Part 3

1. CINERARIA _humifusa_. C. pedunculis unifloris, foliis reniformibus subangulatis, petiolis apice auriculatis nudisve. Aster flore luteo, foliis cymbalariae. _Rai. hist._ 3. 158. Aster africanus minimus monanthos luteus, foliolis angulosis minimis aceris formâ vel cymbalariae. _Rai. hist._ 3. 161. _HABITAT ad_ Promontorium bonae spei. _Masson._ ♄ _Affinis_ C. cymbalarifoliae, _sed flores lutei calycesque villoso-scabriusculi, dum flores purpurei calycesque glabri in_ C. cymbararifoliâ.

2. CINERARIA _viscosa_. C. pedunculis unifloris, foliis pinnatifido-lobatis acutis viscidis carnulosis. _HABITAT ad_ Promontorium bonae spei. _Forte varietas tantum_ C. humifusae.

3. CINERARIA _scapiflora_. C. pedunculis longissimis unifloris, foliis ovatis glabris duplicato-dentatis. _HABITAT ad_ Promontorium bonae spei. _Masson._ _Folia duplicato-dentata vel sublobata_.

4. CINERARIA _mitellaefolia_. C. pedunculis subbifloris, foliis cordatis glabris laxe dentatis, petiolis simplicibus. Senecio _cordifolius_ corollis radiantibus, foliis cordatis dentatis, calycibus simplicissimis. _Linn. suppl._ 372. _HABITAT ad_ Promontorium bonae spei.

5. CINERARIA _lanata_. Tab. 30. [vide Tab30.jpg] C. pedunculis unifloris, foliis cordato-subrotundis septangulis subtus lanuginosis. _HABITAT in_ Nivariâ. _Masson._ ♄ _Flores purpurei_.

6. CINERARIA _populifolia_. C. floribus corymbosis, foliis cordatis subangulatis subtus tomentosis, petiolis apice multijugo-appendiculatis. Cacalia _appendiculata_ fruticosa tomentosa, folis cordatis ovatis acutis angulatis subtus tomentosis, petiolis appendiculate foliosis. _Linn. suppl._ 352.

{26}

_HABITAT in insularum_ Canariensium _humidis_. _Masson._ ♄ _Flores lutei. Folia_ Populi albae.

7. CINERARIA _aurita_. Tab. 31. [vide Tab31.jpg] C. floribus corymbosis, foliis cordatis subangulatis subtus tomentosis, petiolis basi biauritis. _HABITAT in_ Maderâ. _Masson._ ♄ _Flores purpurei. Folia quoque populnea. Variat auriculis majoribus et minoribus_.

8. CINERARIA _ramentosa_. C. floribus corymbosis, foliis cordatis angulatis subtus tomentosis, petiolis superne appendiculatis, calycibus ramentosis. Cacalia _echinata_ herbacea, foliis reniformibus cordatis angulato-dentatis subtus tomentosis, foliolis calycinis tuberculatis. _Linn. suppl._ 353. _HABITAT in_ Canariis. _Masson._ ♄ _Calyces adspersi denticulis numerosis_.

9. CINERARIA _malvaefolia_. Tab. 32. [vide Tab32.jpg] C. floribus cymosis, foliis cordatis angulatis infra subtomentosis, petiolis simplicibus. _HABITAT in_ Canariis _et insulâ_ S. Miguel _ex_ Azoribus. _Masson._ ♄

10. CINERARIA _multiflora_. C. floribus cymosis, foliis cordato-ovatis subtus tomentosis, petiolis dimidio auritis. _HABITAT in insularum_ Canariensium _collibus. Masson._

11. CINERARIA _cruenta_. Tab. 33. [vide Tab33.jpg] C. floribus cymosis, foliis cordatis angulatis subtus purpurascentibus, petiolis basi auritis. _HABITAT in_ Nivariâ. _Masson._ ♄

12. CINERARIA _tussilaginis_. C. floribus laxe paniculatis, foliis reniformi-cordatis multangulis subtus tomentosis, petiolis basi auritis. _HABITAT in_ Canariis, Teneriffâ. _Masson._ ☉

13. CINERARIA _lobata_. Tab. 34. [vide Tab34.jpg] C. floribus subcorymbosis, foliis subrotundis multilobatis glabris, petiolis basi auritis, calycibus subcalyculatis. _HABITAT ad_ Promontorium bonae spei. _Banks et Solander, Masson._ ♄

{27}

_Bracteâ unâ alterâve sub calycibns fere calyculi instar vix distinguitur a_ Senecione. _Herba potius_ Cinerariae.

14. CINERARIA _senecionis_. C. floribus subcorymbosis, foliis sinuato-pinnatifidis glabris, caulinis sessilibus. _HABITAT ad_ Promomorium bonae spei. _Forster._ ♄ Cinerariae _quae calyculatae sunt, quales_ C. americana _et_ lineata, _forte melius ad_ Senecionem _revocandae_.

BOLTONIA.

_CALYX communis_ subimbricatus: _squamis_ linearibus. _Corolla_ radiata. _Germina_ compressa, verticalia. _Pappus_ obsolete dentatus, bicornis. _Receptaculum_ favosum. _In_ Astere _Calyx imbricatus. Pappus pilosus. Receptaculum nudum ex Linnaeo, sed reverâ similiter alveolatum_. _In_ Matricariâ _Pappus nullus. Receptaculum nudum_. _In_ Spilantho _Corolla saepius uniformis. Receptaculum paleaceum_.

1. BOLTONIA _glastifolia_. Tab. 35. [tabula non edita] B. foliis inferioribus serratis. Matricaria glastifolia. _Hill. kew._ 19. _t._ 3. _HABITAT in_ Americâ _septentrionali_. ♃

2. BOLTONIA _asteroides_. Tab. 36. [tabula non edita] B. foliis integerrimis. Matricaria _asteroides_ foliis lanceolatis integris glabris obliquis. _Linn. mant._ 116. _HABITAT in stagnis_ Virginiae. _Bartram._ ♃

BUPHTHALMUM.

BUPHTHALMUM _sericeum_. _L._ Tab. 37. [tabula non edita] B. _sericeum_ foliis oppositis approximatissimis spathulato-oblongis sericeis, calycinis squamis setaceis hirsutis, caule arboreo. _Linn. suppl._ 379. _HABITAT_ Fuertae-venturae _Canariensium. Masson._ ♄

STOKESIA.

_CALYX communis_ foliaceus, subimbricatus. _Corolla_ flosculosa, biformis: _in radio_ corollulae hermaphroditae, regulares; _in ambitu_ irregulares radium

{28}

constituentes. _Filamenta_ utrisque quinque. _Anthera_ cylindracea. _Germen_ regularibus tetragonum, irregularibus trigonum. _Stylus_ filiformis. _Stigma_ bipartitum, subulatum. _Pappus_ filamentosus, deciduus, corollulae aequalis, regularibus quaternus, irregularibus ternus. _Receptaculum_ nudum. _Affinis_ Carthamo, _a quo differt Receptaculo nudo, Pappo quadrifilamentoso, floribus radiatis_.

STOKESIA _cyanea_. Tab. 38. [tabula non edita] Carthamus laevis. _Hill. kew._ 57. _t._ 5. _HABITAT in_ Carolinâ _australi_. ♃ _Corolla_ Centaureae Cyani. _Calyx fere_ Carthami.

_GYNANDRIA._

LIMODORUM.

1. LIMODORUM _Tancarvilleae_. L. scapis radicalibus terminalibusve simplicibus, floribus pedunculatis. L. Tancarvilleae. _Banks. icon absque sermone._ _HABITAT in_ Chinâ. ♃ _Etsi labium nectarii postice desinat in calcar brevissimum, a_ Limodoro _tamen separanda non videtur_.

2. LIMODORUM _tuberosum. L._ L. scapis subsimplicibus, floribus sessilibus. L. _tuberosum_ floribus sessilibus racemosis alternis. _Linn. syst._ 594. Helleborine americana, radice tuberosâ, foliis longis angustis, caule nudo, floribus ex rubro pallide purpurascentibus. _Mart. cent._ 50. _t._ 50. _Mill. ic. t._ 145. _HABITAT in_ Pensylvaniae _umbrosis. Matthias Hultgren._ Marylandiâ. ♃ Racemi _simplices in omnibus speciminibus a me visis, et in Millero, sed Martynus compositos pingit_.

3. LIMODORUM _altum. L._ L. scapis paniculatis, floribus pedunculatis. L. _altum_ floribus pedunculatis sparsis. _Linn. syst._ 594. * _Synonymon_ Plumieri excludendum, uti exhibens plantam simpliciter racemosam nec paniculatam, floribusque forte sessilibus. _HABITAT in_ Jamaicâ. _Houston._ ♃

{29}

_MONOECIA._

GENESIPHYLLA.

* _Masculi flores._ _CALYX_ rotatus, sexpartitus: _laciniis_ internis tribus majoribus. _Corolla_ nulla. Nectarium: _Glandulae_ 6, singula ad basin singulae divisurae calycis. _Filamentum_ unicum, superne trifidum. _Antherae_ tres, bilobae. * _Feminei flores_ masculis immixti apicem versus ejusdem folioli. _CALYX_ ut in mare, persistens. _Corolla_ ut in mare. Nectarium: _Operculum_ subtrigonum, cingens germen. _Germen_ superum. _Styli_ tres, tripartiti, subulati. _Stigmata_ simplicia. _Capsula_ trilocularis. _Semina_ bina. _Si pro distincto genere stare non valeat, cum_ Phyllantho _potius jungenda quam cum_ Xylophyllâ.

GENESIPHYLLA _asplenifolia_. Tab. 39. [tabula non edita] Xylophylla _latifolia_ foliis lanceolatis, ramis teretibus. _Linn. mant._ 251. Filicifolia hemionitidi affinis americana epiphyllanthos, folio simpliciter pinnato, radice reptatrice carnosâ, ad foliorum crenas floridâ. _Plukn. almag._ 154. _t._ 46. _f._ 7. (folium.) Lonchitidi affinis arbor anomala, folio alato e pinnarum crenis fructifero. _Sloan. hist._ 1. 80. Phyllanthus foliis latioribus utrinque acuminatis apicem versus crenatis. _Brown. jam._ 188. _n._ 1. * _Caetera_ Linnaei synonyma scilicet Commelini, Pluknetii, Catesbei, Sebae, necnon _Phyllanthus_ 2 Brownei et _Phyllanthus Epiphyllanthus_ L. ad _Xylophyllam falcatam_ Swartzi retrahenda sunt. _HABITAT in_ Jamaicâ. ♄

_DIOECIA._

TAMUS.

TAMUS _elephantipes_. Tab. 40. [tabula non edita] T. foliis reniformibus integris. Pes Elephantis _vulgo_. _HABITAT ad_ Promontorium bonae spei. _Masson._ ♃ _Feminâ adhuc ignotâ certius pronuntiare inter_ Tamum _et_ Smilacem _difficillimum. Nihilominus in mare rudimentum germinis stylo coalito calyci instructum indicat germen inferum, unde suspicari licet_ Tamum _esse_.

{30}

_POLYGAMIA._

MIMOSA.

1. MIMOSA _verticillata_. Tab. 41. [tabula non edita] M. inermis, foliis verticillatis linearibus pungentibus. _HABITAT in Terrâ_ Van-Diemen _Novae-Hollandiae. Nelson._ ♄ _In plantâ nascente folia duo vel tria primordialia bipinnata_.

2. MIMOSA _Houstoni_. M. inermis foliis bipinnatis abruptis subsexjugis, pinnulis multijugis, foliolis subconfluentibus, racemo composito terminali. Gleditschia _inermis_ caule inermi. _Linn. spec._ 1509. Acacia americana non spinosa, flore purpureo, staminibus longissimis, siliquis planis villosis, pinnis foliorum tenuissimis. _Houst. mss. p._ 22. _Mill. icon._ 4. _t._ 5. Mimosa. _Houst. rel._ 12. _t._ 26. _HABITAT in_ Verâ-Cruce. _Houston._ ♄ Folia _subtus pilosa_. Inflorescentia _ut in_ M. grandiflorâ, _sed_ Flores _minores_. Corollae _villosae, persistentes_. Legumina _parallelogramma, acuminata, plana, seminibus elevata, admodum tomentosa, rufa_. Semina _oblonga, compressa, utrinque zonâ notata, marginibus suturae utrisque alterius inserta_. _Haec est_ Gleditschia inermis _Linnaei. Recentiores autores quales_ Duhamel, Du Roi, _et alii, varietatem inermem_ Gleditschiae triacanthos _pro_ Gleditschiâ inermi _habuere_.

3. MIMOSA _grandiflora_. Tab. 42. [tabula non edita] M. inermis, foliis abrupte bipinnatis multijugis, pinnulis multijugis, foliolis distinctissimis, racemo composito terminali. Acacia non spinosa indiae orientalis, foliis perexeguis, virgulis lanugine ferrugineâ villosis. _Plukn. amalth._ 3. _HABITAT in_ Indiâ orientali. ♄ _Affinis quam plurimum_ M. Houstoni, _a quâ differt pinnulis crebrioribus, foliolisque distinctissimis basi ovatis, dum in_ M. Houstoni _juxta rachidem confluentibus basi truncatis foliumque pinnatifidum mentientibus_.

_CRYPTOGAMIA._

DICKSONIA.

_FRUCTIFICATIONES_ subrotundae, margini averso frondis subjectae.

{31}

_CALYX communis_ reniformis, unilocularis, florifer clausus, longitudinaliter fructifer dehiscens. _Valvula exterior_ ex ipsâ substantiâ folii; _interior_ membranacea. _Flosculi_ ignoti. _Capsulae_ numerosae, pedicellatae, _Receptaculo_ longitudinali affixae. _Semina_ numerosissima, minuta.

1. DICKSONIA _arborescens_. Tab. 43. [tabula non edita] D. frondibus supradecompositis villosis, foliolis subintegris, caule arboreo. _HABITAT in insulâ_ Sanctâ Helenâ. _Banks et Solander._ ♄

2. DICKSONIA _Culcita_. D. frondibus supradecompositis glabris, foliolis serratis. Polydopium? _Baromets_ frondibus bipinnatis, pinnis pinnatifidis lanceolatis serratis, radicibus lanatis. _Linn. spec._ 1553? Agnus scythicus aut vegetabilis Boramets dictus autoribus fabulosis? _Scal. subt. exerc._ 181. §. 29. _Port. phyt. l._ 4. _c._ 4. _Duret. hist._ 331. _Licet. spont. l._ 3. _c._ 45. The Tartarian Lamb. _Sloan. act. angl._ 1698. _n._ 247. _pag._ 461. _tab._ 247. _f._ 5? (radix obversa.) Agnus scythicus vegetabilis Borametz dictus. _Breyn. act. angl._ 1725. _n._ 390. _p._ 353. _t._ 390? (radix obversa.) * _Consul._ de Agno scythico _Deusing. diss._ 598. _Breyn. loc. cit._ et _Kaempf. amoen._ 505. Si _Baromets_ et _D. Culcita_ non sint eadem planta, quod, etsi patriae tam remotae, vix incertum, procul dubio Agnus scythicus alia erit Filicis species. Feila Brom _Maderensibus vulgo._ _HABITAT in insulâ_ S. Miguel _ex_ Azoribus. _Masson._ ♃ _E radicibus Culcitas conficiunt incolae_.

_Addenda et emendanda._

_POLYGAMIA._

EUCLEA.

_CALYX_ quinquedentatus, parvulus, persistens. _Corolla_ monopetala, quinquepartita, calyce major, receptaculo inserta: _laciniis_ ovatis, obtusis, patentibus. _Filamenta_ circiter 15, brevia, receptaculo inserta. _Antherae_ erectae, biloculares, tetragonae, villosiusculae, corollâ breviores. _Germen_ superum, pyramidato-ovatum. _Styli_ duo, longitud. staminum. _Stigmata_ simplicia. _Capsula_ baccata, i. e. pulpâ induta, subrotunda, tricornis, trilocularis, trivalvis. _Semina_ solitaria, subrotunda, arillata, uno alterove abortiente.

{32}

_Dantur flores hermaphroditi, et hermaphroditi masculi sc. germine abortivo, unde videretur polygama. Planta femina, si exstat, me fugit._

EUCLEA _racemosa. L._ E. racemosa. _Linn. (Murr.) syst._ 747. _ed._ 13â. _Linn. suppl._ 67. 428. _Thunb. gen._ 5. _pag._ 85. Celastrus _corniculatus_ foliis ovalibus integerrimis perennantibus, capsulâ tricorni. _pag._ 6. Evonymus africanus, foliis laurinis, fructu aculeato. _Breyn. icon. t._ 22. _f._ 3. Padus foliis subrotundis, fructu racemoso. _Burm. afr._ 238. _t._ 84. _f._ 1. (Autor hîc fructum infantem forte exhibet.) Evonymus foliis subrotundis integris, fructu corniculato. _Burm. afr._ 260. _t._ 97. _f._ 1. _HABITAT ad_ Promontorium bonae spei. _Masson._ ♄ _Capsulae absolute_ Celastri _nisi baccatae et cornutae, unde, flore mihi ignoto, pro_ Celastro corniculato _in hoc opere habueram. Specimina fructifera hujus_ Celastri corniculati _tam similia_ E. racemosae _quam ovum ovo. Miror nihilominus, vixque crederes plantam digynam, ut_ Eucleam, _gaudere fructu triloculari. Nec cum stylis duobus multo melius quadrat bacca monosperma quam huic generi assignat Thunbergius. Linnaeus baccam dicit bilocularem. Ulterius ergo de fructu ab autoptis inquirendum_.

* * * * *

WITHERINGIA. (TETRANDRIA monogynia.)

CARACTER ESSENTIALIS.

_CALYX_ quadridentatus. _Corolla_ campanulata. _Nectarium_ polymorphum, quadrilobum, corollae adnatum. _Filamenta_ corollae adnata. _Antherae_ lateribus dehiscentes. _Germen_ superum. _Bacca_ polysperma.

_IN memoriam celeberr. Gulielmi WITHERING, Doct. Med. Soc. reg. Lond. Soc. autoris operis inscripti:_ Botanical arrangement of British plants.

WITHERINGIA solanacea.

_HABITAT in_ Americâ _meridionali_. ♃

PLANTA habitu Physalidis, aut Solani. * _Descensus._ RADIX fasciculata, fusiformis, carnosa, nunc subsimplex, nunc ramosa, descendens, magna, cinerea. * _Ascensus._ CAULES plurimi e radice, erecti, apice dichotomi, teretes lineis tribus e petiolis ultimis decurrentibus, villosi, obscure purpurascentes, semipedales s. vix pedales. RAMI tantum ad apicem; breves, patuli, caulibus conformes. * _Frondiscentia._ FOLIA alterna, superne ubi planta inflorescere coepit bina, petiolata, subacuminata, cordata, integra, subundulata, nervosa, rugosa: nervis subtus prominentibus, supra prominulis; costâ ad paginam pronam vix purpurascente; villosa, patentia, 3 poll. long. 2 poll. lat. PETIOLI subtus teretes, supra plani uninerves, villosi, obscure purpurei, folio sexies breviores. * _Inflorescentia._ FLORES axillares, confertissimi, cernui, lutei, 6 lin. lat. PEDUNCULI reflexi, apice incrassati, quasi clavati, petiolis longiores.

EXPLICATIO TABULAE. [vide Tab1.jpg] _PLANTA_ proportione naturali. 1. _Flos_ antice, pr. nat. 2. ----- postice, pr. nat. 3. _Corolla_ postice, pr. nat. 4. ----- secta ostendens _Stamina_ et _Nectarium_, pr. nat. 5. _Stamen_, prop. nat. 6. _Pistillum_, prop. nat.

{34}

* _Fructificatio._ CALYX. _Perianthium_ inferum, monophyllum, obsolete modiceque quadridentatum, brevissimum, nudiusculum, persistens. COROLLA monopetala, subcampanulata, quadripartita, receptaculo inserta, calyce longe major. _Tubus_ brevis, subrotundus, vix tetragonus. _Laciniae_ lanceolatae, acutae, patentes, subrevolutae. NECTARIUM constans 1. _Operculo_ brevissimo subvilloso corollam infra divisuras cingente. 2o. _Appendiculâ_ parvulâ subrotundâ corollae adnatâ utrinque ad basin singuli filamenti. 3o. _Foveolis_ 4, extrorsum vix manifestis, magnâ copiâ mellis impletis, quarum limites sunt, superne operculum corollae, inferne appendix filamentorum, lateraliter ipsa filamenta. STAMINA. _Filamenta_ 4, erecta, teretiuscula, clavata, villosa, brevia, dimidiae corollae adnata. _Antherae_ ovatae, biloculares, vix peltatae, lateribus dehiscentes, luteolae, conniventes. PISTILLUM. _Germen_ superum, ovatum. _Stylus_ filiformis, staminibus vix longior. _Stigma_ capitatum, viride. PERICARPIUM (quale deprehenditur ex floribus). _Bacca_ bilocularis? intra quam _Receptaculum_ ejusdem formae, bipartitum. SEMINA numerosa, receptaculo inserta.

_Patria_ assignatur America meridionalis. Primum floruit apud _Rob. Jac. PETRE, Parem Anglum_. Hodie viget in Horto Kewensi. Quotannis floret aestate, sed nondum fructus tulit. Hucusque avulsis a matre viviradicibus propagari videtur. In tepidario excolitur.

_DIAGNOSTICON._

_WITHERINGIA_ differt a _Solano_ partium numero, antheris imperforatis, nectario: ab _Atropâ_ numero quaternario, nectario: ab _Aquartiâ_ calyce aequali nec laciniis alternis duplo vel triplo majoribus, limbo corollae lanceolato nec lineari longissimo, antheris latere dehiscentibus nec apice perforatis, denique nectario.

{35}

* * * * *

CHLORANTHUS. NIGRINA. _Thunb. gen._ (TETRANDRIA monogynia.)

CARACTER ESSENTIALIS.

_PERIANTHIUM_ duplex. _Exterius_ bracteaeforme s. mera Bractea. _Proprium:_ Squamula semisupera, lateri germinis exteriori adnata. _Petalum_ semisuperum, dimidiatum, trifidum, lateri germinis insidens, perianthii proprii axillare, antheriferum. _Antherae_ petalo adnatae. _Germen_ semiinferum, petaligerum. _Stylus_ nullus. _Stigma_ capitatum. _Bacca_ monosperma.

_A vocibus graecis_ ΧΛΩΡΟΣ viridis, _et_ ἌΝΘΟΣ flos, _dixit Olaus SWARTZ, quia flores gaudent colore herbaceo_.

CHLORANTHUS inconspicuus.

C. inconspicuus. _Swartz. act. lond._ 1787. _p._ 359. _t._ 14. Nigrina spicata. _Thunb. gen._ 3. 59. _jap._ 65. Tchin-Tchu-lan-hoa s. Tchu-lan _Sinensibus vulgo._

_HABITAT in_ Chinâ. ♄

SUFFRUTEX perennans, glaber, stolonifer, habitu _Theae_. * _Descensus._ RADIX _Rusci_, ramosa, alba, stolonifera. * _Ascensus._ CAULES e radice plurimi, basi procumbentes, dein suberecti, parce ramosi, teretes, nodosi, grisei. _Nodi_ prope terram radicantes: alterni et intermedii nonnumquam aphylli, sed stipulis annulati ut caeteri. RAMI oppositi, patuli, teretes, virides, nodosi, subarticulati: geniculis annulatis. * _Frondescentia._ FOLIA opposita, oblongo-ovata, acuta, crenato-serrata: serraturis apice morbificatis; margine revoluta, subrugosa: venis distantibus subtus tantum prominentibus; viridia,

EXPLICATIO TABULAE. [vide Tab2.jpg] _PLANTA_ proportione naturali. 1. Sectio _Spicae_, alterâ icone auctâ. 2. _Flos_ introrsum, aucta. 3. ----- extrorsum, aucta. 4. _Petalum_ introrsum, aucta. 5. ----- extrorsum, aucta. 6. _Germen_ antice, auctum. 7. ----- lateraliter, auctum. 8. _Bacca_ lateraliter, prop. nat. 9. ----- antice aucta. 10. _Semen_ prop. nat.

{36}

concolora, glaberrima, patentia, plana, persistentia, 2-3 poll. long. 18-20 lin. lat. PETIOLI folio quater breviores, teretes, supra unisulci, basi desinentes in annulum amplexicaulem, adnectentem. STIPULAS utrinque duas, subulatas, erectas, persistentes. * _Inflorescentia._ PANICULAE terminales, erectae, laxae, bracteatae, compositae _Spicis_ decussatis patulis, 1½ poll. long. FLORES sessiles, oppositi, decussati, herbacei s. luteoli, 1 lin. long. BRACTEAE sessiles, lanceolatae, acutae, concavae, adpressae, persistentes, sub spicis. * _Fructificatio._ CALYX. _Perianthium_ duplex, persistens. IMPROPRIUM (_quod melius Bracteam dicas_) _inferius_ monophyllum, squamiforme, lanceolatum, acutum, patulum, bracteis caeteris conforme, breve, ½ lin. long. PROPRIUM _superius. Squamula_ semisupera, lateri germinis exteriori adnata, acuta, subovata, concava, brevissima. COROLLA. _Petalum_ semisuperum, laterale, perianthii proprii axillare, clivo germinis exteriori, instar receptaculi germini adnati, inter germen et perianthium proprium medii, impositum, subrotundum, dimidiatum, trifidum, trigonum, incurvum, concavum, extus convexum, crassam, concamerationis instar genitalia abscondens, antheriferum, deciduum: _laciniis_ acutis, incurvis; intermediâ duplo productiore. STAMINA. _Filamenta_ nulla. _Antherae_ 4, oblongiusculae, bivalves, lateri exteriori singulae laciniae corollinae introrsum adnatae, herbaceae. PISTILLUM. _Germen_ respectu perianthii proprii et corollae superum simul et inferum, obsolete ovatum. _Stylus_ nullus, seu vix ullus. _Stigma_ capitatum, subbivalve, nonnunquam bilobum. PERICARPIUM. _Bacca_ ovalis, stylo acuminata, nunc ad apicem nec ad latus ut in germine notata cicatrice receptaculi et petali basi pellucida, unilocularis. * _Perianthium_ proprium cicatrixque petali lapsi accrescente fructu sensim elevantur, donec apici baccae insideant; unde colligendum Germen revera inferum esse, etsi potius superum appareat. SEMEN unicum, subrotundum.

_Viva_ allata fuit e Chinâ in Angliam a _Jac. LIND, D. M._ anno 1781. Floruit dum navis _ATLAS_ adveheret. Florentem delineandam curavi in Horto _Jac. LEE_, moxque fructiferam in Horto regio Kewensi observavi. Saepissime eodem anno floret, fructusque nonnullus perficit. Excolitur in caldario, surculisque et stolonibus regeneratur.

_Sinensibus_ misceri foliis _Theae, Theam_que suavius olere _Doctor Lind_ narrabat, sed _Chloranthus_ omnino inodorus est. In quem usum excolatur a Sinensibus planta minime speciosa quam in pluribus plantarum hortensium in Chinâ depictarum collectaneis vidi, adhuc latet.

End of Project Gutenberg's Sertum Anglicum, by Charles L'Heritier de Brutelle