Part 1

Produced by Omaio Systems

[Transcriber's note: Spelling used is exactly as in the original, including typographic errors (e.g. _umbrella_ for _umbella_). This UTF8 text contains accented Latin characters and accented Greek characters. Also various astronomical symbols, the explanation of which will be found in Linnaeus' _Species Plantarum_. Although the title page bears the date 1788, the work was issued in parts beginning with the text and first plates in 1789; further sets of plates were issued up to 1792; plates 35 to 43 were never published. At some time early in the 19th century the work was re-issued, still with date 1788, but with type reset to 20 pages and lacking the astronomical symbols.]

{i}

CAR. LUD. L'HÉRITIER, Dom. _DE BRUTELLE,_ _in Aulâ Juvam. Par. Reg. Consil._

SERTUM ANGLICUM

SEU

PLANTAE RARIORES

QUAE IN HORTIS JUXTA LONDINUM,

IMPRIMIS

IN HORTO REGIO KEWENSI

EXCOLUNTUR,

Ab anno 1786 ad annum 1787 observatae.

* * * * *

PARISIIS,

TYPIS PETRI-FRANCISCI DIDOT.

_Prostat_ PARISIIS, apud LUD. NIC. PRÉVOST. THEOPHIL. BARROIS. LONDINI, apud PETR. ELMSLY. VIENNAE et LIPSIAE, apud RUD. GRAEFFER. ARGENTORATI, apud AMAND. KOENIG.

* * * * *

1788.

{ii} [blank]

{iii}

LECTORI BOTANICO S.

Deduxit me in Angliam et hortorum celebritas, et inprimis absolutissimum illud Linnaei herbarium vivum, quod in immortalem summi Viri famam, perpetuamque artis botanicae disciplinam consitum est.

Indefesso quindecim mensium labore, plantas delineandas curavi in suo genere pretiosissimas, non sine magnâ hortorum admiratione, qui et affluenti plantarum copiâ et industriâ colendi, famâ gaudent non immeritâ.

In praesenti fasciculo colliguntur plantae selectae et rariores; uberrimam profecto segetem, quae peregrationis curas tanto cum foenore compensavit! Alias in alia opera remitto, in quibus unaquaeque propriis lineamentis, cum plantis congeneribus adumbrabitur.

Genti autem Anglicae hoc plantarum suarum Sertilegium speciatim offero et dedico. In illos enim laus debet redundare e quibus profecta est. Suadet etiam gratissima animi recordatio quae semper infra beneficium erit. Juvat enim praedicare, et meminisse amo, quam omnes me comiter exceperint; quam viri doctissimi in explicandâ divitiarum ubertate, se praebuerint faciles et commodos, quam studiosi praesertim homines artis botanicae officiosam mihi operam navaverint.

Accipiant igitur Angli Botanici, iique soli, nova quae in hoc opusculo descripsi genera, non ingratum, ut spero, nec ignotum munusculum. Velint meo labori arridere; mihique liceat, ut hoc opus illorum nomine insignitum et vere splendidum, testetur gratum animum aeternumque memorem. Dabam Parisiis 20â Aprilis 1788.

{iv}

O vale of bliss! Of softly-swelling hills! On which the _Power of Cultivation_ lies, And joys to see the wonders of his toil. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . Happy BRITANNIA! where the QUEEN OF ARTS, Inspiring vigour, LIBERTY abroad, Walks, unconfin'd, even to thy farthest cotes, And scatters plenty with unsparing hand. _THOMS. seas._

{1} SYNOPSIS OPERIS. _TETRANDRIA._

WITHERINGIA.

_CALYX_ quadridentatus. _Corolla_ campanulata. _Nectarium_ quadrilobum, corollae adnatum, polymorphum. _Stamina_ corollae inserta. _Antherae_ lateribus dehiscentes. _Germen_ superum. _Bacca_ polysperma.

WITHERINGIA _solanacea_. Tab. 1. [vide Tab1.jpg] _HABITAT in_ ... ♃

CHLORANTHUS.

_PERIANTHIUM_ duplex. _Exterius_: mera Bractea. _Proprium_: Squamula semisupera, lateri germinis adnata. _Corolla_ semisupera, lateralis, dimidiata, trifida, lateri germinis insidens. _Filamenta_ nulla. _Antherae_ corollae adnatae. _Germen_ semiinferum, petaligerum. _Stylus_ nullus. _Stigma_ capitatum. _Bacca_ 1-sperma.

CHLORANTHUS _inconspicuus_. Tab. 2. [vide Tab2.jpg] Tchu-lan _Chinensibus vulgo_. _HABITAT in Chinâ_. ♄

_PENTANDRIA._

PRISMATOCARPUS. SPECULARIA. _Heister_. LEGOUSIA. _Durande_.

_CALYX, Corolla, Stamina_ ut in Campanulâ. _Germen_ inferum, longissimum, polygono-cylindricum. _Stigma_ bi-trifidum. _Capsula_ prismatico-cylindrica, longissima, bi-trilocularis, polysperma, foraminibus superis emittens. _Semina Columellae_ affixa.

Prismatocarpi _genus habitu specierum quamvis placeat, tamen genuinis characteribus_ Campanulae _nimium proximis, forsitan retinendum non erit. Hanc meam sententiam, dum icon_ P. nitidi _in lucem prodiet, confirmare novis observatis aut infirmare animus est_.

Eximii quidam Botanici _Prismatocarpum_ a _Campanulâ_ genere distinguendum esse jam existimavere. Haller (_hist._ 1. 311.) de _Campanulâ Speculo_ agens, his verbis utitur: _vere aliud a Campanulâ genus_. Scopoli (_carn_. 1. 150.) de eâdem plantâ dicit: _flore quasi pentapetalo, rotato, expanso et omnino degenere_.

{2}

1. PRISMATOCARPUS _interruptus_. P. foliis subulatis ciliatis, ramis floriferis superne interrupte-aphyllis. _HABITAT ad_ Promontorium bonae spei. _Thunberg. Oldenburg._

2. PRISMATOCARPUS _paniculatus_. P. foliis subulatis subciliatis, paniculis longius pedunculatis. Polemonium _roëlloides_ erectum, caule filiformi, foliis lanceolatis ciliatis, paniculâ pauciflorâ pedunculatâ nudâ. _Linn suppl._ 139? _HABITAT ad_ Promontorium bonae spei. _Andreas Augé._ _Calyces lineares, acutissimi._ Polemonium roëlloides _L. germine infero columnari genus_ Prismatocarpi_ certe agnoscit, sed omisi dum in Angliâ degebam, cum speciebus novi generis conferre_.

3. PRISMATOCARPUS _altiflorus_. P. foliis subulatis subciliatis confertissimis, pedunculo longissimo aphyllo, germinibus tomentosis. _HABITAT ad_ Caput bonae spei. _Fr. Masson._ P. interruptus, paniculatus _et_ altiflorus _similes foliis et habitu_ Lepidii subulati. _Margines foliorum rigidiusculis aculeis muricato-ciliati._

4. PRISMATOCARPUS _fruticosus_. P. foliis lineari-subulatis muticis, paniculis terminalibus pedunculatis, caule fruticoso. Campanula _fruticosa_ capsulis quinquelocularibus columnaribus, caule fruticoso, foliis lineari-subulatis, pedunculis longissimis. _Linn. spec._ 238. _HABITAT ad_ Promontorium bonae spei. _Masson._ ♄

5. PRISMATOCARPUS _crispus_. P. foliis linearibus undulatis, caule florifero laxe ramoso, germinibus longissimis. _HABITAT ad_ Promontorium bonae spei. _Augé. Masson._ Calyces _subulati_. Folia _margine revoluta, uti caulis villosa. Facies absolute_ Campanulae undulatae, _quae solo germine, ut in aliis_ Campanulis, _turbinato brevi distinctissima_.

6. PRISMATOCARPUS _nitidus_. Tab. 3. [vide Tab3.jpg] P. foliis lanceolatis glaberrimis, floribus terminalibus sessilibus, corollis calyce duplo longioribus. _HABITAT ad_ Promontorium bonae spei. _Masson._ _Facies fere Jussievae_. Differt a congeneribus quae flore sunt sessili caulibus basi fruticulosis.

{3}

7. PRISMATOCARPUS _Speculum_. P. foliis ovatis, floribus subaxillaribus sessilibus, calycibus corollâ duplo longioribus, caulibus diffusis ramosissimis. Campanula _Speculum_ caule ramosissimo diffuso, foliis oblongis subcrenatis floribus solitariis, capsulis prismaticis. _Linn. ups._ 41. Onobrychis altera Belgarum et Dodonaei. _Lob. ic._ 418. Onobrychis prima Dodonaei. _Dalech. hist._ 1. 490. Viola arvensis. _Tab. ic._ 304. Pentagonion, viola pentagonia. _Tab. ic._ 316. (optima.) Campanula arvensis minima. _Dod. pempt._ 168. _Mor. hist._ 2. _sect._ 5. 457. _t._ 2. _f._ 21. Onobrychis arvensis, vel campanula arvensis erecta. _Bauh. pin._ 215. Avicularia Sylvii quibusdam. _Bauh. hist._ 2. 800. Speculum Veneris majus. _Park. theat._ 1331. Legousia arvensis. _Dur. burg._ 37. _HABITAT in_ Europae _mediae et australis segetibus_. ☉ Calyces _omnium longiores, nunc lanceolati in junioribus, nunc lineares in senioribus plantis_.

9. PRISMATOCARPUS _hybridas_. P. foliis oblongis, floribus terminalibus approximatis sessilibus, corollis subclandestinis, caulibus erectis. Campanula _hybrida_ caule basi subramoso stricto, foliis oblongis crenatis, calycibus aggregatis corollâ longioribus, capsulis prismaticis. _Linn. spec._ 239. Speculum Veneris minus. _Germ. em._ 439. 2. _Park. theat._ 1331. Campanula arvensis minima erecta. _Mor. hist._ 2. _sect._ 5. 457. _t._ 2. _f._ 22. _HABITAT in_ Helvetiâ, Angliâ, Galliâ, Carnioliâ _inter segetes_. ☉

9. PRISMATOCARPUS _Pentagonia_. P. foliis obovatis, rameis lanceolatis, calycibus pilosis corollâ brevioribus. Campanula _Pentagonia_ caule subdiviso ramosissimo, foliis linearibus acuminatis. _Linn. cliff._ 66. Campanula pentagonia, flore amplissimo, thracica. _Tourn. inst._ 112. _HABITAT in_ Thraciâ. ☉ Planta _pedalis, ramosa pubescens_. Folia _inferiora_ Bellidis, _petiolata, subintegra s. vix obsolete crenulata:_ caulina _subsessilia, obverse oblonga, subintegra:_ ramea _sessilia, oblonga s. lanceolata, obtusa_. Flores _majusculi_. Germina _corollis longiora_. Calyces _lineares, acuti, pilosiusculi, patentes nec revoluti ut in_ P. Speculo.

{4}

LIGHTFOOTIA.

CALYX _semisuperus, pentaphyllus_. Corolla _pentapetala_. Valvulae _staminiferae ut in_ Campanulâ. Germen _inferum simul et superum_. Stigma _tri-quinquefidum_. Capsula _tri-quinquelocularis, totvalvis_. Semina _plurima_. _A_ Campanulâ _differt corollâ pentapetalâ, nec non capsulâ multivalvi_.

1. LIGHTFOOTIA _oxycoccoides_. Tab. 4. [vide Tab4.jpg] L. foliis petalisque lanceolatis. Lobelia _tenella_ caulibus prostratis filiformibus fruticulosis, foliis ovato-lanceolatis glabris utrinque bidentatis. _Linn. mant._ 120. 518. Campanula _tenella_ caulibus diffusis filiformibus, foliis ovatis subunidentatis reflexis, floribus solitariis terminalibus. _Linn. suppl._ 141. Lobelia parviflora. _Berg. cap._ 354. _HABITAT ad_ Promontorium bonae spei. _Masson._ ♃

2. LIGHTFOOTIA _subulata_. Tab. 5. [vide Tab5.jpg] L. foliis subulatis, petalis linearibus. _HABITAT ad_ Promontorium bonae spei. _Masson._

ROËLLA.

ROËLLA _decurrens_. Tab. 6. [vide Tab6.jpg] R. herbacea, foliis lanceolatis ciliatis decurrentibus. _HABITAT ad_ Caput bonae spei. _Masson._ ☉

HAMELIA.

1. HAMELIA _patens_. _L._ H. foliis subtus tomentosis, tubo corollae cylindrico. H. _patens_ racemis patentibus. _Jacq. amer._ 72. _t._ 50. _Linn. spec._ 246. H. _erecta_ racemis erectis. _Jacq. amer._ 71? _HABITAT in_ Hispaniolâ. ♄

2. HAMELIA _grandiflora_. Tab. 7. [vide Tab7.jpg] H. foliis laevigatus, tubo corollae ventricoso. Nerio affinis arbor, versicolorâ materie, lauri folio lucido, flore pentapetaloide sulphureo amplo. _Sloan. hist._ 2. 63. _t._ 183. _f._ 2. _HABITAT in_ Jamaicâ. ♄

{5}

RHAMNUS.

_CALYX_ campanulatus, quinquefidus. _Petala_ squamiformia, saepe nulla. _Stamina_ petalis cucullata. _Germen_ subimmersum. _Stylus_ et _Fructus_ varii in diversi. * _Squamulas_ linnaeanas _Rhamni_ petala affirmat analogia. Ita colligendum est ex _Ceanotho_, necnon e _R. Zizipho_ et _Paliuro_.

1. RHAMNUS _hybridus_. R. inermis, floribus androgynis, foliis oblongis acuminatis serratis vix perennantibus. _HABITAT in_ Hortis. ♄ Hanc plantam ultra decennium obtinui e seminibus _R. alpini_. Matrem absolute feminam separatamque a maribus quotannis observavi. _R. Alaternus_ certe pater fuit. Semina in nonnullis Galliae provinciis copiose sata plantam hybridam nec ludentem constanter reddidere. _A Parente utroque tenet. Herba matris. Folia inter_ R. alpinum _et_ Alaternum _media, substantiâ_ R. Alaterni _proxima, et fere perennantia. Flores androgyni patris, nec dioici ut in matre_.

2. RHAMNUS _alnifolius_. R. inermis, floribus hermaphroditis, foliis ovalibus acuminatis serratis subtus reticulatis. _HABITAT in_ Americâ _septentrionali_. ♄ R. alpini _facie sat proximus: sed folia laxius nervosa, magis reticulata, tantummodo glabra nec lucida ut in_ R. alpino.

3. RHAMNUS _volubilis_. _L._ R. inermis, caule volubili, foliis integerrimis ovatis striatis. _Lin. suppl._ 152. Arbor cheusanensis baccifera, Frangulae foliis venosa, fructu parvo pyramidali calyculato, ossiculo oblongo binucleo. _Plukn. amalth._ 25. _t._ 368. _f._ 3. Carpini angustioribus eleganter venosis foliis, planta convolvulacea ex. provinciâ Caroliniensi. _Plukn. amalth._ 52. _t._ 435. _f._ 3. Frutex anonymus foliis dilute virentibus alternis petiolatis lanceolato-oblongis. _Clayt. virg._ 2. 33. R. scandens. _Hill. kew._ 453. _t._ 20. _HABITAT in_ Carolinâ. _Garden._ Lodoisiâ. ♄ R. volubilis _et_ lineatus _admodum affines. Utrisque flores squamis petaloideis_ Rhamni, _drupae dispermae nucleis bilocularibus_ Corni.

4. RHAMNUS _latifolius_. Tab. 8. [vide Tab8.jpg] R. inermis, floribus monogynis hermaphroditis, calycibus villosis, foliis

{6}

ellipticis integerrimis. _HABITAT in montibus_ St. Miguel _ex_ Azoribus. _Masson._ ♄ R. Frangulae _simillimus, sed major: calyces villosi, in_ R. Frangulâ _glabri: squamulae petaloideae sessiles, in_ R. Frangulâ _subunguiculatae_.

5. RHAMNUS _prinoides_. Tab. 9. [vide Tab9.jpg] R. inermis, floribus polygamis, stylo subtriplici, foliis ovatis serratis. Celtis foliis subrotundis dentatis, flore viridi, fructu luteo. _Burm. afr._ 242. _t._ 18. _HABITAT ad_ Promontorium bonae spei. _Augé. Masson._ ♄

6. RHAMNUS _micranthus_. _L._ erit Celtis micrantha in florâ peruanâ.

CEANOTHUS.

CEANOTHUS _reclinatus_. C. foliis ovatis integris multinervibus, ramis dependentibus. Rhamnus arborescens minor, foliis ovatis venosis, pedunculis umbellatis alaribus, fructibus sphaericis. _Brown. jam._ 172. _t._ 29. _f._ 2. _HABITAT in_ Jamaicâ. _Guillelmus Wright._ ♄ _Fructu exsucco absolute_ Ceanothi, _petalisque fornicatis brevioribus tamen quam in_ C. americano, _potius retuli ad_ Ceanothum _quam ad_ Rhamnum: _sed et totum_ Ceanothi _genus rectius ad_ Rhamnum _retrahendum erit_.

CELASTRUS.

1. CELASTRUS _corniculatus_. C. foliis ovalibus integerrimis perennantibus, capsulâ tricorni. Evonymus africanus, foliis laurinis, fructu aculeato. _Breyn. ic. tab._ 22. _f._ 3. Evonymus foliis subrotundis integris, fructu corniculato. _Burm. afr. t._ 97. _f._ 1. _HABITAT ad_ Promontorium bonae spei. ♄ _Facies_ Eucleae.

2. CELASTRUS _cassinoides_. Tab. 10. [vide Tab10.jpg] C. inermis, foliis ovatis utrineque acutis laxe dentatis perennantibus, floribus axillaribus. _HABITAT in_ Maderâ, Nivariâ. _Masson._ ♄

3. CELASTRUS _phyllacanthus_. C. spinis foliosis, foliis lanceolatis serratis perennantibus, floribus lateralibus.

{7}

_HABITAT in_ Senegâ. _Adanson._ ♄ _In horto parisiensi floret, sed nondum fructus dedit_.

4. CELASTRUS _octogonus_. C. inermis, foliis ellipticis angulatis subenervibus perennantibus, capsulis bivalvibus monospermis. _HABITAT in_ Peruâ. _Dombey._ ♄ Folia _glauca_. Flores _forte polygami, hermaphroditis aut femineis rarissimis_. Semen _arillatum, bisulcum. Dantur et aliae species Peruanae et Cilenses quae similiter gaudent capsulâ tantum bivalvi_.

5. CELASTRUS _undulatus_. C. inermis, foliis suboppositis lanceolatis undulatis, capsulis bivalvibus polyspermis. Bois de joli coeur _Gallis vulgo._ _HABITAT in_ Borboniâ. _Phil. Commerson._ ♄ Folia _lanceolata, acuminata, subuninervia, undulata, margine exalbido revoluto_. Petala _spathulata_. Stigma _obsolete capitatum_. Capsula _unilocularis, bivalvis, polysperma_. Semina 8-12, _nuda nec arillata_. Planta antisiphylitica. _Commerson._ Pericarpio et seminibus paululum recedit a _Celastro_, nec satis ut novum constituat genus. Vigebat olim in horto parisiensi, nunc in horto _Jacobi LEE_, hortulani angli.

_HEXANDRIA._

PITCAIRNIA.

_CALYX_ tripartitus, subinferus. _Petala_ 3, linearia, convoluta. _Squama_ nectarifera ad basim petali. _Filamenta_ receptaculo inserta. _Germen_ semisuperum, trigonum. _Stylus_ trisulcus. _Stigma_ trifidum, spirale. _Capsula_ semiinfera, trigona, tricocca, introrsum trifariam dehiscens. _Semina_ numerosissima, utrinque membranaceo-appendiculata, receptaculo affixa.

PITCAIRNIA _bromeliaefolia_. Tab. 11. [vide Tab11.jpg] _HABITAT in_ Jamaicâ. ♃ _Genus_ Bromeliae _et_ Tillandsiae _medium_.

{8}

TRADESCANTIA.

TRADESCANTIA _discolor_. Tab. 12. [vide Tab12.jpg] T. spathâ triphyllâ compressâ, floribus subexsertis, foliis lanceolatis subtus violaceis. _HABITAT in_ Americâ _calidâ_. ♃

CRINUM.

_COROLLA_ supera, infundibuliformis, semisexfida. _Tubus_ cylindricus. _Limbus_ rotatus, aequalis, sexpartitus: _laciniis_ linearibus. _Filamenta_ fauci inserta, laciniis opposita. _Germen_ inferum. _Stylus_ filiformis. _Stigma_ subtrifidum. _Capsula_ trilocularis, trivalvis, polysperma. _Character sistit in tubo cylindrico, limboque aequali. Defectu nectarii tantummoddo differt a_ Pancratio.

1. CRINUM _asiaticum_. _L._ C. radice bulbosâ, foliis carinatis. C. foliis carinatis. _Linn. zeyl._ 127. _Mill. ic._ 73. _t._ 110. Lilium zeylanicum umbelliferum et bulbiferum. _Herm. lugd.b._ 682. _t._ 683. Belutta-pola-taly. _Rheed. mal._ 11. 75. _t._ 38. Radix toxicaria. _Rhumph._ 6. 155. _t._ 69. (forte potius synonymon sequentis.) _HABITAT in_ Malabariâ, Zeylonâ, Tranquebariâ, Americâ _calidâ_. ♃ Stamina _vix declinata_.

2. CRINUM _americanum_. _L._ C. radice fasciculari. C. corollarum apicibus introrsum unguiculatis. _Linn. spec._ 419. Lilio-asphodelus americanus sempervirens maximus polyanthos albus. _Comm. rar._ 14. _t._ 14. _Dill. elth._ 1. 194. _t._ 161. Lilio-asphodelus americanus sempervirens minor albus. _Comm. rar._ 15. _t._ 15. _HABITAT in_ Americâ _calidâ_.

3. CRINUM _nervosum_. C. foliis subrotundis nervosis, filamentis basi dilatatis. Caepa sylvestris. _Rhumph. amb._ 6. 160. _t._ 70. _f._ 1. _HABITAT in_ Philippinis. _Poivre._ Folia _cordato-rotundata, integra, acuminata, nervosa: nervis concentricis_. Scapus

{9}

_multiflorus polyphyllus_. Flores _longius pedunculati_. Corollae _infundibuliformes: tubo filiformi; limbo sexpartito; laciniis lanceolatis, acutis, patentibus_. Filamenta _fauci inserta, laciniis opposita brevioraque, basi ampliata lata, libera recta nec declinata mihi visa_.

Crinum latifolium _L._ _est_ Amaryllis latifolia. ------ zeylanicum _L._ ------ zeylanica. ------ africanum _L._ Agapanthus umbellatus. ------ tenellum _L._ Leucoium _ex sententiâ Linnaei 2i et Solandri, vel forte novum genus_. ------ obliquum _L._ Amaryllis umbrella. ------ speciosum _L._ ------ speciosa. ------ lineare _L._ _mihi ignotum_. ------ angustifolium _L._ Amaryllis cylindracea. ------ falcatum. _Jacq._ ------ falcata.

AMARYLLIS.

_COROLLA_ supera, subhexapetaloidea. _Tubus_ infundibuliformis, aut subnullus. _Limbus_ campanulatus, sexpartitus, irregularis. _Filamenta_ basi laciniarum inserta, declinata, inaequalia proportione vel directione. _Germen_ inferum. _Stylus_ declinatus. _Stigma_ trifidum. _Capsula_ trilocularis, trivalvis, polysperma.

_Essentiam generis administrat directio vel proportio inaequalis filamentorum_.

* _Corollis regularibus, filamentis alternis brevioribus_.

1. AMARYLLIS _lutea_. _L._ A. spathâ uniflorâ indivisâ, corollâ aequali sessili, stigmate simplici. A. spathâ uniflorâ, corollâ aequali, staminibus declinatis. _Linn. cliff._ 135. A. spathâ uniflorâ, corollâ aequali, staminibus strictis. _Linn. syst._ 236. Narcissus autumnalis major. _Clus. hist._ 1. 163. _t._ 164. Colchicum luteum majus. _Bauh. pin._ 69. _Rudb. elys._ 2. _p._ 129. _f._ 1. Lilio-narcissus virgineus. _Weinm. phyt._ 3. _p._ 276. _t._ 652. _f. C._ _HABITAT_ Monspelii, _in_ Hispaniâ, Italiâ, Thraciâ. ♃ _A genere paululum recedit_.

2. AMARYLLIS _tubispatha_. A. spathâ monophyllâ tubulosâ bifidâ uniflorâ, pedunculo spathâ duplo longiore. _HABITAT in_ Bonariâ. _Commerson._

{10}

Scapus _uniflorus, erectus, quadripollicaris_. Spatha _medium fere scapum occupans, tubulosa, cylindracea, bifida, laciniis oppositis_. Flos _longius pedunculatus, erectus_. Filamenta _alterna_ 3 _breviora mihi visa_. Folia _in speciminibus Commersonianis non exstabant_.

3. AMARYLLIS _tubiflora_. A. spathâ uniflorâ diphyllâ, corollâ infundibuliformi, tubo longissimo. Lilio-narcissus croceus monanthos. _Feuill. obs._ 3. 29. _tab._ 20. Narcissus peruvianus montanus. _Feuill. mss._ 48. _HABITAT_ Limae, Chancaae _in arenosis. Dombey._ _Filamenta aequalia dicit Dombejus: subaequalia mihi visa, sed specimen haud optimum observavi_.

4. AMARYLLIS _spiralis_. Tab. 13. [vide Tab13.jpg] A. spathâ diphyllâ pauciflorâ, pedunculis filiformibus longissimis, foliis subulatis. _HABITAT in arenosis_ Capitis bonae spei. _Bruguiere._ Corolla _sexpartita, limbo patentissimo aequali, tubo brevi_. Filamenta _erecta, alterna breviora_. Scapus _basi tortilis_.

** _Limbo corollae campanulato irregulari, genitalibus declinatis_.

5. AMARYLLIS _Atamasco_. _L._ A. spathâ uniflorâ bifidâ, corollâ subaequali, genitalibus declinatis. A. spathâ uniflorâ, corollâ aequali, pistillo refracto. _Linn. cliff._ 135. Lilio-narcissus indicus pumilus monanthos albus. _Mor. hist._ 2. _p._ 366. _sect._ 4. _t._ 24. _f._ 4. Lilio-narcissus s. narcissus liliflorus carolinianus, flore albo singulari cum rubedine diluto. _Plukn. almag._ 220. _t._ 142. _f._ 3. Lilio-narcissus vernus angustifolius, flore purpurascente. _Barrel. ic._ 994. Lilio-narcissus minimus, foliis gramineis. _Rudb. elys._ 2. 94. _t._ 16. Lilio-narcissus indicus albus. _Weinm. phyt._ 3. _p_ 276. _t._ 652. _f._ 6. Lilio-narcissus virginiensis. _Catesb. car._ 3. _p._ 12. _t._ 12. Lilio-narcissus VI. _Trew. seligm. tab._ 37. _HABITAT in_ Americâ _septentrionali_. ♃

6. AMARYLLIS _maculata_. A. spathâ uniflorâ diphyllâ lineari, flore pedunculato, genitalibus declinatis. _HABITAT in_ Chile. _Dombey._ Scapus _punctis lineatis maculatus_. Corolla _campanulata_.

{11}

7. AMARYLLIS _chilensis_. A. spathâ uni-biflorâ subbifoliâ lanceolatâ, floribus pedunculatis, foliis linearibus. Lilio-narcissus monanthos coccineus. _Feuill. obs._ 3. _t._ 21. (absque foliis.) _mss. p._ 50. (cum foliis.) _HABITAT in_ Chile. _Dombey._ Flores _A. Belladonnae aut reginae, purpurei_.

8. AMARYLLIS _clavata_. A. spathâ uniflorâ diphyllâ subulatâ, corollâ clavatâ. _HABITAT in_ Africâ _australi_. Flos _pedicellatus_. Tubus _basi angustus, non dilatatus_. Limbus _brevissimus_. Folia non vidi, nec stamina observare licuit: an hujus vel praecedentis sectionis incertum remanet.

9. AMARYLLIS _formosissima_. _L._ A. spathâ indivisâ uniflorâ, corollâ bilabiatâ sexpartitâ, petalis inferioribus genitalibusque dependentibus. A. spathâ uniflorâ, corollâ inaequali, genitalibus declinatis. _Linn. cliff._ 135. _act. holm._ 1742. 93. _t._ 6. A. spathâ uniflorâ, corollâ inaequali, petalis tribus genitalibusque declinatis. _Linn. spec._ 420. Narcissus latifolius indicus rubro flore. _Clus. hist._ 1. 157. _cur._ 12. _Bauh. hist._ 2. 609. Narcissus indicus flore sanguineo. _Swertz. flor. t._ 28. Narcissus indicus totus ruber. _Bauh. pin._ 49. Lilio-narcissus jacobaeus latifolius indicus, rubro flore. _Mor. hist._ 2. _p._ 366. _sect._ 4. _t._ 10. _f._ 31. Lilio-narcissus indicus ruber monanthos jacobaeus. _Barrel. icon. t._ 1035. Lilio-narcissus jacobaeus, flore sanguineo nutante. _Dill. elth._ 195. _t._ 162. Lilio-narcissus indicus totus ruber vulgo jacobaeus. _Weinm. phyt._ 3. _p._ 276. _t._ 652. _f. A_. Narcissus jacobaeus. _Trew. seligm. t._ 24. _HABITAT in_ Mexico. ♃ _Corollam polypetalam mentitur, sed_ Petala _reverâ basi unita, staminaque iis inserta ut in congeneribus: tria inferiora dependentia_. Faux _obsolete ramentacea_.

10. AMARYLLIS _reginae_. A. spathâ subbiflorâ, corollis basi tubulosis campanulatis quinquepartitis,

{12}