Florulae Insularum Australium Prodromus
Part 1
Produced by Omaio Systems
[Transcriber's note: Spelling used is exactly as in the original, including typographic errors (e.g. Coprosvra for Coprosma). This UTF8 text contains accented Latin characters, Greek characters and the astronomical symbol for Saturn (used to denote the author's father).]
{i}
FLORVLAE INSVLARVM AVSTRALIVM PRODROMVS
AVCTORE
GEORGIO FORSTER M. D.
SERENISSIMO REGI POLONIAE A CONSILIIS INTIMIS HISTORIAE NATVRALIS ET BOTANICES IN ACADEMIA VILNENSI P.P.O. ACADEMIAE CAESAREAE NATVRAE CVRIOSORVM REGIAE MEDICAE MADRITENSIS REGIAR. SOCIETATVM SCIENTIARVM LONDINENSIS ET HAVNIENSIS SOCIETATVM ANTIQVITATVM ET REI AGRARIAE QVAE CASSELLIS SVNT REI AGRARIAE CELLENSIS ET NATVRAE SCRVTATOR. BEROLINENSIS SODALI NEC NON REGIIS SOCIETATIB. GOTTINGENSI SCIENTIARVM ET PARISINAE REI AGRARIAE LITTERARVM COMMERCIO CONIVNCTO.
GOTTINGAE
TYPIS JOANN. CHRISTIAN. DIETRICH.
MDCCLXXXVI.
{ii}
[blank]
{iii}
VIRO
EXCELLENTISSIMO ET CELEBERRIMO
ANDREAE SPARRMANNO
MEDICINAE DOCTORI PROFESSORI HISTORIAE NATVRALIS MVSEI HOLMIENSIS ACADEMICI PRAEFECTO ACADEMIAE REGIAE SCIENTIARVM HOLMIENSIS SOCIETATIS PHYSIOGRAPHICAE LVNDINENSIS MEMBRO &c.
FLORVLAE COMMVNI STVDIO ORNATAE RECENSUM
D.
GEORGIVS FORSTER.
{iv}
[blank]
{v}
PRAEFATIO.
Ex itinere circa globum terraqueum redux anno MDCCLXXV, coniunctim cum patre optimo _Characterum nouorum generum plantarum_ adumbrationem typis tabellisque aeneis exaratam publici iuris feci. Hanc breui, vt sperabam, ita pollicebar descriptiones integras stirpium orbis australis insequuturas. Haud igitur ab re esset enumerare caussas, quae harum diuulgationem impediverunt; verum piget querelis quamuis iustis immorari.
{vi} Interim vndecimus ab editione nouorum generum vertitur annus. Species plantarum complures, a nobis primum detectae, alienis curis prodierunt in lucem, siue quod in solo natali iterum deprehensae fuerunt, siue quod, etsi a nobis mutuatae, alieno nomini minus religiose illae addictae sunt. Facile quidem tolerari poterat iactura tantillae, inuenti legitimis auctoribus erepti, gloriolae. Sed non potuit non vitium subrepere descriptiunculis alienis iuxta sicca plantarum exemplaria congestis et festinanter nimis in medium prolatis. Quae cum ita essent, iam vltro videbar adstipulari erroribus, ni publice in eosdem animaduerterem. Attamen eadem, quae olim, obstacula manum nostro operi admotam inhibent. Qui in colligendas hasce naturae diuitias aes publicum impenderunt, ad earundem communicationem cum orbe erudito sumtus denegant, librarii redemtionem recusant; vetat res {vii} familiaris tot figurarum scalpturas, quae descriptionibus illustrandis inseruiunt, priuatis opibus moliri. Quid multa? Praemittendum itaque exploratoris vice catalogum Florulae Polynesiae constitui, certiorem me redditurum, num in promtu mihi sint auxiliatrices manus, quibus omnibus his angustiis expediar? Enimuero, nisi cuncta me fallunt, praesagiens iam animo tot inter potentissimos Europae principes exorientem Musagetam video, qui nostrorum tentaminum fautorem se praestet, Floraeque australis ornandae honorem Britannis eripiat.
Nomina plantarum, quas cum amicissimo SPARRMANNO in oceani australis insulis legimus descripsimusque, folis differentiis specificis et locis natalibus adiectis, huic prodromo inserui, exclusis stirpibus magellanicis, nec non iis quas in atlantici maris insulis offendimus. Species cognitas omnes {viii} ad illustris MURRAYI editionem decimam quartam systematis vegetabilium retuli, emendatis hinc inde differentiis specificis, quas fide supplementi plantarum a Linneo, filio, editi, in eximium opus suum receperat vir celeberrimus. Genera noua nonnulla, instituta diligentiore comparatione, deleui; quae autem temere nimis ab aliis ad genera cognita relata fuerunt, restitui. Plantas dubias porro et obscuras aut imperfecte descriptas seorsim enumerandas esse iudicaui, ne et species probe determinatae vna vacillarent.
Scribebam Vilnae Lituanicae, d. XXX. Junii MDCCLXXXVI.
{1}
FLORVLAE INSVLARVM AVSTRALIVM PRODROMVS.
* * * * *
_CLASSIS I._
MONANDRIA.
_MONOGYNIA._
AMOMVM.
1. A. _Zerumbet,_ scapo nudo, spica oblonga obtusa. MVRRAY _Systema Vegetabilium_ edit. XIV. p.50. n.2. Taheiti et reliquae Societatis insulae.
2. A. _Curcuma,_ scapo spathis laxis e centro foliorum. M. _S.V._ p.40. n.5. Culta intra tropicos et in Paschatis insula.
THALIA.
3. T. _cannaeformis,_ corollis hexapetalis: nectario bifido erecto. F. Mallicollo inter nouas Hebrides.
{2}
BOERHAAVIA.
4. B. _erecta,_ caule erecto glabro, floribus diandris. M. _S.V._ p.52. n.1. Insulae Societatis. FORST. _pl. Esculent. ins. Oc. austr._ 41.
5. B. _tetrandra,_ caule repente, floribus tetrandris. F. Ibidem.
_DIGYNIA,_
MNIARVM.
6. M. _biflorum._ M. _S.V._ p.53. FORST. _Charact. Gen._ 1. Noua Zeelandia.
* * * * *
{3}
_CLASSIS II._
DIANDRIA.
_MONOGYNIA._
IASMINVM.
7. I. _simplicifolium,_ foliis oppositis ouato-lanceolatis simplicibus. F. Amicorum Insulae.
8. I. _didymum,_ foliis oppositis ternatis, foliolis ouato-lanceolatis acuminatis integerrimis. F. Societatis Insulae.
VERONICA.
9. V. _Catarractae,_ racemis terminalibus flexuosis, caule suffruticoso, foliis lanceolatis serratis F. Noua Zeelandia.
10. V. _elliptica,_ racemis lateralibus, caule fruticoso, foliis ellipticis integerrimis. F. Ibidem.
11. V. _salicifolia,_ racemis lateralibus nutantibus, caule fruticoso, foliis longo-lanceolatis integerrimis. F. Ibidem.
IVSTICIA.
12. I. _repanda,_ fruticosa, foliis ouatis repandis: pedunculis axillaribus trifidis. F. Tanna.
{4} 13. I. _longifolia,_ suffruticosa, foliis linearibus sinuatis: pedunculis axillaribus trifidis. F. Ibidem.
DIANTHERA.
14. D. _caerulea,_ vmbella fasciculata sessili simplicissima. F. Botanices insula, prope Nouam Caledoniam.
15. D. _clauata,_ panicula subumbellata composita, pedunculis apice dilatatis. F. Societatis insulae.
GRATIOLA.
16. G. _Monnieria,_ foliis ouali-oblongis, pedunculis vnifloris, caule repente. M. _S.V._ p.64. n.2. Insulae Marchionis.
VERBENA.
17. V. _nodiflora,_ tetrandra, spicis capitato-conicis, foliis serratis, caule repente. M. _S.V._ p.66. n.10. Tanna.
_DIGYNIA._
ANTHOXANTHVM.
18. A. _crinitum,_ panicula coarctata, aristis longissimis. F. A. crinitum. M. _S.V._ p.73 n.4. Noua Zeelandia.
_TRIGYNIA._
PIPER.
19. P. _Siriboa,_ foliis inaequaliter cordatis subseptemneruiis venosis. M. _S.V._ p.74. n.5. Noua Caledonia.
{5} 20. P. _excelsum,_ foliis orbiculato-cordatis subseptemneruiis: pedunculis terminalibus solitariis bifidis, caule arboreo. F. Noua Zeelandia.
21. P. _methysticum,_ foliis cordatis acuminatis multineruiis: spicis axillaribus solitariis breuissimis pedunculatis patentissimis. FORST. _Plant. Esc. Insular. Oc. Austr._ 50. Insulae Societatis, Amicorum, Sandwigiae. Culta.
22. P. _latifolium,_ foliis orbiculato-cordatis nouemnerviis: spicis axillaribus aggregatis pedunculatis. F. P. latifolium. M. _S.V._ p.74. n.15. Societatis, Amicorum, Nouarumque Hebridum insulae.
23. P. _acuminatum?_ foliis lanceolato-ouatis neruosis carnosis. M. _S.V._ p.74. n.11. Societatis insulae.
24. P. _pallidum,_ foliis alternis obouatis subtrineruiis: spicis solitariis subterminalibus. F. Ibidem.
25. P. _tetraphyllum,_ foliis quaternis rhombeis sessilibus carnosis. F. Ibidem.
* * * * *
{6}
_CLASSIS III._
TRIANDRIA.
_MONOGYNIA._
COMMELINA.
26. C. _virginica,?_ corollis subaequalibus, foliis lanceolatis ore barbatis, caulibus erectis? M. _S.V._ p.94. n.5. Tongatabu.
CYPERVS.
27. C. _odoratus,_ culmo triquetro nudo, vmbella decomposita simpliciter foliosa, pedicellis distiche spicatis. M. _S.V._ p.97. n.19. Societatis insulae.
SCIRPVS.
28. S. _dichotomus,_ culmo triquetro nudo, vmbella decomposita, spicis dichotomiae sessilibus. M. _S.V._ p 100. n.24. Societatis insulae.
29. S. _junceus,_ culmo teretiusculo filiformi nudo, spica ouata terminali, glumis inuolucri longitudine spicae, tribus mucronatis. F. Ibidem.
KYLLINGA.
30. K. _monocephala,_ culmo filiformi triquetro, capitulo globoso sessili, inuolucro triphyllo longissimo. M. _S.V._ p.101. n.1. Societatis insulae.
{7} 31. K. _triceps,_ capitulis terminalibus subternis, glomeratis sessilibus. M. _S.V._ p.101. n.2. Thryocephalon nemorale FORST. _Charact. gen._ 65. Ibidem.
_DIGYNIA._
SACCHARVM.
32. S. _spontaneum,_ panicula laxa, spicis filiformibus simplicibus, floribus remotis geminatis aristatis: altero pedunculato. F. S. spontaneum M. _S.V._ p.103. n.1. Societatis insulae.
33. S. _officinarum,_ floribus paniculatis, lanugine flosculis longiore. F. _pl. esc._ 51. S. officinarum. M. _S.V._ p.103. n.2. Culta intra tropicos et in Paschatis insula.
PHALARIS.
34. P. _canariensis,_ panicula subouata spiciformi, glumis carinatis. M. _S.V._ p.103. n.1. Noua Zeelandia.
PASPALVM.
35. P. _orbiculare,_ spicis alternis, rachi membranacea, floribus duplici ordine secundis orbiculatis laeuibus. F. Societatis insulae.
PANICVM.
36. P. _hispidum,_ spicis alternis subdiuisis secundis, flosculis geminatis alternis secundis hispidis. F. Noua Caledonia.
{8} 37. P. _sanguinale,_ spicis digitatis basi interiore nodosis, flosculis geminis muticis, vaginis foliorum punctatis. M. _S.V._ p.106. n.13. Societatis insulae.
38. P. _filiforme,_ spicis subdigitatis approximatis erectis linearibus, rachi flexuosa, dentibus bifloris: altero sessili. M. _S.V._ p.106. n.15. Ibidem et Paschatis insula.
39. P. _compositum,_ spica composita, spiculis linearibus secundis, flosculis geminis remotis, calycibus aristatis. M. _S.V._ p.106. n.18. Ibidem.
AGROSTIS.
40. A. _ouata,_ petalo exteriore ante apicem aristato, panicula ouata, coarctata spiciformi. F. Noua Zeelandia.
AIRA.
41. A. _antarctica,_ foliis planis, panicula composita patente, calycibus trifloris, flosculis medio aristatis, arista elongata rectiuscula. F. Noua Zeelandia.
POA.
42. P. _Eragrostis,_ panicula patente, pedicellis flexuosis, spiculis serratis decemfloris, glumis trineruiis. M. _S.V._ p.114. n.17. Noua Caledonia.
43. P. _anceps,_ panicula diffusa, spiculis quinquefloris acutis basi pubescentibus, culmo ancipite. F. Noua Zeelandia.
44. P. _latifolia,_ panicula diffusa nutante, spiculis remotis bifloris, altero pedicellato, margine setoso. F.
{9} An Holcus latifolius? M. _S.V._ p.905. n.12. Insulae Societatis.
CYNOSVRVS.
45. C. _indicus,_ spicis digitatis linearibus, culmo compresso declinato basi nodoso, foliis alternis. M. _S.V._ p.117. n.10. Insulae Societatis.
AVENA.
46. A. _filiformis,_ panicula erecta tenuissima, calycibus vnifloris, aristis calyce duplo longioribus. F. Noua Zeelandia et insula Paschatis.
ARVNDO.
47. A. _Bambos,_ calycibus multifloris, spicis ternis sessilibus. M. _S.V._ p.123. n.1. Passim intra tropicos.
48. A. _conspicua,_ calycibus vnifloris, panicula laxa erecto-patente, petali exterioris arista reflexa longissima. F. Noua Zeelandia.
ROTTBÖLLA.
49. R. _Coelorachis,_ spica tereti vnilaterali, flosculis geminis altero pedicellato: calyce biualui. F. Tanna.
50. R. _repens,_ spica tereti subulata, gluma calycina vniualui indiuisa. F. Insulae intra tropicos.
* * * * *
{10}
_CLASSIS IV._
TETRANDRIA.
_MONOGYNIA._
PETESIA.
51. P. _carnea,_ foliis oblongo-lanceolatis laeuibus: cymis terminalibus trifidis. F. Namoka.
ANCISTRVM.
52. A. _diandrum,_ floribus diandris. F. A. anserinaefolium. FORST. _Charact. gen._ 2. A. Sanguisorbae. M. _S.V._ p.73. n.1. Noua Zeelandia.
BLACKBVRNIA.
53. B. _pinnata._ FORST. _Charact. gen._ 6. Norfolciae insula deserta.
FAGARA.
54. F. _Evodia,_ foliis ternatis, foliolis integris. F. F. Evodia. M. _S.V._ p.160. n.1. Evodia hortensis. FORST. _Charact. gen._ 7. Insulae Amicorum et nouae Hebrides.
OLDENLANDIA.
55. O. _foetida,_ vmbella terminali trichotoma, foliis spatulatis. F. Tonga-tabu.
56. O. _debilis,_ vmbellis axillaribus pedunculatis paucifloris: foliis ouatis sessilibus. F. Ibidem.
{11} 57. O. _tenuifolia,_ pedunculis axillaribus solitariis vnifloris: foliis lineari-subulatis. F. O. tenuifolia. BURM. _ind._ p.47. tab. XIV. f.1. Tanna.
DORSTENIA.
58. D. _lucida,_ caulescens, foliis oblique ouatis integris laeuibus, pedunculis cymosis axillaribus. F. Elatostema pedunculatum. FORST. _Charact. gen._ 53. n.1. Societatis insulae.
59. D. _pubescens,_ caulescens, foliis oblique ouatis serratis pubescentibus : pedunculis axillaribus capituliferis. F. Elatostema sessile. FORST. _Charact.gen._ 53. n.2. Ibidem.
EMBOTHRIVM.
60. E. _vmbellatum,_ vmbellis axillaribus simplicissimis pedunculatis, antheris sessilibus. FORST. _Charact. gen._ 8. n.2. E. vmbellatum. M. _S.V._ p.166. n.1. Noua Caledonia.
_TETRAGYNIA._
TILLAEA.
61. T. _muscosa?_ procumbens, floribus trifidis. M. _S.V._ p.170. n.4. Noua Zeelandia.
* * * * *
{12}
_CLASSIS V._
PENTANDRIA.
_MONOGYNIA._
MYOSOTIS.
62. M. _spatulata,_ seminibus laeuibus, foliis spatulatis hispidis, pedunculis axillaribus solitariis vnifloris. F. Noua Zeelandia.
LITHOSPERMVM.
63. L. _incanum,_ seminibus asperis: spicis terminalibus compositis coarctatis, foliis linearibus villosis. F. ♄. Insula Teautea et insula ferox (Savage I).
TOURNEFORTIA.
64. T. _argentea,_ foliis ouatis obtusis tomentoso-sericeis: spicis terminalibus compositis. M. _S.V._ p.191. n.7. Amicorum insulae.
LYSIMACHIA.
65. L. _decurrens,_ racemis simplicibus terminalibus, corollae segmentis obtusis: staminibus corolla longioribus. F. Tanna.
OPHIORRHIZA.
66. O. _subumbellata,_ caule fruticoso, foliis lanceolatis acutis: vmbellis axillaribus trifidis. F. Taheiti.
{13}
SHEFFIELDIA.
67. S. _repens._ FORST. _Charact. gen._ 9. M. _S.V._ p.198. n.1. Noua Zeelandia et insula Paschatis.
EPACRIS.
* fructu capsulari.
68. E. _longifolia,_ arborea, foliis lineari-lanceolatis basi vaginantibus: racemis erectis articulatis lateralibus. F. E. longifolia. FORST. _Charact. gen._ 10. n.1. M. _S.V._ p.198. n.1. Noua Zeelandia.
69. E. _rosmarinifolia,_ fruticosa, foliis linearibus obtusis rigidis vaginantibus: floribus solitariis lateralibus. F. Ibidem.
70. E. _pumila,_ herbacea? foliis ouato-oblongis imbricatis: floribus sessilibus subsolitariis terminalibus. F. E. pumila. FORST. _Charact. gen._ 10. n.3. M. _S.V._ p.198. n.3. Ibidem.
** fructu baccato; _Stipheliae,_ Solandr.
71. E. _juniperina,_ arborea, foliis sparsis linearibus cuspidatis, serrulatis: floribus sessilibus solitariis terminalibus. F. E. juniperina. FORST. _Charact. gen._ 10. n.2. Ibidem.
72. E. _fasciculata,_ arborea, foliis confertis linearibus acuminatis: racemis spicatis lateralibus cernuis. F. E. juniperina. M. _S.V._ p.198. n.2. Ibidem.
{14}
PLVMBAGO.
73. P. _zeylanica,_ foliis petiolatis ouatis glabris, caulibus filiformibus. M. _S.V._ p.199. n.2. Societatis insulae.
CONVOLVVLVS.
74. C. _Tuguriorum,_ (volubilis) foliis cordato-sagittatis acutis: caule anguloso, pedunculis tetragonis vnifloris. F. Noua Zeelandia.
75. C. _Turpethum,_ foliis cordatis angulatis, caule membranaceo-quadrangulari, pedunculis multifloris. M. _S.V._ p.201. n.22. FORST. _pl. Esc._ 52. Societatis et Amicorum insulae.
76. C. _grandiflorus?_ (volubilis) foliis cordatis acutis rugosiusculis multineruiis : calycis foliolis subrotundis obtusissimis, pedunculis clauatis vnifloris. F. C. grandiflorus? M. _S.V._ p.201. n.23. Tanna.
77. C. _coelestis,_ (volubilis) foliis cordatis acuminatissimis pubescentibus: pedunculis elongatis vmbellato-trifidis. F. Tanna.
78. C. _peltatus,_ foliis peltatis, pedunculis multifloris. M. _S.V._ p.201. n.27. Societatis insulae.
79. C. _mucronatus,_ (volubilis) foliis palmato-pedatis, lobis ciliatis apice mucronatis: pedunculis vnifloris. F. Tanna.
80. C. _corymbosus,_ foliis cordatis, pedunculis vmbellatis, caule repente. M. _S.V._ p.203. n.52. Noua Caledonia.
{15} 81. C. _brasiliensis,_ foliis emarginatis basi biglandulosis: pedunculis trifloris. M. _S.V._ p.204. n.62. Intra tropicos passim.
IPOMOEA.
82. I. _Bonanox,_ foliis cordatis acutis integerrimis, caule aculeato, floribus ternis, corollis indiuisis. M. _S.V._ p.204. n.10. Tanna.
83. I. _carnea,_ foliis cordatis glabris: pedunculis multifloris, corollis marginatis. M. _S.V._ p.205. n.13. Societatis insulae.
CAMPANVLA.
84. C. _gracilis,_ foliis lineari-lanceolatis obsolete serratis, caule dichotomo, floribus solitariis terminalibus. F. Noua Zeelandia et Noua Caledonia.
NAUCLEA.
85. N. _orientalis._ M. _S.V._ p.212. Societatis insulae.
PORTLANDIA.
86. P. _tetrandra,_ floribus tetrandris, foliis obouatis. F. P. tetrandra. M. _S.V._ p.213 n.1. Insula ferox (Savage island).
SCAEVOLA.
87. S. _Lobelia._ M. _S.V._ p.213. Tongatabu.
CINCHONA.
88. C. _corymbifera,_ foliis oblongo-lanceolatis, corymbis axillaribus. FORST. in _act. Ups. nov._ Vol.III. p.176. M. _S.V._ p.214. n.3.
{16}
PSYCHOTRIA.
89. P. _speciosa,_ arborea, foliis oblongo-lanceolatis, inuolucro terminali subtrifloro. F. Taheiti.
90. P. _asiatica,_ stipulis emarginatis, foliis lanceolato-ouatis. M. _S.V._ p.214. n.1. Ibidem.
91. P. _herbacea,_ caule herbaceo repente, foliis cordatis petiolatis. M. _S.V._ p.214. n.3. Ibidem.
COFFEA.
92. C. _sambucina,_ foliis oblongo-lanceolatis acutis: cymis corymbosis terminalibus. F. Insulae Amicorum.
93. C. _opulina,_ foliis ouato lanceolatis; cymis coarctatis globosis terminalibus. F. Noua Caledonia.
94. C. _odorata,_ foliis ouatis acutis: cymis corymbosis axillaribus. F. Tanna et Amicorum insulae.
95. C. _triflora,_ foliis ouato-lanceolatis acuminatis: pedunculis terminalibus ternis vnifloris. F. Taheiti.
CHIOCOCCA.
96. C. _barbata,_ erecta, foliis ouatis, pedunculis axillaribus vnifloris, corollis fauce barbatis. F. Marchionis, Societatis et Amicorum insulae.
BAEOBOTRYS.
97. B. _nemoralis._ FORST. _Charact. gen._ 11. Tanna.
{17}
DENTELLA.
98. D. _repens._ FORST. _Charact. gen._ 13. Noua Caledonia.
MORINDA.
99. M. _vmbellata,_ erecta, foliis lanceolato-ouatis, pedunculis confertis. M. _S.V._ p.217. n.1. Insulae Societatis.
100. M. _citrifolia,_ arborea, pedunculis solitariis. M. _S.V._ p.217. n.2. Societatis et Amicorum insulae.
ERITHALIS.
101. E. _polygama,_ foliis obouatis: floribus axillaribus, masculis cymosis, hermaphroditis solitariis. F. β. Timonius. RUMPH. _Amb._ III. p.216. t.140. angustifolia. Societatis insulae.
MVSSAENDA.
102. M. _frondosa,_ panicula foliis coloratis. M. _S.V._ p.218. n.1. Taheiti. Namoka.
GENIOSTOMA.
103. G. _rupestris._ FORST. _Charact. gen._ 12. Tanna.
NICOTIANA.
104. N. _fruticosa?_ foliis lanceolatis subpetiolatis amplexicaulibus, floribus acutis, caule frutescente. M. _S.V._ p.221. n.2. Botanices Insula prope nouam Caledoniam.
{18}
SOLANVM.
105. S. _repandum,_ caule inermi subherbaceo flexuoso laeui, foliis ouatis repandis tomentosis, pedunculis axillaribus cymosis. F. Marchionis et Societatis insulae.
106. S. _nigrum,_ caule inermi herbaceo, foliis ouatis dentato-angularis, racemis distichis nutantibus. M. _S.V._ p.223. n.20. Insula Paschatis.
107. S. _auiculare,_ caule inermi fruticoso, foliis sinuato-pinnatifidis: corymbis terminalibus. F. Noua Zeelandia.
CORDIA.
108. C. _Sebestena,_ foliis oblongo-ouatis repandis scabris. M. _S.V._ p.230. n.3. Societatis insulae.
109. C. _aspera,_ foliis ouatis acuminatis asperis: floribus cymosis rugosis. F. Tongatabu.
110. C. _dichotoma,_ foliis oblongo-ouatis vix crenatis: corymbis dichotomis. F. Noua Caledonia.
CARPODETVS.
111. C. _serratus._ FORST. _Charact. gen._ 17. Noua Zeelandia.
CEANOTHVS.
112. C. _capsularis,_ foliis ouato-cordatis, acuminatis serratis: capsulis triualuibus dehiscentibus. F. Taheiti.
{19}
CELASTRVS.
113. C. _crenatus,_ inermis, foliis ouatis crenulatis: cymis axillaribus. F. Marchionis insulae.
CORYNOCARPVS.
114. C. _laeuigata._ FORST. _Charact. gen._ 16. M. _S.V._ p.242. Noua Zeelandia.
ARGOPHYLLVM.
115. A. _nitidum._ FORST. _Charact. gen._ 15. M. _S.V._ p.242. Noua Caledonia.
ACHYRANTHES.
116. A. _aspera,_ caule fruticoso erecto, calycibus reflexis spicae adpressis. M. _S.V._ p.246. n.1. Passim intra tropicos.
GYNOPOGON.
117. G. _stellatum,_ foliis verticillatis ternis lanceolatis FORST. _Charact. gen._ 18. n.1. Societatis et Amicorum insulae.
118. G. _Alyxia,_ foliis verticillatis quinis obouatis. F. Norfolciae insula.
119. G. _scandens,_ foliis oppositis ouatis costatis. F. Societatis insulae.
CERBERA.
120. C. _Manghas,_ foliis lanceolatis, neruis transuersalibus. M. _S.V._ p.251. n.2. Societatis insulae.
121. C. _paruiflora,_ foliis stellatis obouatis. F. Insulae Amicorum et Savage island.
{20}
GARDENIA.
122. G. _florida,_ inermis, corollis obtusis, calyce angulato, foliis ouatis acutis. M. _S.V._ p.251. n.2. Societatis et Amicorum insulae.
ECHITES.
123. E. _costata,_ pedunculis cymosis, foliis elliptico-lanceolatis acuminatis. F. Kametti-valli. RHEED. _hort. malab._ P. IX. p.23. t. 14. Insulae Societatis.
TABERNAEMONTANA.
124. T. _citrifolia,_ foliis oppositis ouatis, floribus lateralibus glomerato-vmbellatis. M. _S.V._ p.255. n.1. Namoka.
_DIGYNIA._
MELODINVS.
125. M. _scandens._ FORST. _Charact. gen._ 19. M. _S.V._ p.256. Noua Caledonia.
PERIPLOCA.
126. P. _capsularis,_ foliis lanceolatis integerrimis oppositis: cymis axillaribus diffusis. F. Noua Zeelandia.
CYNANCHVM.
127. C. _viminale,_ caule volubili perenni aphyllo. M. _S.V._ p.257. n.1. Botanices insula.
{21}
ASCLEPIAS.
128. A. _volubilis,_ arborea volubilis, foliis oppositis cordato-subrotundis integerrimis carnosis: vmbellis simplicissimis erectis. F. A. volubilis? M. _S.V._ p.259. n.4. Nansiera-patsia. RHEED. _hort. mal._ P. IX. p.21. t. 13. Numularia lactea maior. RUMPH. _amb._ V. t. 175. f. 1. Tanna.
CHENOPODIVM.
129. C. _triandrum,_ foliis cordato-sagittatis, spicis terminalibus aphyllis interruptis. F. Noua Zeelandia.
SALSOLA.
130. S. _Kali,_ herbacea decumbens, foliis subulatis spinosis scabris, calycibus marginatis axillaribus. M. _S.V._ p.263. n.1. Botanices insula.
131. S. _fruticosa,_ fruticosa erecta, foliis filiformibus obtusiusculis. M. _S.V._ p.263. n.12. Noua Zeelandia.
GENTIANA.
132. G. _saxosa,_ corollis quinquefidis campanulatis, foliis spatulatis. F. M. _S.V._ p.268. n.14. Noua Zeelandia.
133. G. _montana,_ corollis quinquefidis campanulatis, foliis cordatis sessilibus. F. Ibidem.
DICHONDRA.
134. D. _repens._ FORST. _Charact. gen._ 20. Noua Zeelandia.
{22}
HYDROCOTYLE.
135. H. _moschata,_ foliis reniformibus septemlobatis serratis villosis: vmbellis multifloris. F. Noua Zeelandia.
PEVCEDANVM.
136. P. _geniculatum,_ foliis subrotundo-reniformibus crenatis. F. Noua Zeelandia.
COPROSVRA.
137. C. _lucida,_ pedunculis compositis. M. _S.V._ p.274. n.1. FORST. _Charact. gen._ 69. n.2. Noua Zeelandia.
138. C. _foetidissima,_ floribus solitariis. M. _S.V._ p.274. n.2. FORST. _Charact. gen._ 69. n.1. Ibidem.
LASERPITIVM.
139. L. _Aciphylla,_ caule vaginato, petiolis foliorum dilatatis, foliis digitatis linearibus elongatis mucronatis. M. _S.V._ p.282. n.14. Aciphylla squarrosa. FORST. _Charact. gen._ 68. Noua Zeelandia.
LIGVSTICVM.
140. L. _Gingidium,_ foliis pinnatis, foliolis rhombeo-cordatis obliquis crenatis obtusis. F. Gingidium montanum. FORST. _Char. gen._ 21. Noua Zeelandia.
APIVM.
141. A. _graueolens,_ foliis caulinis cuneiformibus. M. _S.V._ p.292. n.2. Noua Zeelandia.
{23}
_TRIGYNIA._
RHVS.
142. R. _atrum,_ foliis simplicibus, ouato-oblongis: floribus polygamis. F. Noua Caledonia.
XYLOPHYLLA.
143. X. _longifolia,_ foliis linearibus, ramis tetragonis. M.S V. p.296. n.1.
_PENTAGYNIA._
COMMERSONIA.
144. C. _echinata._ FORST. _Charact. gen._ 22. M. _S.V._ p.300. Societatis insulae.
LINVM.
145. L. _monogynum,_ foliis alternis lineari-lanceolatis trineruiis, caule suffruticoso. F. Noua Zeelandia.
_POLYGYNIA._
SCHEFFLERA.
146. S. _digitata._ FORST. _Charact. gen._ 20. Noua Zeelandia.
* * * * *
{24}
_CLASSIS VI._
HEXANDRIA.
_MONOGYNIA._
CRINVM.
147. C. _asiaticum?_ foliis carinatis. M. _S.V._ p.318. n.2. Amicorum insulae.
ANTHERICVM.