerosissimis.
Curcuma foliis lanceolatis utrinque acuminatis: nervis lateralibus numerosissimis. _Roy. lugdb. 12._ _Fl. zeyl. 7._ _Mat. med. 5._
Curcuma radice longa. _Herm. lugdb. 208. t. 209._
Habitat in _India_. ♃
KAEMPFERIA.
[_Galanga._]
1. Kaempferia foliis ovatis sessilibus. _Fl. zeyl. 8._ _Mat. med. 3._
Kaempferia. _Hort. cliff. 2. t. 3._ _Roy. lugdb. 12._
Wanhom. _Kaempf. amœn. 901. t. 902._
Habitat in _India_. ♃
[_rotunda._]
2. Kaempferia foliis lanceolatis petiolatis. _Fl. zeyl. 9._ _Mat. med. 9_
Zedoaria rotunda. _Bauh. pin. 31_
Habitat in _India_. ♃
BOERHAVIA.
[_erecta._]
1. Boerhavia caule erecto.
Boerhavia, solani folio, erecta glabra. _Amm. herb. 241._
Habitat in _Vera Cruce_. ♃
[_diffusa._]
2. Boerhavia caule diffuso.
Boerhavia diffusa. _Fl. zeyl. 10._ _Hort. ups. 4._
Boerhavia foliis ovatis. _Hort. cliff. 17._ _Roy. lugdb. 234._
Talu-dama. _Rheed. mal. 7. p. 105. t. 56._
Habitat in _India_. ♃
[_scandens._]
3. Boerhavia caule scandente.
Solanum bacciferum americanum, fructu corymboso. _Pluk. alm. 349. t. 226. f. 7._
Valerianella, alsines folio, scandens. _Sloan. flor. 91. hist. 1. p. 210._ _Raj. suppl. 244._
Antanisophyllum scandens, alsines majoris folio. _Vaill. act. 1722. p. 258._
Habitat in _Jamaica_ ad urbem jago de la vega. ♃
[_repens._]
4. Boerhavia caule repente.
Boerhavia nubica minor. _Vaill. sex. 53._
β Boerhavia nubica minima. _Vaill. sex. 55._
Habitat in _Nubia_ inter Mocho & Tangos. ♃
SALICORNIA.
[_europæa._]
[herbacea.]
1. Salicornia articulis apice crassioribus obtusis. _Mat. med. 8._
Salicornia herbacea. _Fl. svec. 1._
Salicornia annua. _Sauv. monsp. 7._
Salicornia. _Hort. cliff. 490._ _Roy. lugdb. 205._
[fruticosa.]
β Salicornia sempervivens. _Sauv. monsp. 7._
Kali geniculatum majus. _Bauh. pin. 289._
Habitat in _Europæ_ litoribus maritimis. ♄ ☉
Conferantur _annua_ & _sempervirens_ utrum specie distinctæ ?
[_arabica._]
2. Salicornia articulis obtusis basi incrassatis, spicis ovatis.
Kali geniculatum majus. _Bauh. pin. 289._ _Moris. hist. 2. p. 610. s. 5. t. 33. f. 7._ _Raj. hist. 211._
Habitat in _Arabia_.
[_virginica._]
3. Salicornia articulis apice compressis emarginatis bifidis.
Salicornia caulium ramorumque articulis apice bicornibus. _Gron. virg. 129._
Habitat in _Virginia_; & ad _Salinas Saxoniæ_. ☉
[_caspica._]
4. Salicornia articulis cylindricis, spicis filiformibus.
Kali arborescens, tamarisci facie. _Buxb. cent. 1. t. 11. f. 1._
Habitat in squalidis maris _Caspii_ & _Mediæ_. ♄
HIPPURIS.
[_vulgaris._]
1. Hippuris. _Fl. lapp. 1._ _Fl. suec. 2._ _Hort. cliff. 3._ _Roy. lugdb. 205._ _Dalib. paris. 1._
Equisetum palustre, brevioribus foliis, polyspermum. _Bauh. pin. 35._
Habitat in _Europæ_ fontibus. ♃
_DIGYNIA._
CORISPERMUM.
[_hyssopifol._]
1. Corispermum floribus lateralibus. _Hort. ups. 2._
Corispermum floribus alternis. _Hort cliff. 3._ _Jt. gotl. 316._ _Roy. lugdb. 205._ _Sauv. monsp. 52._
Corispermum hyssopifolium. _Juss. act. 1712. p. 244._
Habitat ad Volgam _Tartariæ_, Gillau _Borussiæ_, _Monspelii_ arenosis. ☉
[_squarrosum._]
2. Corispermum spicis squarrosis. _Hort. ups. 3._ *
Rhagrostis foliis arundinaceis. _Buxb. cent. 3. p. 30. t. 55._
Habitat ad Wolgam _Tartariæ_, inque desertis _Cossacorum_. ☉.
BLITUM.
[_capitatum._]
1. Blitum capitellis spicatis terminalibus. _Hort. ups. 3._
Blitum foliis triangularibus dentatis, calycibus baccatis, capitulis summis nudis. _Virid. cliff. 1._ _Roy. lugdb. 206._
Blitum foliis triangularibus dentatis. _Hort. cliff. 28._
Atriplex baccifera. _Ray. hist. 197._
Habitat in _Europa_: præsertim in comit. _Tyrolensi_. ☉
[_virgatum._]
2. Blitum capitellis sparsis lateralibus. _Hort. ups. 3._
Blitum foliis triangularibus dentatis, calycibus baccatis, capsulis summis foliosis. _Hort. cliff. 495._ _Roy. lugdb. 206._
Atriplex sylvestris, mori fructu. _Bauh. pin. 119._
Habitat in _Tataria_, _Hispania_. ☉
CINNA.
[_arundinacea._]
1. Cinna.
Habitat in _Canada_, unde semina per D. Kalm. ♃
Gramen magnitudine Avenæ sativæ. _Folia_ fere arundinacea, læviuscula. _Panicula_ densa, flaccida. _Flores_ conferti, secundi, lateribus calycis & petalo majore scabri. _Arista_ infra apicem Glumæ majoris petali brevissima. _Gramen_ inamœnum stamine unico spectabile.
_Classis II._
DIANDRIA
_MONOGYNIA._
NYCTANTHES.
[_arbor tristis._]
1. Nyctanthes caule tetragono, foliis ovatis acuminatis, pericarpiis membranaceis compressis. _Fl. zeyl. 11._
Arbor tristis myrto similis. _Bauh. pin. 469._
Manja-pumeram. _Rheed mal. 1. p. 35. t. 21._
Habitat in _India_. ♄
[_Sambac._]
2. Nyctanthes foliis inferioribus cordatis obtusis, superioribus ovatis acutis. _Hort. ups. 4._
Nyctanthes caule volubili, foliis subovatis acutis. _Hort. cliff. 5._ _Hort. ups. 4._ * _Flor. zeyl. 12._ _Roy. lugdb. 398._
Jasminum arabicum. _Clus. cur. 3. t. 3._ _Angl. hort. t. 27._
Habitat in _India_. ♄
[_undulata._]
3. Nyctanthes foliis ovatis acuminatis undulatis, ramis teretibus.
Jasminum indicum, flore polypetalo exalbido, fructu minori. _Ray. hist. 1601._
Tsieregam-mulla. _Rheed. mal. 6. p. 97. t. 55._
Habitat in _Malabaria_. ♄
[_hirsuta._]
4. Nyctanthes petiolis pedunculisque villosis. ☉
Rava-pou. _Rheed. mal. 4. p. 99. t. 48._
Habitat in _India_. ♄.
[_angustifolia._]
5. Nyctanthes foliis obtusis lanceolatis ovatisque.
Jasminum indicum angustifolium, fructu gemino. _Tournef. inst. 598._
Katu-pitsiegam mulla. _Rheed. mal. 6. p. 93. t. 53._ _Raj. hist. 1602._
Habitat in _Malabariæ_ arenosis. ♄
JASMINUM.
[_officinale._]
1. Jasminum foliis oppositis pinnatis. _Hort. cliff. 5._ _Hort. ups. 5._ _Mat. med. 9._ _Roy. lugdb. 397._
Jasminum vulgatius, flore albo. _Bauh. pin. 397._ _Habitat in _India_._ ♄
[_azoricum._]
2. Jasminum foliis oppositis ternatis. _Hort. cliff. 5._ _Fl. zeyl. 13._ _Roy. lugdb. 397._
Jasminum azoricum trifoliatum. _Comm. hort. 1. p. 159. t. 82._
Habitat in _India_.
[_fruticans._]
3. Jasminum foliis alternis ternatis simplicibusque, ramis angulatis. _Hort. cliff. 5._ _Hort. ups. 5._ _Roy. lugdb. 397._ _Sauv. monsp. 174._
Jasminum luteum vulgo dictum bacciferum. _Bauh. pin. 398._
Habitat in _Europa_ australi. ♄
[_humile._]
4. Jasminum. foliis alternis ternatis pinnatisque, ramis angulatis. _Hort. ups. 5._
Jasminum foliis alternis ternatis acuminatis. _Hort. cliff. 6._ _Roy. lugdb. 398._
Jasminum humile luteum. _Bauh. pin. 397._
Habitat - - - - - ♄
[_odoratissim._]
5. Jasminum foliis alternis ternatis pinnatisque, ramis teretibus. _Hort. ups. 5._
Jasminum foliis alternis ternatis obtusis. _Hort. cliff. 5._ _Roy. lugdb. 397._
Jasminum indicum flavum odoratissimum. _Ferr. cult. 93._
Habitat in _India_ ? ♄