Chapter 1

Bot yeit than Janvss of Dowglas In Dowglas Daile travailland was; Or ellys weill ner hand tharby, In hyddillys sumdeill priuely. For he wald se his gouernyng, That had the castell in keping: And gert mak mony juperty, To se quhethyr he wald ische blythly. And quhen he persavyt that he Wald blythly ische with his menye, He maid a gadringr priuely Off thaim that war on his party; That war sa fele, that thai durst fych With Thyrwall, and all the mycht Off thaim that in the castell war. He schupe him in the nycht so far To Sandylandis: and thar ner by He him enbuschyt priuely, And send a few a trane to ma; That sone in the mornyng gan ga, And tuk catell, that wes the castell by, And syne withdrew thaim hastely Towart thaim that enbuschit war. Than Thyrwall, for owtyn mar, Gert arme his men, forowtyn baid; Aud ischyt with all the men he haid: And foiowyt fast eftir the cry. He wes armyt at poynt clenly, Owtane [that] his hede wes bar. Than, with the men that with him war, The catell folowit he gud speid, Rycht as a man that had na dreid, Till that he gat off thaim a sycht. Than prekyt thai with all thar mycht, Folowand thaim owt off aray And thai sped thaim fleand, quhill thai Fer by thair buschement war past: And Thyrwall ay chassyt fast. And than thai that enbuschyt war Ischyt till him, bath les and mar And rayssyt sudanly the cry. And thai that saw sa sudanly That folk come egyrly prikand Rycht betuix thairn and thair warank, Thai war in to full gret effray. And, for thai war owt off aray, Sum off thaim fled, and some abad. And Dowglas, that thar with him had A gret mengye, full egrely Assaylyt, and scalyt thaim hastyly: And in schort tyme ourraid thaim swa, That weile nane eschapyt thaim fra. Thyrwall, that wes thair capitane, Wes thar in the bargane slane: And off his men the mast party. The lave fled full effraytly.