Part 6

[1] Gele. Jelly. _Gelee_, Contents here and in the next Recipe. _Gely_, Ms. Ed. No. 55, which presents us with much the same prescription. [2] It is commonly thought this fish was not extant in England till the reign of H. VIII.; but see No. 107. 109. 114. So Lucys, or Tenchis, Ms. Ed. II 1. 3. Pygus or Tenchis, II. 2. Pikys, 33 Chaucer, v. Luce; and Lel. Coll. IV. p. 226. VI. p. 1. 5. _Luce salt_. Ibid. p. 6. Mr. Topham's Ms. written about 1230, mentions _Lupos aquaticos five Luceas_ amongst the fish which the fishmonger was to have in his shop. They were the arms of the Lucy family so early as Edw. I. See also Pennant's Zool. III. p. 280, 410. [3] Plays. Plaise, the fish. [4] Dof, i. e. do of.

GELE OF FLESSH. C. II.

Take swyner feet & snowter and the eerys [1]. capouns. connynges calues fete. & wiasche hem clene. & do hem to seeþ in the þriddel [2] of wyne & vyneger and water and make forth as bifore.

[1] Eerys. Ears. [2] Thriddel. V. ad No. 67.

CHYSANNE [1]. C. III.

Take Roches. hole Tenches and plays & sinyte hem to gobettes. fry hem in oyle blaunche almaundes. fry hem & cast wyne & of vyneger þer pridde part þerwith fyges drawen & do þerto powdour fort and salt. boile it. lay the Fisshe in an erthen panne cast the sewe þerto. seeþ oynouns ymynced & cast þerinne. kepe hit and ete it colde.

[1] Chysanne. Qu.

CONGUR [1] IN SAWSE. C. IIII.

Take the Conger and scald hym. and smyte hym in pecys & seeþ hym. take parsel. mynt. peleter. rosmarye. & a litul sawge. brede and salt, powdour fort and a litel garlec, clower a lite, take and grynd it wel, drawe it up with vyneger thurgh a clot. cast the fyssh in a vessel and do þe sewe onoward & serue it forth.

[1] Congur. The Eel called _Congre_. _Sawce_, Contents here, and No. 105, 106.

RYGH [1] IN SAWSE. C. V.

Take Ryghzes and make hem clene and do hem to seeþ, pyke hem clene and frye hem in oile. take Almandes and grynde hem in water or wyne, do þerto almandes blaunched hole fryed in oile. & coraunce seeþ the lyour grynde it smale & do þerto garlec ygronde & litel salt & verious powdour fort & safroun & boile it yfere, lay the Fysshe in a vessel and cast the sewe þerto. and messe it forth colde.

[1] Rygh. A Fish, and probably the _Ruffe_.

MAKEREL IN SAWSE. C. VI.

Take Makerels and smyte hem on pecys. cast hem on water and various. seeþ hem with mynter and wiþ oother erbes, colour it grene or zelow, and messe it forth.

PYKES IN BRASEY [1]. C. VII.

Take Pykes and undo hem on þe wombes [2] and waisshe hem clene and lay hem on a roost Irne [3] þenne take gode wyne and powdour gynger & sugur good wone [4] & salt, and boile it in an erthen panne & messe forth þe pyke & lay the sewe onoward.

[1] Brasey. Qu. [2] Wombs. bellies. [3] roost Irene. a roasting iron. [4] good wone. a good deal. V. Gloss.

PORPEYS IN BROTH. C. VIII.

Make as þou madest Noumbles of Flesh with oynouns.

BALLOC [1] BROTH. C. IX.

Take Eelys and hilde [2] hem and kerue hem to pecys and do hem to seeþ in water and wyne so þat it be a litel ouer stepid [3]. do þerto sawge and ooþer erbis with few [4] oynouns ymynced, whan the Eelis buth soden ynowz do hem in a vessel, take a pyke and kerue it to gobettes and seeþ hym in the same broth do þerto powdour gynger galyngale canel and peper, salt it and cast the Eelys þerto & messe it forth.

[1] Balloc. _Ballok_, Contents. [2] hilde. skin. [3] on stepid. steeped therein. V. No. 110. [4] few, i.e. a few.

ELES IN BREWET. C. X.

Take Crustes of brede and wyne and make a lyour, do þerto oynouns ymynced, powdour. & canel. & a litel water and wyne. loke þat it be stepid, do þerto salt, kerue þin Eelis & seeþ hem wel and serue hem forth.

CAWDEL OF SAMOUN C.XI.

Take the guttes of Samoun and make hem clene. perboile hem a lytell. take hem up and dyce hem. slyt the white of Lekes and kerue hem smale. cole the broth and do the lekes þerinne with oile and lat it boile togyd yfere [1]. do the Samoun icorne þerin, make a lyour of Almaundes mylke & of brede & cast þerto spices, safroun and salt,

seeþ it wel. and loke þat it be not stondyng.

[1] togyd yfere. One of these should be struck out.

PLAYS IN CYEE. C.XII.

Take Plays and smyte hem [1] to pecys and fry hem in oyle. drawe a lyour of brede & gode broth & vyneger. and do þerto powdour gynger. canel. peper and salt and loke þat it be not stondyng.

[1] Vide No. 104. Qu.

FOR TO MAKE FLAUMPEYNS. C. XIII.

Take clene pork and boile it tendre. þenne hewe it small and bray it smal in a morter. take fyges and boile hem tendre in smale ale. and bray hem and tendre chese þerwith. þenne waisthe hem in water & þene lyes [1] hem alle togider wit Ayrenn, þenne take powdour of pepper. or els powdour marchannt & ayrenn and a porcioun of safroun and salt. þenne take blank sugur. eyrenn & flour & make a past wit a roller, þene make þerof smale pelettes [2]. & fry hem broun in clene grece & set hem asyde. þenne make of þat ooþer deel [3] of þat past long coffyns [4] & do þat comade [5] þerin. and close hem faire with a countoer [6], & pynche hem smale about. þanne kyt aboue foure oþer sex wayes, þanne take euy [7] of þat kuttyng up, & þenne colour it wit zolkes of Ayrenn, and plannt hem thick, into the flaumpeyns above þat þou kuttest hem & set hem in an ovene and lat hem bake eselich [8]. and þanne serue hem forth.

[1] lyer. mix. [2] Pelettes. _Pelotys_ Ms. Ed. No. 16. Balls, pellets, from Fr. _pelote_. [3] deel. deal, i.e. part, half. [4] Coffyns. Pies without lids. [5] comade. Qu. [6] coutour. coverture, a lid. [7] euy. every. [8] eselich. easily, gently.

FOR TO MAKE NOUMBLES IN LENT. C. XIIII.

Take the blode of pykes oþer of conger and nyme [1] the paunches of pykes. of conger and of grete code lyng [2], & boile hem tendre & mynce hem smale & do hem in þat blode. take crustes of white brede & strayne it thurgh a cloth. þenne take oynouns iboiled and mynced. take peper and safroun. wyne. vynegur aysell [3] oþer alegur & do þerto & serue forth.

[1] nyme. take. Perpetually used in Ms. Ed. from Sax. niman. [2] code lyng. If a Codling be a _small cod_, as we now understand it, _great codling_ seems a contradiction in terms. [3] Aysell. Eisel, vinegar. Littleton.

FOR TO MAKE CHAWDON [1] FOR LENT. C. XV.

Take blode of gurnardes and congur & þe paunch of gurnardes and boile hem tendre & mynce hem smale, and make a lyre of white Crustes and oynouns ymynced, bray it in a morter & þanne boile it togyder til it be stondyng. þenne take vynegur oþ aysell & safroun & put it þerto and serue it forth.

[1] Chawdoun. V. Gloss.

FURMENTE WITH PORPEYS. C. XVI.

Take clene whete and bete it small in a morter and fanne out clene the doust, þenne waisthe it clene and boile it tyl it be tendre and broun. þanne take the secunde mylk of Almaundes & do þerto. boile hem togidur til it be stondyng, and take þe first mylke & alye it up wiþ a penne [1]. take up the porpays out of the Furmente & leshe hem in a dishe with hoot water. & do safroun to þe furmente. and if the porpays be salt. seeþ it by hym self, and serue it forth.

[1] Penne. Feather, or pin. Ms. Ed. 28.

FYLETTES IN GALYTYNE. C. XVII.

Take Pork, and rost it tyl the blode be tryed out & þe broth [1]. take crustes of brede and bray hem in a morter, an drawe hem thurgh a cloth with þe broth, þenne take oynouns an leshe hem on brede an do to the broth. þanne take pork, and leshe it clene with a dressyng knyf and cast it into þe pot broth, & lat it boile til it be more tendre. þanne take þat lyour þerto. þanne take a porcion of peper and saundres & do þerto. þanne take parsel & ysope & mynce it smale & do þerto. þanne take rede wyne oþer white grece & raysouns & do þerto. & lat it boile a lytel.

[1] the broth. Supposed to be prepared beforehand.

VEEL IN BUKNADE [1]. C. XVIII.

Take fayr Veel and kyt it in smale pecys and boile it tendre in fyne broth oþer in water. þanne take white brede oþer wastel [2], and drawe þerof a white ... lyour wiþ fyne broth, and do þe lyour to the Veel, & do safroun þerto, þanne take parsel & bray it in a morter & the Juys [3] þerof do þerto, and þanne is þis half zelow & half grene. þanne take a porcioun of wyne & powdour marchant & do þerto and lat it boile wele, and do þerto a litel of [4] vynegur. & serue forth.

[1] Buknade. V. No. 17. [2] Wastel. V. Gloss. [3] Juys. Juice. [4] litel of vynegur. We say, _a little vinegar_, omitting _of_. So 152, _a lytull of lard_.

SOOLES IN CYNEE [1]. C. XIX.

Take Sooles and hylde hem, seeþ hem in water, smyte hem on pecys and

take away the fynnes. take oynouns iboiled & grynde the fynnes þerwith and brede. drawe it up with the self broth. do þerto powdour fort, safroun & hony clarified with salt, seeþ it alle yfere. broile the sooles & messe it in dysshes & lay the sewe above. & serue forth.

[1] Cynee. _Cyney_, Contents, both here and No. 120. 123. See before, No. 25.

TENCHES IN CYNEE. XX.VI.

Take Tenches and smyte hem to pecys, fry hem, drawe a lyour of Raysouns coraunce witþ wyne and water, do þerto hool raisouns & powdour of gyngur of clowes of canel of peper do the Tenches þerto & seeþ hem with sugur cypre & salt. & messe forth.

OYSTERS IN GRAVEY. XX.VI. I.

Schyl [1] Oysters and seeþ hem in wyne and in hare [2] own broth. cole the broth thurgh a cloth. take almandes blaunched, grynde hem and drawe hem up with the self broth. & alye it wiþ flour of Rys. and do the oysters þerinne, cast in powdour of gyngur, sugur, macys. seeþ it not to stondyng and serue forth.

[1] shell, take of the shells. [2] hare. their. _her_. No. 123. Chaucer.

MUSKELS [1] IN BREWET. XX.VI. II.

Take muskels, pyke hem, seeþ hem with the owne broth, make a lyour of crustes [2] & vynegur do in oynouns mynced. & cast the muskels þerto & seeþ it. & do þerto powdour with a lytel salt & safron the samewise make of oysters.

[1] Muskles. _muskels_ below, and the Contents. Muscles. [2] crustes. i.e. of bread.

OYSTERS IN CYNEE. XX.VI. III.

Take Oysters parboile hem in her owne broth, make a lyour of crustes

of brede & drawe it up wiþ the broth and vynegur mynce oynouns & do þerto with erbes. & cast the oysters þerinne. boile it. & do þerto powdour fort & salt. & messe it forth.

CAWDEL OF MUSKELS. XX.VI. IIII.

Take and seeþ muskels, pyke hem clene, and waisshe hem clene in wyne. take almandes & bray hem. take somme of the muskels and grynde hem. & some hewe smale, drawe the muskels yground with the self broth. wryng the almaundes with faire water. do alle þise togider. do þerto verious and vyneger. take whyte of lekes & parboile hem wel. wryng oute the water and hewe hem smale. cast oile þerto with oynouns parboiled & mynced smale do þerto powdour fort, safroun and salt. a lytel seeþ it not to to [1] stondyng & messe it forth.

[1] to to, i. e. too too. Vide No. 17.

MORTREWS OF FYSSH. XX.VI. V.

Take codlyng, haddok, oþ hake and lynours with the rawnes [1] and seeþ it wel in water. pyke out þe bones, grynde smale the Fysshe, drawe a lyour of almaundes & brede with the self broth. and do the Fysshe grounden þerto. and seeþ it and do þerto powdour fort, safroun and salt, and make it stondyng.

[1] rawnes. roes.

LAUMPREYS IN GALYNTYNE. XX.VI. VI.

Take Laumpreys and sle [1] hem with vynegur oþer with white wyne & salt, scalde hem in water. slyt hem a litel at þer nauel.... & rest a litel at the nauel. take out the guttes at the ende. kepe wele the blode. put the Laumprey on a spyt. roost hym & kepe wel the grece. grynde raysouns of coraunce. hym up [2] with vyneger. wyne. and crustes of brede. do þerto powdour of gyngur. of galyngale [3]. flour of canel. powdour of clowes, and do þerto raisouns of coraunce hoole. with þe blode & þe grece. seeþ it & salt it, boile it not to stondyng, take up the Laumprey do hym in a chargeour [4], & lay þe sewe onoward, & serue hym forth.

[1] sle. slay, kill. [2] hym up. A word seems omitted; _drawe_ or _lye_. [3] of galyngale, i. e. powder. V. No. 101. [4] Chargeour. charger or dish. V. No. 127.

LAUMPROUNS IN GALYNTYNE. XX.VI. VII.

Take Lamprouns and scalde hem. seeþ hem, meng powdour galyngale and some of the broth togyder & boile it & do þerto powdour of gyngur & salt. take the Laumprouns & boile hem & lay hem in dysshes. & lay the sewe above. & serue fort.

LOSEYNS [1] IN FYSSH DAY. XX.VI. VIII.

Take Almandes unblaunched and waisthe hem clene, drawe hem up with water. seeþ þe mylke & alye it up with loseyns. cast þerto safroun. sugur. & salt & messe it forth with colyandre in confyt rede, & serue it forth.

[1] Loseyns. _Losyns_, Contents.

SOWPER OF GALYNTYNE [1]. XX.VI. IX.

Take powdour of galyngale with sugur and salt and boile it yfere. take brede ytosted. and lay the sewe onoward. and serue it forth.

[1] Sowpes of Galyntyne. Contents has _in_, recte. _Sowpes_ means Sops.

SOBRE SAWSE. XX.VI. X.

Take Raysouns, grynde hem with crustes of brede; and drawe it up with wyne. do þerto gode powdours and salt. and seeþ it. fry roches, looches, sool, oþer ooþer gode Fyssh, cast þe sewe above, & serue it forth.

COLD BREWET. XX.VI. XI.

Take crome [1] of almaundes. dry it in a cloth. and whan it is dryed do it in a vessel, do þerto salt, sugur, and white powdour of gyngur and Juys of Fenel and wyne. and lat it wel stonde. lay full & messe & dresse it forth.

[1] crome. crumb, pulp.

PEERES [1] IN CONFYT. XX.VI. XII.

Take peeres and pare hem clene. take gode rede wyne & mulberes [2] oþer saundres and seeþ þe peeres þerin & whan þei buth ysode, take hem up, make a syryp of wyne greke. oþer vernage [3] with blaunche powdour oþer white sugur and powdour gyngur & do the peres þerin. seeþ it a lytel & messe it forth.

[1] Peeres. pears. [2] mulberes. mulberries, for colouring. [3] Vernage. Vernaccia, a sort of Italian white wine. V. Gloss.

EGURDOUCE [1] OF FYSSHE. XX.VI. XIII.

Take Loches oþer Tenches oþer Solys smyte hem on pecys. fry hem in oyle. take half wyne half vynegur and sugur & make a siryp. do þerto oynouns icorue [2] raisouns coraunce. and grete raysouns. do þerto hole spices. gode powdours and salt. messe þe fyssh & lay þe sewe aboue and serue forth.

[1] Egurdouce. Vide Gloss. [2] icorue, icorven. cut. V. Gloss.

COLDE BREWET. XX.VI. XIIII.

Take Almaundes and grynde hem. take the tweydel [1] of wyne oþer the þriddell of vynegur. drawe up the Almaundes þerwith. take anys sugur & branches of fenel grene a fewe. & drawe hem up togyder with þer mylke take poudour of canell. of gyngur. clowes. & maces hoole. take kydde oþer chikenns oþer flessh. & choppe hem small and seeþ hem. take all þis flessh whan it is sodenn & lay it in a clene vessel & boile þer sewe & cast þerto salt. þenne cast al þis in þe pot with flesh. &ter. [2]

[1] Tweydel. Two parts. [2] &ter. i. e. serue forth.

PEVORAT [1] FOR VEEL AND VENYSOUN. XX.VI. XV.

Take Brede & fry it in grece. drawe it up with broth and vynegur, take þerto powdour of peper & salt and sette it on the fyre. boile it and messe it forth.

[1] Pevorat. Peverade, from the pepper of which it is principally composed.

SAWSE [2] BLAUNCHE FOR CAPOUNS YSODE. XX.VI. XVI.

Take Almandes blaunched and grynd hem al to doust. temper it up with verions and powdour or gyngyner and messe it forth.

[2] Sawse. _Sawce_, Contents. As No. 137.

SAWSE NOYRE FOR CAPOUNS YROSTED. XX.VI. XVII.

Take the lyuer of Capons and roost it wel. take anyse and greynes de Parys [1]. gyngur. canel. & a lytill crust of brede and grinde it smale. and grynde it up with verions. and witþ grece of Capouns. boyle it and serue it forth.

[1] de Parys. Of Paradise. V. Pref.

GALYNTYNE [1]. XX.VI. XVIII.

Take crustes of Brede and grynde hem smale, do þerto powdour of galyngale, of canel, of gyngyner and salt it, tempre it with vynegur and drawe it up þurgh a straynour & messe it forth.

[1] Galyntyne. Galentyne, Contents.

GYNGENER [1]. XX.VI. XIX.

Take payndemayn and pare it clene and funde it in Vinegur, grynde it and temper it wiþ Vynegur, and with powdour gyngur and salt, drawe it thurgh a straynour. and serue forth.

[1] Gyngener. From the powder of Ginger therein used.

VERDE [1] SAWSE. XX.VII.

Take parsel. mynt. garlek. a litul serpell [2] and sawge, a litul canel. gyngur. piper. wyne. brede. vynegur & salt grynde it smal with

safroun & messe it forth.

[1] Verde. It has the sound of _Green-sauce_, but as there is no Sorel in it, it is so named from the other herbs. [2] a litul serpell. Wild thyme.

SAWSE NOYRE FOR MALARD. XX.VII. I.

Take brede and blode iboiled. and grynde it and drawe it thurgh a cloth with Vynegur, do þerto powdour of gyngur ad of peper. & þe grece of the Maulard. salt it. boile it wel and serue it forth.

CAWDEL FOR GEES. XX.VII. II.

Take garlec and grynde it smale. Safroun and flour þerwith & salt. and temper it up with Cowe Mylke. and seeþ it wel and serue it forth.

CHAWDOUN [1] FOR SWANNES XX.VII. III.

Take þe lyuer and þe offall [2] of the Swannes & do it to seeþ in gode broth. take it up. take out þe bonys. take & hewe the flessh smale. make a Lyour of crustes of brede & of þe blode of þe Swan ysoden. & do þerto powdour of clowes & of piper & of wyne & salt, & seeþ it & cast þe flessh þerto ihewed. and messe it forth with þe Swan.

[1] Chawdoun. V. Gloss. [2] offall. _Exta_, Gibles.

SAWSE CAMELYNE [1]. XX.VII. IIII.

Take Raysouns of Coraunce. & kyrnels of notys. & crustes of brede & powdour of gyngur clowes flour of canel. bray it [2] wel togyder and do it þerto. salt it, temper it up with vynegur. and serue it forth.

[1] Camelyne. Qu. if _Canelyne_ from the _Fluor of Canel_? [2] bray. bray.

LUMBARD MUSTARD. XX.VII. V.

Take Mustard seed and waishe it & drye it in an ovene, grynde it drye. farse it thurgh a farse. clarifie hony with wyne & vynegur & stere it wel togedrer and make it thikke ynowz. & whan þou wilt spende þerof make it tnynne with wyne.

NOTA. XX.VII. VI.

Cranes [1] and Herouns shul be armed [2] with lardes of Swyne. and eten with gyngur.

[1] Cranes. A dish frequent formerly at great tables. Archæologia, II. p. 171. mentioned with Herons, as here, Ms. Ed. 3. where the same Recipe occurs. et v. Lel. Coll. IV. p. 226. VI. p. 38. Rabelais, IV. c. 59. E. of Devon's Feast. [2] armed. Ms. Ed. No. 3. has _enarmed_, as may be read there. _Enarmed_, however, in Lel. Collect. IV. p. 225. means, decorated with coate of arms. Sheldes of Brawn are there _in armor_, p. 226. However, there is such a word as _enorned_. Leland, p. 280. 285. 297. which approaches nearer.

NOTA. XX.VII. VII.

Pokok and Partruch shul be parboiled. lardid and rosted. and eten with gyngeuer.

FRY BLAUNCHED. XX.VII. VIII.

Take Almandes blaunched and grynde hem al to doust, do þise in a thynne foile. close it þerinnne fast. and fry it in Oile. clarifie hony with Wyne. & bake it þerwith.

FRYTOUR OF PASTERNAKES OF APPLES [1]. XX.VII. IX.

Take skyrwater and pasternakes and apples, & parboile hem, make a batour of flour and ayrenn, cast þerto ale. safroun & salt. wete hem in þe batour and frye hem in oile or in grece. do þerto Almaund Mylk. & serue it forth.

[1] Frytour, &c. Contents has only, _Frytours of Pasternakes_. N. B. _Frytour_ is _Fritter_.

FRYTOUR OF MYLKE. XX.VII. X.

Take of cruddes [1] and presse out þe wheyze [2]. do þerto sum whyte of ayrenn. fry hem. do þerto. & lay on sugur and messe forth.

[1] Cruddes. Curds, per metathesin. [2] wheyze. whey.

FRYTOUR OF ERBES. XX.VII. XI.

Take gode erbys. grynde hem and medle [1] hem with flour and water & a lytel zest and salt, and frye hem in oyle. and ete hem with clere hony.

[1] medle. mix.

RASYOLS [1]. XX.VII. XII.

Take swyne lyuoers and seeþ hem wel. take brede & grate it. and take zolkes of ayrenn. & make hit sowple [2] and do þerto a lytull of lard carnoun lyche a dee [3]. chese gratyd [4] & whyte grece. powdour douce & of gyngur & wynde it to balles [5] as grete as apples. take þe calle of þe swyne & cast euere [6] by hym self þerin. Make a Crust in a trape [7]. and lay þe ball þerin & bake it. and whan þey buth ynowz: put þerin a layour of ayrenn with powdour fort and Safroun. and serue it forth.

[1] Rasyols. Rasiowls, Contents. Qu. the etymen. [2] sowple. supple. [3] carnoun lyche a dee. Cut like dice, diced. Fr. _De_; singular of _Dice_. [4] gratyd. grated. _igrated_, No. 153. [5] wynde it to balles, make it into Balls. [6] euere. each. [7] trape. pan, or dish. French.

WHYTE MYLATES [1]. XX.VII. XIII.

Take Ayrenn and wryng hem thurgh a cloth. take powdour fort, brede igrated, & safroun, & cast þerto a gode quantite of vynegur with a litull salt, medle all yfere. make a foile in a trape & bake it wel þerinne. and serue it forth.

[1] Mylates. Contents, _Milates_; but 155 as here. Qu.

CRUSTARDES [1] OF FLESSH. XX.VII. XIIII.

Take peiouns [2], chykens, and smale briddes smyte hem in gobettes. & seeþ hem alle ifere in god broþ wiþ veriaws [3] do þerto safroun, make a crust in a trape. and pynche it. & cowche þe flessh þerinne. & cast þerinne Raisouns coraunce. powdour douce and salt. breke ayrenn and wryng hem thurgh a cloth & swyng þe sewe of þe stewe þerwith and helde it [4] uppon the flessh. couere it & bake it wel. and serue it forth.

[1] Crustards. Pies. [2] peiouns. pigeons. V. ad No. 48. [3] veriaws. Verjuice. [4] helde it. pour, cast.

MYLATES OF PORK. XX.VII. XV.

Hewe Pork al to pecys and medle it with ayrenn & chese igrated. do þerto powdour fort safroun & pyneres [1] with salt, make a crust in a trape, bake it wel þerinne, and serue it forth.

[1] pyneres. Vide Pref.

CRUSTARDES OF FYSSHE. XX.VII. XVI.

Take loches, laumprouns, and Eelis. smyte hem on pecys, and stewe hem wiþ Almaund Mylke and verions, frye the loches in oile as tofore. and lay þe fissh þerinne. cast þeron powdour fort powdour douce. with raysons coraunce & prunes damysyns. take galyntyn and þe sewe þerinne, and swyng it togyder and cast in the trape. & bake it and serue it forth.

CRUSTARDES OF EERBIS [1] ON FYSSH DAY. XX.VII. XVII.

Take gode Eerbys and grynde hem smale with wallenotes pyked clene. a grete portioun. lye it up almost wiþ as myche verions as water. seeþ it wel with powdour and Safroun withoute Salt. make a crust in a trape and do þe fyssh þerinne unstewed wiþ a litel oile & gode Powdour. whan it is half ybake do þe sewe þerto & bake it up. If þou wilt make it clere of Fyssh seeþ ayrenn harde. & take out þe zolkes & grinde hem with gode powdours. and alye it up with gode stewes [2] and serue it forth.

[1] Erbis. Rather _Erbis and Fissh_. [2] stewes. V. No. 170.

LESSHES [1] FRYED IN LENTON [2]. XX.VII. XVIII.

Drawe a thick almaunde Mylke wiþ water. take dates and pyke hem clene with apples and peeres & mynce hem with prunes damysyns. take out þe stones out of þe prunes. & kerue the prunes a two. do þerto Raisouns sugur. flour of canel. hoole macys and clowes. gode powdours & salt. colour hem up with saundres. meng þise with oile, make a coffyn as þou didest bifore & do þis Fars [3] þerin. and bake it wel and serue it forth.

[1] Leshes. V. Leche Lumbard in Gloss. [2] lenton. Lentoun, Contents, i. e. Lent. [3] Fars. Vide Gloss.

WASTELS YFARCED. XX.VII. XIX.

Take a Wastel and hewe out þe crummes. take ayrenn & shepis talow & þe crummes of þe same Wastell powdour fort & salt with Safroun and Raisouns coraunce. & medle alle þise yfere & do it in þe Wastel. close it & bynde it fast togidre. and seeþ it wel.

SAWGE YFARCED. XX.VIII.

Take sawge. grynde it and temper it up with ayrenn. a saweyster [1] & kerf hym to gobettes and cast it in a possynet. and do þerwiþ grece & frye it. Whan it is fryed ynowz cast þerto sawge with ayren make it not to harde. cast þerto powdour douce, messe it forth. If it be in Ymber day; take sauge butter & ayrenn. and lat it stonde wel by þe sause [2], & serue it forth.

[1] saweyster. Qu. [2] stonde wel by the sause. Become thick with the sawce.

SAWGEAT [1]. XX.VIII. I.