Chapter 6

Le Roy Loys vnziéme, apres la bataille de Montlehery contre le Comte de Charrolois, se souuenant de l'appennage du Duché de Bourgongne, dit, On appelle Charles le quint Charles le sage, mais c'est à tort: car il feit folie d'auoir baillé à son plus ieune frere la duché de Bourgongne pour son appennage, luy donnant aueq cela Marguerite heretiere de Flandres pour sa femme. Apres icelle bataille, on luy vint dire que son ennemy le Comte de Charrolois, passoit la nuit en son Camp. Il ne se faut esmerueiller (dit le Roy) s'il demeure aux champs, attendu qu'il n'ha ville ny chasteau pour se retirer.

Il Re Lodouico vndecimo dopo la bataglia di Monteleheri contra il Conte di Charrolese, ricordandosi dello appennagio d'il ducato di Borgogna, disse. Chiamano Carolo quinto Carolo saggio: ma questo è a torto: perche egli fece pazzia d'hauer dato al suo piu giouene fratello il ducato di Borgogna per il suo appennagio, dandoli con quello Marguerita herede di Fiandres per sua moglie. Finita quella bataglia, gli fù riferito ch'il suo nimico il Conte di Charrolese, passaua la notte al suo campo. Non è marauiglia (disse il Re) se egli sta nelle campagne, atteso che non ha terra ne castello per ritirarsi.

Oyant la messe en vne Eglise de Chanoines, il seut, qu'en ce iour estoit trespassé vn Chanoine de leans: lors aduisant vn simple prestre qui dormoit dans vne chappelle, dit: Ie donne la prebende à cestuy là, à fin qu'il puisse dire à l'aduenir, que les biens luy sont venuz en dormant.

Vdendo la messa in vna chiesia di Canonici, seppe ch'in quel giorno era di vita passato vn Canonico de là dentro. Al'hora guatando vn semplice prete, il qual dormiua dentro vna capella, disse. Io dono la prebenda a quello là: a ciò che egli puossa dir a l'auenire, che i beni gli sono venuti dormendo.

Le Capitaine Maran venant vers iceluy Roy Loys pour l'aduertir des expeditions par luy faittes à Cambray, portoit au col vn riche collier d'or, qu'on disoit auoir esté fait des reliques des Eglises dudit Cambray: et comme vn gentilhomme voulut manier ledit collier, le Roy luy dit, Garde toy bien d'y toucher, car c'est chose sacrée.

Il Capitanio Maran, venendo verso quello istesso Re Lodouico, per auertirlo delle espeditioni per lui fatte a Cambrai, portaua al collo vn riccho colario d'oro, che diceuano esser stato fatto delle reliquie delle chiesie del detto Cambrai. E come vn Gentilhuomo volle maneggiare il detto colario, il Re gli disse. Guardate bene di toccarci, perche questo è cossa sacra.

Ayant ouy reciter (iceluy mesme Roy Loys vnziéme) que Nicolas Raulin, Chancellier du Duc de Bourgongne homme tresriche, auoit fondé à Beaune en Bourgongne vn hospital excellent en edifice et en meubles, il dit: C'est raison que le Chancellier de Bourgongne, qui en son temps ha fait plusieurs pauures, fasse à la fin de ses iours vn hospital pour les nourrir et loger.

Hauendo vdito recitare (il sopradetto Re Lodouico) che Nicolao Raulino, Cancelliere del Duca di Borgogna, huomo ricchissimo, haueua fondato a Beauna in Borgogna vn'hospedale eccellente in edificio e in beni mobili, disse. Questo è ragion, ch'il Cancellier di Borgogna, qual in suo tempo ha fatti parechi poueri, faccia alla fine di suoi di vn hospedale per nutricarli e alloggiare.

Le Roy Loys vnziéme Interrogant quelqu'vn de basse condition, suiuant sa court, lequel ne connoissoit point le Roy, combien il gagnoit? L'homme respondit, Ie gagne autant que le Roy: car luy et moy viuons aux despens de Dieu, et au partir de ce monde n'emportera non plus que moy. Le Roy estimant ceste parolle, le feit son valet de chambre.

Il medesimo Re Ludouico vndecimo interrogando vno di bassa conditione qual seguitaua la corte, (ilqual non lo cognosceua) quanto egli guadagnaua? l'huomo rispose. Io guadagno tanto quanto il Re: perche lui e io viuemo alle spese d'Idio, e nel partire di questo mondo non ne portara non piu che io. Il Re estimando questa parola, lo fece suo varleto di camera.

Quelque personnage demanda au Roy Loys vnziesme vn office qui vaquoit en la ville d'ou il estoit: le Roy luy refusa, et luy osta toute esperance de l'impetrer. Le demandeur remercia le Roy en grand reuerence et s'en alla. Le Roy iugeant cest homme n'estre de pauure esprit, et qu'il n'auoit (à son aduis) entendu ce qu'il luy auoit dit, le feit rapeller, & l'interrogua s'il auoit bien entendu son dire, il respondit, ouy Sire. Que t'ay ie dit? Vous m'auez esconduit de ma requeste. Pourquoy m'as tu dit grand mercy? Pource (dit il) Sire, que m'auez fait vn tresgrand bien plus que vous ne pensez, m'ayant si tost donné ma despesche, sans me faire perdre temps à courir apres vous, repeu de vaine esperance. Le Roy se contentant grandement de ceste responce, le pourueut de l'office, et à l'instant luy en feit expedier les lettres.

Qualche persona domando al Re Lodouico vndecimo vn vfficio, che vacaua nella terra d'onde egli era. Il Re lo riffiuto, e gli tolse ogni speranza d'impetrarlo. Il domandante ringratio il Re con gran riuerentia, e se ne ando. Il Re giudicando questo huomo non esser di pouero ingegno, e che non haueua (al parer suo) inteso quello che gli haueua detto, lo fece richiamare, e l'interrogo se egli haueua ben inteso il suo dire. Rispose de si. Che t'ho io detto? Voi me hauete rifiutata mia supplica. Perche me hai tu detto gran merce? Per ciò che (disse) Sire, me hauete fatto vn grandissimo bene, piu che voi non pensate, hauendomi cossi presto ispedito, senza farmi perder tempo a correre apresso voi, pasciuto di vana speranza. Il Re contentandosi grandamente da questa risposta, il prouide de l'vfficio, e a l'instante gli ne fe espedire le lettere.

Iceluy Seigneur Roy Loys vnziesme allant à la chasse estoit monté sur vn petit cheual: monsieur Pierre de Bresay seneschal de Normandie, qui luy tenoit compagnie, luy demanda ou il auoit pris vn si puissant cheual et si fort. Comment? (dit le Roy) est si foible & petit. Il me semble de grand force (dit Bresay) car il vous porte aueq tout vostre conseil, pource que le Roy ne vouloit iamais autre conseil que le sien propre.

Il sopradetto Re andando alla caccia era montato sopra vn piccolo cauallo. Il signor Pietro di Bresai, Senescalle di Normandia, che gli faceua compagnia, gli domandò doue egli haueua preso vn cossi possente cauallo, e si forte. Come? (disse il Re) egli è cossi debole e picolo. Parmi pur di gran forza (disse Bresai) perche egli porta voi con tutto vostro consiglio, perche il Re non voleua mai altro consiglio che il suo proprio.

Les Ambassadeurs du Roy d'Angleterre ayans fait leur charge enuers le Roy Loys vnziesme, il demanda à monsieur de Bresay, quelle chose il pourroit donner à iceux Ambassadeurs, qui ne luy coustast guerres. Il respondit, Sire, faittes leur present de voz Chantres, car ilz vous coustent beaucoup, et vous seruent de peu, et si n'y prenez pas grand plaisir.

Gli Imbasciatori del Re d'Inghilterra, hauendo fatto il carico loro verso il Re Lodouico vndecimo, il Re domando al signore di Bresai, qual cossa egli puotrebbe dar a essi Imbasciatori, che gli costasse puoco, Rispose. Sire, fatte lor presente de i vostri Cantori: perche egli vi costan molto, e vi serueno di puoco: oltra che voi non ci prendete molto piacere.

Le Roy Loys faisant la guerre aux Venitiens, quelqu'vn luy voulant dissuader icelle, luy dit, qu'il y auoit peril pour les Francois, et que ceux de Venise estoyent hommes prudens et sages. Ie leur mettray (dit il) tant de folz, teste à teste, qu'ilz ne sauront de quel costé se tourner.

Facendo il Re Lodouico la guerra a i Venitiani, qualcheduno, volendolo dissuadere da quella, gli disse, che v'era pericolo per i Francesi, e che Venitiani erano huomini prudenti e saui. Io mandaro loro (disse lui) tanti matti in testa, che egli non sapranno da che canto voltarsi.

Le Roy Loys ayant donné vn office de conseiller en Parlement à vn personnage qui n'estoit des plus prudens, La court ne le voulut receuoir, et enuoya deux conseillers d'icelle vers le Roy, luy remonstrer l'insuffisance de l'homme. Le Roy les ayant ouy blasmer l'ignorance de l'impetrant, leur demanda. Combien estes vous en vostre court? Cent, dirent les conseillers. Comment? (dit le Roy) vous estes tant de gens sauans ensemble, n'en sauriez vous faire vn sage.

Hauendo questo Lodouico dato vno vfficio di Consigliere a vno che non era d'i piu prudenti, la corte non lo volse accettare: e mando duoi Consiglieri d'essa verso al Re, rimostrarli l'insufficientia de l'huomo. Il Re hauendoli vditi biasmare l'ignorantia de lo impetrante, domando loro. Quanti siate voi in vostra corte? Cento (dissero i Consiglieri) Come? (disse il Re) voi siate tanti huomini dotti insieme: no ne sapreste voi far vn saggio?

Le Roy Francois premier du nom vsa d'vn mot tel qu'il appartient à Prince treschrestien. Quelqu'vn luy demandoit pardon pour vn autre qui auoit mal parlé dudit Seigneur. Il luy dit, Celuy pour qui tu supplies apprenne à parler peu, et i'apprendray à pardonner beaucoup.

Il Re Francesco primo del nome vsò d'un moto tal che egli appartiene a prencipe christianissimo. Qualcheduno gli domandaua perdono per vn altro, che haueua mal parlato del detto signore. Egli gli disse. Quello per cui tu supplichi impare a parlar puoco, e io impararò a perdonar molto.

Comme on estoit en propos et sur le point de moyenner la paix entre les maiestez de l'Empereur Charles cinquiéme, et d'iceluy Seigneur Roy, il dit: Nous ne pourrions iamais demeurer longuement en paix, puis que l'Empereur ne veut auoir de compagnon, et ie veux encores auoir moins de maistre.

Come erano le cosse in proposto e in su' il punto di pratticare la pace tra le Maesta de l'Imperatore Carolo quinto, e d'esso signore Re Francesco primo, egli disse. Noi non puotremo mai restare luongamente in pace, perche l'Imperatore non vuol hauere compagno, e io voglio anchora manco hauer patrone.

Anthoine Panorme estant interrogué du Roy Alphonse, quelles choses estoyent requises et necessaires pour viure ioyeusement, et pacifiquement en l'estat de mariage, pource qu'ordinairement y ha des fascheries et ennuys. Il respondit, qu'il y auoit besoin de deux choses. La premiere, que le mary feust sourd, pour n'entendre toutes les sottises, mauuaises parolles, & maniere de viure de sa femme. La seconde, que la femme feust aueugle, pour ne voir toutes les intemperances de son mary.

Anthonio Panormo essendo interrogato del Re Alfonso, che cosse erano bisognose e necessarie per viuere lietamente e pacificamente nello stato di matrimonio, per ciò che ordinariamente v'è d'i fastidi e noie: rispose, che vi bisognauano due cosse. La prima, ch'il marito fosse sordo, per non intendere tutte le schiocchezze, male parole, e modo di viuere di sua moglie. La seconda, che la donna fosse cieca, per non vedere tutte l'intemperantie del suo marito.

Vn matin le Roy Alphonse se voulant mettre à table, osta les riches anneaux d'or de ses doigts pour lauer ses mains, & les bailla au premier qui se presenta deuant luy, sans y prendre garde. Le seruiteur voyant que le Roy n'auoit point aduisé à qui il les auoit baillez, et ne les auoit demandez, pensa qu'il les auoit oubliez, et parce estoit bien facile à les retenir: ce qu'il feit. Et apres qu'vn long temps fut passé, voyant qu'on ne s'en souuenoit point, les retint du tout. Aduint qu'approchant le bout de l'an vn autre matin que le Roy se vouloit mettre à table, ce seruiteur se trouua pres de luy, et tendit la main pour prendre les anneaux comme l'autre fois: mais le Roy se baissant iusques pres de son aureille, luy dit tout bas: Suffise toy d'auoir eu les premiers: car ceux cy seront bons pour vn autre.

Vna matina volendosi il Re Alfonso porre a mensa, cauò i ricchi annelli d'oro delle sue ditta, per lauar sue mani: e gli diede al primo che s'appresento dinanzi a lui, senza porui mente. Il seruitore, vedendo che il Re n'haueua punto guardato a cui egli l'haueua dati, e non gli haueua domandati, penso che esso gli haueua dosmentecati, e che per ciò era ben facile a ritenerli, ciò che fece. E dopo ch'vn longo tempo fu passato, vedendo che non se ne faceua ricordo, gli ritienne del tuto. Aduiene che auicinandosi il fine de l'anno, vn'altra matina ch'il Re se voleua porre a mensa, questo seruitore trouosi presso di lui, e tese la mano per prendere gli anneli come l'altra volta. Ma il Re abbassandosi per fino presso di sua orechia, gli disse piano. Bastiti d'hauer hauuti gli primi: perche questi qui sarano buoni per vn altro.

Vn Courtisan, lequel despendoit desmesuréement les largesses royalles, et pressoit fort le Roy Alphonse de luy donner quelques deniers. Le Roy luy dit, Si ie continue à te donner, ie me feray plustost pauure, que ie ne te feray riche: car quiconques te donne, ne fait autre chose sinon que mettre de l'eau dans vn panier percé.

Vn cortigiano, ilqual spendeua smisuratamente le larghezze Regale, faceua instanza al Re Alfonso che gli desse qualche dinari. Il Re gli disse. S'io persisto a darti, io mi faro piu tosto pouero, che io non ti faro riccho: perche qualunche ti da non fa altra cossa senon che porre de l'aqua dentro vn cesto perforato.

Le Roy alphonse oyant quelque iour la messe, et estant l'Eglise en danger de tomber par vn tremblement de terre, les assistans s'enfuirent et le prestre quant et quant, mais il le feit demeurer et acheuer le sacrifice. Despuis quand on luy demanda, pourquoy en vn si grand peril il ne s'estoit remué de sa place, il respondit en grande grauité ceste sentence de Salomon en son Ecclesiastique.

Il Re Alfonso vdendo vn di la messa, e essendo la chiesia in pericolo di cascare per vn terremoto, gli assistenti se ne fuggirono, e il prete anchora: ma egli lo fece affermare, e finire il sacrificio. Dopo quando gli fu domandato, perche in vn cossi gran periglio egli non s'era mosso del suo luogo, rispose con grande grauità questa sententia di Salomone nel suo Ecclesiastico.

_Corda Regum in manu Dei sunt._

_Corda Regum in manu Dei sunt._

Charles Martel Maire du Palais de France (qu'aucuns dient estre l'office de Connestable) feit regner successiuement quatre Roys en France, à sauoir Childeric dit Daniel, Clotaire quatriéme, Theodore deuxiéme, et Childeric troisiéme. Iceluy Childeric offrit audit Charles Martel le Royaume de France, et le pria d'en prendre le nom et la coronne: qu'il refusa, disant: que c'estoit chose plus glorieuse regner dessus les Roys que d'estre Roy. Ceste sentence est contenue en son Epitaphe.

Carolo Martello Maestro del palazzo di Parigi (che alcuni dicono esser l'vfficio di Contestabile) fece regnare successiuamente quatro Re in Francia: ciò è Childerico, detto Daniele, Clotario quarto, Theodorico secondo, e Childerico terzo. Esso Childerico proferse al detto Carolo Martello il regno di Francia, e lo pregò di pigliarne il nome e la corona: che egli pur rifiutò, dicendo che era cossa piu gloriosa regnare sopra d'i Re, che d'esser Re. Questa sententia è recitata nel suo epitafio.

_Ille Brabantinus dux primus in orbe triumphat, Malleus in mundo specialis Christicolarum, Dux Dominusque Ducum, Regum quoque Rex fore spernit: Non vult regnare, sed Regibus imperat ipse._

_Ille Brabantinus Dux primus in orbe triumphat, Malleus in mundo specialis Christicolarum, Dux dominusque Ducum, Regum quoque Rex fore spernit: Non vult regnare, sed Regibus imperat ipse._

En la Ville de Constantinoble, vn Chrestien demanda par prest à vn Iuif la somme de cinq cens ducatz. Le Iuif les luy bailla à condition que pour l'vsure il luy bailleroit à la fin du terme deux onces de sa chair, coupées en l'vn de ses membres. Le temps de payer escheu, le Chrestien rendit les cinq cens ducats au Iuif, refusant bailler de sa chair. Le Iuif pour auoir l'vsure le feit conuenir deuant le grand Seigneur: lequel ayant ouy les demandes et responses, et iugeant à l'equité commanda apporter vn rasoir et le mettre dans la main du Iuif, luy disant à fin que tu connoisses qu'on te fait iustice, coupe de la chair du Chrestien deux onces selon ta demande, mais garde toy bien d'en couper ou plus ou moins, autrement ie te feray mourir. Le Iuif sachant cela impossible, tint le Chrestien pour quitte.

Nella cità di Constantinopoli vn Christiano domando in presto a vn Giudeo la somma di cinque cento ducati. Il Giudeo le lui diede a conditione, che per l'vsura egli gli darebbe in fine del termino due oncie di sua carne, tagliata in uno di suoi membri. Il tempo del pagamento accaduto, il Christiano rese i cinque cento ducati al Giudeo, rifiutando dare di sua carne. Il Giudeo per hauer l'vsura lo fece citare dinanzi il Gran signore Sultano Solimano. Ilquale hauendo vdite le petititoni e risposte, e giudicando a l'equità, comandò che fosse portato un rasoio, e posto in man del Giudeo, dicendoli. A ciò che tu cognosci che te è fatta giustitia, taglia tu della carne del Christiano due oncie secondo che chiedi. Ma guardati bene de non tagliarne piu, o meno: altrimente io ti faro morire. Il Giudeo sapendo che questo era impossibile, tienne il Christiano per quitto.

Saladin Roy d'Asie, de Sirie, et d'Egipte, monstra à sa mort combien il connoissoit la nature de l'homme estre miserable. Il commanda qu'apres son trespas, on portast au bout d'vne lance parmy son camp à la veue de tous les Seigneurs et soldats de l'armée, la chemise qu'il auoit vestue, et que celuy qui la porteroit criast à haute voix, Saladin dompteur d'Asie, entre les grandes richesses lesquelles il ha conquestees, n'emporte que ce seul linge.

Saladino Re d'Asia, di Siria, e d'Egitto, mostrò in sua morte quanto egli cognosceua la natura de l'huomo esser miserabile. Egli comandò che dopo sua morte fosse portata in cima d'una lancia fra il suo campo, in vista di tutti i signori e soldati de l'armata, la camisia che egli haueua vestita: e che quello che la portarebbe gridasse ad alta voce, Saladino domitore d'Asia, tra le grande richezze che egli ha conquistate, no ne porta que questa sindone.

Raymire deuxiesme du nom Roy d'Aragon, homme fort simple, voulant aller en guerre contre les Maures, ses Barons l'armerent et monterent à cheual, puis luy meirent sa targe en la main gauche, et la lance en la main droitte: & luy baillans encores les resnes de la bride de son cheual, mettez les moy (dit il) en la bouche: car les mains sont pleines. Duquel acte ses Barons se prindrent à rire à gorge desployée en s'en gaudissant sans aucune reuerence. Mais vn iour Raymire se resentant de leur mocquerie, feit venir en sa ville d'Osée, vnze de ses plus nobles Barons, & là leur feit trencher la teste, sans dire autres parolles que cestes cy.

Raimirio secondo del nome, Re d'Aragonia, huomo molto semplice, volendo andare in guerra contra i Mori, i Baroni suoi l'armorono e montorono a cauallo, poi gli puosero sua targa nella man manca, e sua lancia nella man destra: e dandogli ancora le rene della briglia di suo cauallo, Ficcate le me (disse) nella bocca, perche le mani sono piene. D'il qual atto suoi Baroni si presero a ridere a gola spiegata, se ne burlando senza alcuna riuerentia. Ma vn di Raimirio rissentendosi di la burla, fè venire in sua cità d'Osea vndeci d'i suoi piu nobili Baroni: e là fece loro tagliar la testa, senza dir altre parole che queste qui.

_La renardaille, Ne sait de qui elle se raille._

_Le volpinceffe, Non san da cui si fanno beffe._

Bonne responce feit le Comte de Lazaran, aux Ambassadeurs de Lamorabaquin Roy des Tartares, lequel voulant entrer aueq grosse armée au Royaume de Hongrie, enuoya ses messagers vers le Comte de Lazaran, aueq vn mulet chargé de grains de millet, pour luy demander passage dans son païs, à fin qu'il peust entrer en Hongrie. Les Ambassadeurs faisans leur commission, trouuerent le Comte en son chasteau nommé Archeforme: et estans bien informez de leur charge, luy demanderent passage pour leur Seigneur et son armée aueq toute obeïssance et reddition de seruitude: Autrement auoit deliberé celuy Lamorabaquin de mettre dans le païs du Comte plus de gens de guerre qu'il n'y auoit de grains de millet dedans leurs sacs. Et ce disant feirent espandre le grain parmy la court du Chasteau. Le Comte les receut, et escouta humainement, et au troisiéme iour leur voulant donner responce, commanda de faire sortir en sa court, vne quantité de coqs et de poules qui ia auoyent esté enfermez par ces trois iours sans manger, lesquelz en moins d'vn quart d'heure mangerent tout le millet. Et apres dit aux Ambassadeurs, dittes à vostre Seigneur, qu'il ha grand nombre de gens: mais qu'il n'en sauroit tant mettre aux champs qu'ilz ne soyent tous occis ou vaincuz, comme vous auez veu ces grains de millet estre deuorez par ma poulaille. Le Comte selon son esperance eut la victoire.

Buona risposta fece il Conte di Lazaran a gli Imbasciatori di Lamorabaquin, Re d'i Tartari: ilquale volendo entrare con grossa armata al regno d'Hungaria, mandò suoi messi verso il Conte di Lazaran con vn mulo carico di grani di miglio, per domandarli passagio dentro suo paese, a ciò che egli puotesse entrare in Hungaria. Gli Imbasciatori facendo la comission loro, trouorono il Conte in suo castello, chiamato Archeforma: e essendo bene informati di lor carico, gli domandorono passaggio per il signor loro, e sua armata, con ogni vbedientia e rendimento di seruitù. Altrimente haueua deliberato quello Lamorabaquin di porre dentro al paese del Conte piu gente di guerra, che non v'erano grani di miglio dentro i sacchi loro. E quel dicendo fecero dispergere il grano per mezo la corte del castello. Il Conte gli accolse e ascoltò humanamente: e al terzo giorno, volendo loro dar risposta, comandò di far vscir in sua corte vna quantità di galli e galline, che gia haueuano state serrate per quei tre di senza mangiare: iquali in manco d'un quarto d'hora mangiorono tuto il miglio. Poi disse a gli Imbasciatori: Ditte al vostro signore, che egli ha gran numero di gente: ma che egli no ne saprebbe tanti porre in campagna, che egli non sieno tutti vccisi, o vinti: si come voi hauete veduto questi grani di miglio esser deuorati per mie galline. Il Conte secondo la speranza sua hebbe la vittoria.

Les Ambassadeurs de Sicile, faisans leur charge vers Iaques vnziéme Roy d'Aragon, lequel leur remonstra qu'ilz deuoyent obeïr à l'Eglise, et à Charles Roy de Naples son beau pere: L'vn des Ambassadeurs luy dit, Sire, nous lisons en plusieurs histoires les peuples auoir esté desfaits par leurs Princes, et l'auons veu de nostre temps: mais que les peuples ayent esté destruits par leur Roy, nous ne l'auons iamais veu, ny ouy dire.